gimste bau la lojban ji'u la jbovlaste de'i li 2023-10-10

bacru
-ba'u-
x_1 cupra x_2 noi bangu sance ku'o lo'e nu pilno lo'e tavla rango be x_1
{sance}; {voksa}; {krixa}; {cmoni}; {tavla}

badna
x_1 grute x_2 noi jutsi la'o jutygunma Musa jutygunma
{grute}; {jutsi}

badri
-dri-
x_1 cinmo lo ka to'e se pluka x_2 .i x_1 to'e gleki x_2
{cinmo}; {pluka}; {gleki}

bajra
-baj-
x_1 litru x_2 x_3 noi tuple x_1 ku'o ta'i lo nu su'o roi ro nu stapa kei no lo tuple cu pencu lo loldi
{litru}; {tuple}; {stapa}; {pencu}; {loldi}; {cadzu}

bakni
-bak-
x_1 rapmarxa mabru x_2 noi jutsi la'o jutygunma Bos jutygunma
{rapmarxa}; {mabru}; {jutsi}; {lanme}; {kanba}; {kumte}; {mirli}; {djirafa}

baktu
x_1 condi vautci x_2 gi'e marji x_3 gi'e barda je gapru kalri gi'e ka'e se pilno fi lo nu bevri x_2
{condi}; {vautci}; {marji}; {barda}; {gapru}; {kalri}; {pilno}; {bevri}; {patxu}

balni
x_1 galtu tsina je barku'e x_2
{galtu}; {tsina}; {barku'e}; {kajna}

balre
-ba'e-
x_1 plita je kinli pagbu x_2 noi tutci ja xarci gi'e se pilno fi lo ka katna ja guska ja tunta
{plita}; {kinli}; {pagbu}; {tutci}; {xarci}; {katna}; {guska}; {tunta}: {dakfu}

balvi
-bav-
x_1 se lidne x_2 lo'e temci porsi .i x_1 se purci x_2
{lidne}; {purci}; {cabna}

bancu
-bac-
x_1 zmadu x_2 lo ka ce'u darno x_3 x_4
{zmadu}; {darno}; {ragve}

bandu
-bad-
x_1 rinka lo nu x_2 snura x_3 .i x_1 fapro x_3 noi gunta x_2
{rinka}; {snura}; {fapro}; {gunta}

banfi
x_1 lekselblu bogda'u x_2 .i lo cifnu cu na'o xabju lo djacu gi'e pilno lo jacyfepri lo ka vasxu .i lo makcu cu na'o pi mu si'e tumxa'u gi'e pilno lo fepri lo nu vasxu pa'o lo cilmo je cigla pilka
{lekselblu} .i {bogda'u}

bangu
-ban-
-bau-
x_1 gunma lo valsi jo'u lo ciste be ri bei lo ka x_2 pilno ri ma'i ce'u lo ka cusku lo se smuni be x_3
{gunma}; {valsi}; {ciste}; {pilno}; {cusku}; {smuni}, {tavla}; {gerna}; {jufra}

banli
-bal-
-ba'i-
x_1 mutce lo ka jai se manci ja se sinma fai x_2 gi'a vajni fi x_2
{mutce}; {manci}; {sinma}; {vajni}

banro
-ba'o-
x_1 zenba lo ka barda kei co'u lo nu x_2 tarmi ja nilbra x_1 kei co'a lo nu x_3 tarmi ja nilbra x_1

banxa
-bax-
x_1 kagni x_2 x_3 noi cpacu ja te jbera ja canja ja marbi lo jdini gi'a su'o roi te jdini
{kagni}; {cpacu}; {jbera}; {canja}; {marbi}; {jdini}

banzu
-baz-
lo nu x_1 narfau cu sarcu lo nu x_2 narfau
srana fa zo {sarcu} .e zo {bazysa'u} .e zo {banzuni} .e zo {nibli} .e zo {selja'e} .e zo {rinka}

bapli
-bap-
-bai-
x_1 vlipa je rinka x_2
{vlipa} .i {rinka}

barda
-bra-
x_1 zmadu lo cnano be x_2 bei x_3 be'o x_2 noi cimde x_1

barja
x_1 stuzi lo nu x_2 noi selpinxe cu se vecnu ja se sabji fi x_3 gi'e se pinxe x_3
{stuzi}; {selpinxe}; {vecnu}; {sabji}; {pinxe}; {gusta}

barna
-ba'a-
x_1 selviska'e prina ja skuro ja tcila lo sefta be x_2
{selviska'e}; {prina}; {skuro}; {tcila}; {sefta}; {ciska}

