ni'o ni'o
lisri fi lo poi lo pulji cu te preti fo ke'a ku'o se fraxu to'i sa'a lo se fraxu cu zekri prenu gi'e se fraxu te zu'e lo nu gau lo pulji vo'a sidju fi lo nu facki fi lo drata zekri toi [se fraxu]

ni'o
pau pei lo nanmu poi mi kavbu ke'a ku'o goi ko'a mo kau
.i
ko'a jo'a du la .tajomar. noi misno ke zekri lebna
.i ku'i
pu ki ca lo mu'e mi kavbu ku
sei la'a za'a ko'a fi lo xirma ba'o farlu
bu'u lo la .a,uadagutc. rokci cripu cpana ku
ki'ai to'i sa'a zo ki'ai po'e la'o gy COI2 gy cipra cmavo gi'e tcita lo cmevla ja se sitna be se pi'o zo zoi ja ve skicu le du'u sinxa le du'u ma kau se krixa toi [ki'ai] .un,un. cmoni ca'o
.i
pau pei ma kau tcika
.i
lo tcika zo'u sa'e nai prulamcte ke pa moi ctetcika to'i sa'a lo pa moi ctetcika cu du lo tcika be fa li ji'i pa so bi'o ji'i re pa toi [ctetcika]
.i
pu za ku ca lo mu'e mi kavbu fliba ku ji'a
ko'a lo vi blanrkonu to'i sa'a lo blanrkonu cu xekri se mau lo blanrxanada

.i sitna la'o py 太田 耕嗣 『源氏物語 千年の色: 単色』, 太田工芸, 京都, 2005 py toi [blanrkonu] crekrsuikanu to'i sa'a lo crekrsuikanu cu creka se ku'u lo gugdejupu be ca lo no'u la .xeian. cedra be co'i li ze so vo bi'o pa pa so re

.i sitna la'o py 池上 良太 『図解 日本の装束』, 新紀元社, 東京, 2008 py toi [crekrsuikanu] ku jo'u lo jinme darxi punli jadni ke barda dakfu cu dasni
.i ku'i
nau ca ku lo ri drata ji'a no'u sei je'u do viska lo'e bagyce'a jo'u celga'a ku ji'a sai se ralte
.i .ua jo'a pei
lo pu se ralte be lo nanmu pe lo de'u morsi xadni be'o ku ji'a co'e
sei sa'a ze'i smaji se'u
.i se ki'u bo
ju'o lo pu ca'a prenu catra cu du ko'a no'u la .tajomar.
.i
lo bagyce'a poi lo skapi cu sarlu vasru ke'a ku'o jo'u lo xekri cinta tubnu ku jo'u lo cipnrtaka to'i sa'a lo cipnrtaka cu du la'o ly Accipitridae ly toi [cipnrtaka] pimlu ke jamna celga'a pa ze mei ku
sei sa'a ze'i smaji se'u
vu'o no'u ro ke'a le nanmu cu ju'o se ralte pu
.i jo'a
lo xirma goi ko'e ji'a sei je'u do cusku ga'i nai se'u ke katna cnici se kerfa ke'e je ke skari kandi
.i
ko'a fi ko'e no'u lo di'u danlu ga'i bai vo'i farlu
.i ju'o
la'e di'u da re'e zei jalge
.i
ko'e vi ze'o lo rokci cripu va'o lo nu fe lo clani skori cu te lasna kei lo dargu mlana ke crino srasrsusuki to'i sa'a lo srasrsusuki du la'o ly Miscanthus sinensis ly toi [srasrsusuki] ca'o citka

ni'o
ko'a no'u la .tajomar. ga'i verai lo'i zekri lebna poi ne'i la .rakutcun. mo'i zei zvati ku'o nelci be lo'e ninmu
.i
lo nu ca lo prulamna'a critu bu'u lo cmana be ti'a lo no'u la .binzur. to'i sa'a la .binzur. du la'o sy Piṇḍola Bharadvāja sy noi budjo censa toi [.binzur.] vi'u pixra po lo no'u la .torib. malsi
lo catni ninmu pa mei poi la'a lijda vitke ku'o jo'u lo nixli ba'o se catra kei
cu ti'e sa'e cu'i jalge zu'e ko'a ga'i
.i
lo de'u ninmu poi se marce lo skari kandi ku'o ji'a
ni'i lo nu ru'a ba'e ko'a ga'i le nanmu pu catra ku
fa'a zo'e co'e .ia cu'i
.i
sei mi du'e mei cusku se'u ku'i
la'e di'u ji'a ko se lanli ga'i nai .e'u