bartu
-bar-
no pagbu be x_1 cu zvati x_2
selsmudukti zo {nenri} gi'e se srana zo {zvati} .e zo {pagbu}

basfa [experimental]
x_1 marce x_2 no'u so'i prenu x_3 boi x_4
mintu zo {sorprema'e} gi'e se cmima zo {sorprekarce} .i basfa gi'u pilno lo dargu

basti
-bas-
x_1 pu na je ca ckaji x_3 noi pu je nai ca se ckaji x_2
{ckaji}; {cabna}; {purci}

batci
-bat-
x_1 gasnu lo nu x_4 noi pagbu x_1 cu tunta x_3 noi pagbu x_2
{tunta}, {denci}, {jgalu}, {guska}, {citka}

bavmi
x_1 gurni ja spati x_2 noi jutsi la'o jutygunma Hordeum jutygunma
{gurni}; {spati}; {jutsi}

bavza [experimental]
x_1 fasnu ba za x_2 .i x_1 fasnu ki x_3 ba za x_2
zo {ba} zo {za} zo {bavjbi} zo {bavda'o} zo {puvza}

baxso
x_1 ckini lo kulnu ja bangu ja cecmu ja natmi pe lo banzusumu x_2
{kulnu}; {bangu}; {cecmu}; {natmi}; {banzusumu}; {polno}; {bindo}; {meljo}

bebna
-beb-
x_1 zukte ja tarti x_2 noi fenki .i x_1 to'e prije x_2
{zukte}; {tarti}; {fenki}; {prije}

bende
-bed-
-be'e-
x_1 gunma x_2 noi prenu gi'e se gidva x_3 x_4
{gunma}; {prenu}; {gidva}

bengo
-beg-
x_1 ckini lo kulnu ja bangu ja cecmu ja natmi pe lo banbu'enu ja gugdebudu x_2
{kulnu}; {bangu}; {cecmu}; {natmi}; {banbu'enu}; {gugdebudu}; {xazdo}

benji
-bej-
-be'i-
x_1 cfagau lo nu x_2 muvdu x_3 fi x_4
srana fa zo {cpacu} .e zo {mrilu}

bersa
-bes-
-be'a-
x_1 nakni gi'e se rirni x_2

berti
-ber-
x_1 zunle x_2 lo solnuntolcanci noi stuna .i x_1 to'e snanu x_2
{zunle} .i {snanu} .i {stici} .i {stuna} .i {farna} .i {solnuntolcanci}

besna
-ben-
x_1 pagbu lo ralju ciste be lo nirna be x_2 gi'e se vasru lo stedu gi'e jitro lo menli jo'u xadni nu tarti
{pagbu}; {ralju}; {ciste}; {nirna}; {stedu}; {jitro}; {menli}; {xadni}; {tarti}

besto [experimental]
x_1 fu'e pe'a dunda lo pastu be lo cilro'i be'o po'u x_2 te zu'e lo nu py bandu fi x_3 noi fagri x_4 noi selsnu ku'o gau x_5 fu'o noi to'e tugni tu'a x_6 noi mriselsku ku'o ki'u x_7 je cu na'e sanji lo du'u my cu se mrilu ai da'oi zi'o fi x_8 je nai ro se mriste be x_9 to fau lo nu cuxycau kei cei broda x_9 du la jboste toi noi jai xe be'i my noi'a te spuda x_10 noi samselmri fo da poi djica lo nu x_11 noi selma'o to fau lo broda x_11 du ma'oi se toi cu se cmima lo za'u no'o mei te zu'e lo nu sy ka'e jai se pi'o skicu tu'a x_12 noi tersu'i x_13 noi brivla to fau lo broda x_13 du zo besto toi je cu sinxa de poi bridi fi x_14 je cu se sumti du'e di mu'i x_15 noi uu'i zei selcni x_16 noi ji'a pu finti x_17 noi brivla je cu sinxa lo bridi be fi x_18 ku'o je ja'e bo cu du'e roi pilno x_19 noi cmavo to fau lo broda x_19 du zo zi'o toi ku'o te zu'e lo nu x_13 zenba lo ka ce'u plixau fi'o dardu x_20 kei kei je cu djica lo ka ce'u no roi facki fi zo besto kei ki'u x_21 je cu na'e sanji ki'u x_22 lo du'u ranxi se stidi mu'i x_23 noi nu zdicaudri fa x_24 noi stidi tu'a zo besto to'e ki'u nai tu'a x_25 noi xagmau se jinvi lu'u mu'i lo nu zdile fi'o dardu x_26 kei je cu ku'i za'o djica lo nu zo besto cu dunli x_27 to fau lo broda x_27 du zo du toi lo ka xo kau da xi vo sumti la'e ce'u kei kei ki'u x_28 je cu co'i cinmo co aidji lo ka ce'u jmina x_29 noi junske tersu'i ku'o mu'i lo nu x_16 djuno ge lo du'u lo tergi'u be fi x_30 noi gismu to fau lo broda x_30 du zo besto toi cu jai se nibli x_31 noi ca'o zei jufra gi lo du'u lo junske tersu'i cu se pilno fi tu'a x_32 noi gismu ku'o ve du'o x_33 to'e ki'u nai lo du'u x_34 ka'e je'a pilno lo terbri be zo besto be'o po'u x_35 ga'o bi'i ga'o x_36 to fau lo broda x_35 fa'u x_36 du li pa fa'u x_7 toi ge'u je cu djica lo nu dei na'e tcetce clani je bebna xamselsku je cu clamau x_37 noi xamselsku ku'o je bo cu bebmau x_38 noi xamselsku ku'o je cu ku'i se i'onmo cei brode x_39 sei lo du'u brode kei x_40 fi'o jinvi x_41 cu nibli se'u je cu ku'i to'e sai zdile x_42 noi sanji lo du'u x_43 ka'e pilno zo besto ki'u x_45
xajmi gismu i claxu lo 44 moi tergi'u

betfu
-bef-
-be'u-
x_1 midju pagbu lo xadni be x_2 gi'e vasru lo stomaxu jo'u lo canti
{midju}; {pagbu}; {xadni}; {vasru}; {stomaxu}; {canti}

bevri
-bev-
-bei-
x_1 jgari ja se cpana ja marce x_2 gi'e gasnu lo nu x_2 muvdu x_3 boi x_4 boi x_5

bikla
-bik-
x_1 vlile je suksa fi lo ka muvdu

bilga
-big-
lo nu x_1 zukte ja ckaji x_2 cu sarcu lo nu x_1 tinbe x_3 noi flalu ja javni ja marde .i x_3 se jalge lo nu x_1 na zifre lo ka na zukte ja ckaji x_2
{sarcu}; {tinbe}; {flalu}; {javni}; {marde}; {zifre}

bilma
-bi'a-
x_1 na'e kanro gi'e jarco x_2 noi jalge x_3 noi nu spofu fa lo rango ja pagbu be lo xadni be x_1
{kanro}; {jarco}; {jalge}; {spofu}; {rango}; {pagbu}; {xadni}; {mikce}; {spita}; {senci}; {kafke}

bilni
-bil-
x_1 se jursa lo ka te ganzu fi x_2 kei te zu'e x_3 noi mu'a nu jamna
{jursa}; {ganzu}; {jamna}

bindo
-bid-
x_1 ckini lo kulnu ja bangu ja cecmu ja natmi pe lo gugde'idu x_2
{kulnu}; {bangu}; {cecmu}; {natmi}; {gugde'idu}; {polno}; {baxso}

binxo
-bix-
-bi'o-
x_1 cenba ja'e lo nu x_1 du x_2
{cenba} .i {du}

birje
x_1 xalka selpinxe gi'e se krasi lo fusra gurni be x_2 noi na'o bavmi
{xalka}; {selpinxe}; {krasi}; {fusra}; {gurni}; {bavmi}; {jikru}; {vanju}; {barja}

birka
-bir-
x_1 gapru ja crane jimca lo xadni be x_2 noi remna ja danlu
{gapru}; {crane}; {jimca}; {xadni}; {remna}; {danlu}

birti
-bit-
x_1 krici x_2 x_3 gi'e claxu lo ka senpi x_2 x_3
{krici}; {senpi}; {jinvi}; {djuno}; {sruma}; {smadi}

bisli
-bis-
x_1 ba'o dunja gi'e sligu x_2 noi na'o djacu
{dunja}; {sligu}; {djacu}; {bratu}; {snime}

bitmu
-bim-
-bi'u-
x_1 te sepli x_2 x_3 gi'e na ka'e se pagre .i x_1 to'e vorme x_2 x_3
{sepli}; {pagre}; {vorme}; {canko}; {korbi}

blabi
-lab-
x_1 skari lo'e cnino snime .a lo'e ladru .a lo'e gusni poi mixre ji'ipirosi'e lo'e boxna clani poi ka'e se viska be lo'e remna
{skari}; {snime}; {ladru}

blanu
-bla-
x_1 skari lo'e klina tsani .a lo'e gusni poi jbini lo'e crino ku joi lo'e zirpu le ka boxna clani
{skari}

bloti
-lot-
-blo-
-lo'i-
x_1 marce x_2 lo djacu x_3
{falnu} .i {fulta} .i {marce} .i {jatna} .i {sabnu}

bolci
-bol-
-boi-
x_1 marji x_2 gi'e se sefta lo gunma be lo ro mokca poi se kampu lo ni darno lo midju be x_1
{marji}; {sefta}; {gunma}; {mokca}; {kampu}; {darno}; {midju}; {cukla}; {bidju}; {gunro}; {slanu}; {konju}; {bliku}

bongu
-bog-
-bo'u-
x_1 pagbu lo greku be lo xadni be x_2
{pagbu}; {greku}; {xadni}

botpi
-bot-
-bo'i-
x_1 selbeika'e vautci x_2 noi na'o litki ku'o gi'e marji x_3 gi'e na'o se cnebo gi'e se moklu lo ka'e se gacri
{selbeika'e}; {vautci}; {litki}; {marji}; {cnebo}; {moklu}; {gacri}

boxfo
-bof-
-bo'o-
x_1 marji x_2 lo plita gi'e ku'i to'e tinsa gi'e ka'e se polje gi'e ra'u ka'e gacri

boxna
-bon-
-bo'a-
x_1 punli ja tolku'o x_2
{punli}; {tolku'o}

bradi
x_1 fapro x_2 gi'e xebni x_2 gi'e djica lo ka daspo ja xrani x_2 .i x_1 to'e pendo x_2
{fapro}; {xebni}; {djica}; {daspo}; {xrani}; {pendo}; {damba}; {jamna}; {gunta}; {jivna}

bratu
x_1 sligu x_2 gi'e ba'o dunja gi'e carvi fi lo varsenta
{carvi}, {snime}, {sicpi}

brazo
-raz-
x_1 ckini lo kulnu ja bangu ja cecmu ja natmi pe lo gugdeburu x_2
{kulnu}; {bangu}; {cecmu}; {natmi}; {gugdeburu}; {ketco}; {porto}

bredi
-red-
-bre-
x_1 na nitcu lo ka ce'u cenba kei lo ka ce'u renvi x_2
{renvi} .i {cenba} .i {nitcu}

bridi
-bri-
x_1 jetnu ja jitfa gi'e srana x_3 .i lu'e x_1 jalge lo nu lu'e x_2 tisna lu'e x_3
{jetnu} .i {jitfa} .i {srana} .i {tisna}

brife
-bif-
-bi'e-
x_1 vacri gi'e muvdu fi x_2 fi'o nilsutra x_3
{vacri} .i {tcima}

briju
-bij-
x_1 dinju ja kumfa gi'e stuzi lo nu x_2 gunka
{dinju}; {kumfa}; {stuzi}; {gunka}

brito
-rit-
x_1 ckini lo kulnu ja bangu ja cecmu ja natmi pe lo gugdegubu x_2
{kulnu}; {bangu}; {cecmu}; {natmi}; {gugdegubu}; {ropno}; {glico}; {skoto}

brivo [experimental]
x_1 fe x_2 gismu ja lujvo ja fu'ivla gi'e valsi x_3 .i je va'i x_1 fe x_2 fi x_3 selbrivla gi'e nai cmavo be da

broda
-rod-
pamoi brika'i .i ka'e se snigau sepi'o zo cei
{snigau} {brika'i}; {cei}

brode
-bo'e-
remoi brika'i .i ka'e se snigau sepi'o zo cei
{snigau} {brika'i}

brodi
cimoi brika'i .i ka'e se snigau sepi'o zo cei
{snigau} {brika'i}; {cei}

brodo
vomoi brika'i .i ka'e se snigau sepi'o zo cei
{snigau} {brika'i}; {cei}

brodu
mumoi brika'i .i ka'e se snigau sepi'o zo cei
{snigau} {brika'i}; {cei}

bruna
-bun-
-bu'a-
x_1 nakni gi'e tunba x_2 boi x_3

budjo
-buj-
-bu'o-
x_1 ckini lo kulnu ja lijda pe la .sidartys.gautymys. po'u la .budas. x_2

bunre
-bur-
-bu'e-
x_1 skari lo dertu .a lo tricu pilka
{skari}; {dertu}; {tricu}; {pilka}

burna
x_1 cinmo lo ka to'e kufra je se cfipu je se raktu je xanka x_2
{cinmo}; {kufra}; {cfipu}; {raktu}; {xanka}

cabna
-cab-
x_1 dunli x_2 le ka ce'u fasnu ca makau

cacra
x_1 klani x_2 lo ka lo xo kau boi fi'u re vo si'e be lo djedi cu ditcu ke'a
{klani}; {djedi}; {ditcu}; {mentu}; {snidu}

cadzu
-dzu-
x_1 litru x_2 x_3 noi tuple x_1 ku'o ta'i lo nu ro roi ku su'o mu no ce'i lo tuple cu pencu lo loldi
{litru}; {tuple}; {pencu}; {loldi}

cafne
-caf-
x_1 rapli li so'i gi'e fadni lo ka fasnu
{rapli}; {so'i}; {fadni}; {fasnu}

cakla
x_1 se zmadu fi lo te zalvi be lo tsiju be la'o jutsi Theobroma cacao jutsi
{zmadu}; {zalvi}; {tsiju}; {ckafi}

calku
-cak-
x_1 jdari gacri x_2 ma'e x_3
{jdari}, {gacri}, {ma'e}, {pilka}

canci
x_1 sisti lo nu x_1 zvati x_2 i x_1 co'u se viska fi x_2

cando
-cad-
x_1 zukte no vajni .i x_1 to'e ke zukcfu be da
srana fa zo {zukcfu}

cange
-cag-
x_1 tumla x_2 gi'e se kurji x_3 gi'e cupra x_4
{tumla} .i {kurji} .i {cupra}

canja
-caj-
joi gi x_1 cpacu x_3 boi x_4 gi x_4 cpacu x_2 boi x_1

canko
-ca'o-
x_1 kevna lo sefta be x_2 noi mu'a bitmu gi'a dinju gi'a stura
{kevna}; {sefta}; {vorme}; {kalri}; {ganlo}; {bitmu}; {dinju}; {stura}

canlu
-cal-
-ca'u-
x_1 mucti gi'e se zvati je vasru je culno x_2
{mucti}; {zvati}; {vasru}; {culno}

canpa
-cna-
x_1 tutci lo ka ve kakpa x_2
{tutci}; {kakpa}; {guska}

canre
-can-
x_1 cmalu bidju be lo rokci be x_2
{cmalu}; {bidju}; {rokci}

carmi
-cam-
-cai-
x_1 mutce x_2 fi'o ganse x_3 .i x_1 to'e kandi x_2 x_3
{mutce}; {ganse}; {kandi}

carna
-car-
x_1 se jendu x_2 fau lo nu binxo lo se farna be x_3
{jendu}; {binxo}; {farna}; {gunro}

carvi
-cav-
x_1 ru'i farlu x_2 x_3
{farlu}; {ranji}; {bratu}; {dilnu}; {santa}; {snime}; {tcima}; {bisli}; {bumru}; {flecu}

casnu
-snu-
x_1 simxu lo ka ce'u ce'u tavla x_2 da
srana fa zo {simxu} .e zo {tavla}

catke
-ca'e-
x_1 danre x_2 lo ka muvdu to'o x_1 .i x_1 to'e lacpu x_2
{danre}; {muvdu}; {to'o}; {lacpu}

catlu
-cta-
x_1 selfa'agau lo kanla x_2 te zu'e lo ka viska je zgana x_2
{kanla} .i {selfa'agau} ,i {viska} .i {zgana}

catni
-ca'i-
x_1 vlipa lo ka zukte ja ckaji x_2 kei ji'u x_3
{vlipa}; {jicmu}; {pajni}; {jdice}; {minde}; {jitro}; {pulji}; {turni}

catra
x_1 gasnu lo nu x_2 mrobi'o kei ta'i x_3
{gasnu}; {mrobi'o}; {tadji}

caxno
-cax-
x_1 cmalu x_2 noi farna x_1 boi x_3 ku'o x_4

cecla
-cel-
-ce'a-
x_1 gasnu ja bapli lo nu x_2 cliva x_1
{gasnu}; {bapli}; {cliva}; {renro}; {sputu}; {danti}; {jakne}; {jbama}

cecmu
-cem-
-ce'u-
x_1 gunma x_2 noi se kampu lo ka xabju ja se kulnu ja se cinri ma kau
{gunma}; {kampu}; {xabju}; {kulnu}; {cinri}

celdi [experimental]
x_1 gunma lo prenu poi simxu lo ka ce'u ce'u cinse ja nalcinse prami ku'o po'u x_2 je x_3 je x_4 je x_5 li'o li'o li'o
.i mu'a loi pamsi'u cu celdi .i lo jai cafne traji celdi cu se re mei .i ra'oi cle rafsi

cenba
-cne-
x_1 binxo lo frica be x_1 bei x_2 se la'u x_3 .i x_1 zenba ja jdika x_2 x_3
{binxo}; {frica}; {zenba}; {jdika}; {stodi}; {zasni}

centi
-cen-
x_1 klani li gei ni'u re x_2
{klani}; {decti}; {dekto}; {femti}; {gigdo}; {gocti}; {gotro}; {gradu}; {kilto}; {megdo}; {mikri}; {milti}; {nanvi}; {petso}; {picti}; {terto}; {xatsi}; {xecto}; {xexso}; {zepti}; {zetro}

cerda
-ced-
x_1 cpacu x_2 x_3 noi lidne x_1 ku'o ja'i x_4
{cpacu}; {lidne}; {javni}

cerni
-cer-
x_1 pagbu x_2 noi djedi ku'o gi'e temci lo solnuntolcanci lo dormidju gi'e se stuzi x_3
{pagbu}; {djedi}; {temci}; {solnuntolcanci}; {dormidju}; {stuzi}; {donri}; {nicte}; {vanci}; {murse}

certu
-cre-
x_1 mutce lo ka se slabu je kakne x_2
{mutce}; {slabu}; {kakne}

cevni
-cev-
-cei-
x_1 traji lo ka se sinma x_2 noi krici lo du'u x_1 turni ja jitro x_3
{traji}; {sinma}; {krici}; {turni}; {jitro}

cfari
-cfa-
lo krasi be x_1 noi fasnu cu binxo lo zasti
{krasi}; {fasnu}; {binxo}; {zasti}

cfika
-fik-
-fi'a-
x_1 prosa ja pemci ja skina x_2 noi xanri je nai fatci ku'o x_3 .i x_1 srana x_2 noi xanri je nai fatci gi'e se finti x_3
{prosa}; {pemci}; {skina}; {xanri}; {fatci}; {srana}; {finti}

cfila
-cfi-
x_1 se ckaji x_2 ja'e x_3 noi krinu lo nu x_2 na prane
{ckaji}; {jalge}; {krinu}; {prane}

cfipu
-fi'u-
x_1 jai se jalge lo nu x_2 na'e birti ja na'e jimpe kei fai x_3
{jalge}; {birti}; {jimpe}; {pluja}

ciblu
-blu-
x_1 litki gi'e flecu lo ralju ke naxle ciste pe lo xadni be x_2
{litki}; {flecu}; {ralju}; {naxle}; {ciste}; {xadni}

cicna
x_1 skari lo mixre be lo blanu jo'u lo crino
{skari}; {mixre}; {blanu}; {crino}

cidja
-dja-
x_1 se pilno x_2 lo ka citka gi'e stali lo ka jmive kei gi'e te sabji lo nejni gi'e banro
{pilno}; {citka}; {stali}; {jmive}; {sabji}; {nejni}; {banro}

cidni
-cid-
x_1 pagbu x_2 gi'e se jonsi'u lo re pagbu be x_2 noi mu'a galtu'e jo'u dzitu'e gi'a galbirka jo'u dzibirka
{pagbu}; {jonsi'u}; {galtu'e}; {dzitu'e}; {galbirka}; {dzibirka}

cidro
-dro-
x_1 skacau je pancau je jelka'e gapci gi'e te sumji lo kijno lo djacu gi'e traji lo ka linto kei lo cmuxu'i gi'e se sinxa zo'oi H
{skacau}; {pancau}; {jelka'e}; {gapci}; {sumji}; {kijno}; {djacu}; {traji}; {linto}; {cmuxu'i}; {sinxa}

cifnu
-cif-
x_1 mutce lo ka citno kei gi'e cmima x_2 noi jutsi
{mutce}; {citno}; {cmima}; {jutsi}; {verba}; {makcu}

cigla
-cig-
x_1 cupra x_2 gi'e selci ja slegunma ja rango x_3
{cupra}; {selci}; {slegunma}; {rango}

cikna
-cik-
x_1 na'e sipna gi'e sanji lo vanbi be x_1
{sipna}; {sanji}; {vanbi}

cikre
x_1 gasnu lo nu x_2 di'a tolpo'u x_3
srana fa zo {tolpo'u} .e zo {spofu}

ciksi
-cki-
x_1 troci lo ka gasnu lo nu x_2 te jimpe fi x_3 kei kei lo ka skicu x_2 x_3 x_4
{troci}; {gasnu}; {jimpe}; {skicu}; {tavla}

cilmo
-cim-
x_1 se gacri ja ba'o cokcu x_2 noi litki .i x_1 to'e sudga x_2
{gacri}; {cokcu}; {litki}; {sudga}

cilre
-cli-
x_1 cpacu lo ka djuno x_2 x_3 kei x_4 ta'i x_5
{cpacu}; {djuno}; {tadji}; {tadni}; {ctuca}; {ckule}; {facki}

cilta
-cil-
x_1 mutce lo ka jarki je cinla kei slanu x_2
{mutce}; {jarki}; {cinla}; {slanu}

cimde
x_1 se ckaji x_2 gi'e ka'e te klani fi x_2 gi'e ka'e ve merli x_2
{ckaji}; {klani}; {merli}

cinba
x_1 pencu x_2 lo ctebi x_3

cindu
x_1 jdari mudri tricu x_2 noi jutsi la'o jutygunma Quercus jutygunma
{jdari}; {mudri}; {tricu}; {jutsi}

cinfo
x_1 bramlatu x_2 noi jutsi la'o jutsi Panthera leo jutsi gi'e se krasi lo friko jo'u lo snanu xadzo gi'e se rebla se jipno be lo krebakfu .i lo nakni cu se ne'okre lo barda
{bramlatu}; {krebakfu}; {ne'okre}; {mlatu}; {tirxu}

cinje
-cij-
x_1 cmalu skuro ja tolku'o x_2
{cmalu}; {skuro}; {tolku'o}; {cfila}; {fenra}

cinla
x_1 cmalu x_2 noi cmarai cimde x_1 ku'o x_3

cinmo
-cni-
x_1 lifri x_2 noi se frati lo menli be x_1 x_3
{lifri}; {frati}; {menli}; {cumla}; {jilra}; {nelci}; {ckeji}; {jgira}; {kecti}; {kufra}; {manci}; {prami}; {zungi}; {badri}; {burna}; {gleki}

cinri
-ci'i-
x_1 ralte lo ka se jundi ja se kucli x_2
{ralte}; {jundi}; {kucli}; {manci}; {zdile}

cinse
-cin-
x_1 ckaji ja tarti x_2 noi srana lo te jorne be lo se djica ja pluka be lo xadni lo nu prami ja jbijikca
{ckaji}; {tarti}; {srana}; {jorne}; {djica}; {pluka}; {xadni}; {prami}; {jbijikca}

cipni
-cpi-
x_1 glaselblu je selna'i bogda'u x_2 .i lo xadni be x_1 cu se gacri lo pimlu .i lo cifnu cu jbena ne'i lo se calku sovda
{glaselblu}; {selna'i}; {bogda'u}; {xadni}; {gacri}; {pimlu}; {cifnu}; {jbena}; {calku}; {sovda}; {datka}; {gunse}; {jipci}; {xruki}

cipra
-cip-
x_1 tadji lo nu pajni lo du'u xu kau x_2 se ckaji x_3
{tadji}; {pajni}; {ckaji}

cirko
-cri-
x_1 fliba lo ka ralte x_2 kei bu'u x_3 .i x_1 binxo lo claxu be x_2 bu'u x_3
{fliba}; {ralte}; {binxo}; {claxu}; {sisku}; {tolcri}; {jinga}; {facki}

cirla
x_1 sligu ja pesxu cidja gi'e se krasi lo ladru be x_2
{sligu}; {pesxu}; {cidja}; {krasi}; {ladru}

ciska
-ci'a-
x_1 gasnu lo nu x_2 noi na'o se smuni ja sinxa cu barna ja ba'armo'a x_3
{gasnu}; {smuni}; {sinxa}; {barna}; {ba'armo'a}

cisma
x_1 se flira lo sinxa be lo nu x_1 gleki ja zanru ja se zdile bei fau lo nu lafti lo jipno be lo moklu
{flira}; {sinxa}; {gleki}; {zanru}; {zdile}; {lafti}; {jipno}; {moklu}

ciste
-ci'e-
x_1 stura x_2 gi'e ja'e bo ckaji x_3
{stura}; {ckaji}

citka
-cti-
x_1 setca x_2 noi cidja x_1 ku'o lo moklu be x_1 gi'e marxa je tunlo x_2
{setca}; {cidja}; {moklu}; {marxa}; {tunlo}: {pinxe}

citno
-cit-
-ci'o-
x_1 tordu lo ka ma kau temci lo nu ce'u jbena kei lo cabna .i x_1 to'e laldo
{tordu}; {temci}; {jbena}; {cabna}; {laldo}; {cnino}

citri
-cir-
x_1 lisri lo gunma be lo pu fasnu poi srana x_2 ku'o x_3
{lisri}; {gunma}; {fasnu}; {srana}

civla
-civ-
x_1 blusakci je na'ircau cinki x_2
{blusakci} .i {na'ircau} .i {cinki}

cizra
-ciz-
x_1 frica lo se kanpe be x_2 x_3
{frica}; {kanpe}; {fange}; {rirci}; {fadni}

ckafi
-kaf-
x_1 litki gi'e se jukpa fi lo ka gasnu lo nu lo dembi be x_2 noi na'o tricu la'o jutygunma Coffea jutygunma cu jinru je runta lo djacu
{litki}; {jukpa}; {gasnu}; {dembi}; {jinru}; {runta}; {djacu}

ckaji
-kai-
x_1 sumti x_2 ja'e lo jetnu .i x_2 se sumti pa da
{sumti} .i {jetnu} .i {ckini}

ckana
-cka-
x_1 nilce fi lo ka x3 vreta ce'u kei gi'e te marji fi x_2

ckape
-cap-
lo nu da'i x_1 fasnu cu ka'e xrani x_2
srana fa zo {snura} .e zo {kajde} .e zo {marbi} .e zo {xalni} .e zo {xrani}

ckasu
-cas-
x_2 ckaji x_3 .ije x_1 jursa jarco lo ka tolsi'a ja xalbo la'e di'u kei lo go'i se zu'e x_4
{cmila} .i {xalbo} .i {xajmi} .i {bebna} .i {junri} .i {xrani} .i {xendo} .i {jursa}

ckeji
-kej-
-cke-
x_1 cinmo lo ka burna ja na'e se pluka lo nu x_1 zukte ja ckaji x_2 .i x_1 to'e jgira x_2
{cinmo}; {burna}; {pluka}; {zukte}; {ckaji}; {jgira}

ckiku
-kik-
x_1 tutci lo ka mapti x_2 noi stela ku'o gi'e ga'orgau gi'a kargau lo se stela be x_2
{tutci}; {mapti}; {stela}; {ga'orgau}; {kargau}

ckilu
-ci'u-
x_1 manri x_2 lo nu karbi lo klani lo gradu x_2
{manri}, {karbi}, {klani}, {gradu}

ckini
-ki'i-
x_1 fa'u x_2 sumti x_3 lo pa moi fa'u lo re moi ja'e lo jetnu .i x_3 se sumti re da
{sumti} .i {ckaji} .i {srana}

ckire
-kir-
x_1 cinmo lo zabna x_2 ja'e lo nu x_2 zukte ja ckaji x_3 noi xamgu ja prali ja pluka ja se zanru ja se sinma x_1
{cinmo}; {zabna}; {zukte}; {ckaji}; {xamgu}; {prali}; {pluka}; {zanru}; {sinma}

ckule
-kul-
-cu'e-
x_1 dinju ja stuzi lo nu ctuca fo x_2 fe x_3 kei gi'e se jitro x_4
srana fa zo {cilre} .e zo {tadni} .e zo {ctuca} .e zo {djuno} .e zo {dinju} .e zo {verba}

cladu
-lau-
x_1 tsali le ka ka'e se tirna bu'u x_2 kei x_3
{tsali}; {tirna}; {savru}; {sance}

clani
-cla-
x_1 barda x_2 noi brarai cimde x_1 ku'o x_3

claxu
-cau-
x_1 na ckaji x_2
mabla lo ka na ckaji (= {malclaxu}), zabna lo ka na ckaji (= {zanclaxu})

clinu [experimental]
x_1 crino pu x_2 .ije x_1 blanu ba x_2
{brano}

clira
-lir-
x_1 cabna ja purci lo tolfa'o be lo tcaci ja se kanpe temci .i x_1 to'e lerci
{cabna}; {purci}; {tolfa'o}; {tcaci}; {kanpe}; {temci}; {lerci}

cliva
-liv-
-li'a-
x_1 sisti lo nu x_1 zvati x_2 kei fe'e ca'o x_3 i x_1 muvdu zi'o x_2 boi x_3

clupa
-cup-
x_1 dasri ja skori ja cilta ja linsi x_2 .i je lo fanmo be x_1 cu jorne lo tolfa'o be x_1
{dasri}; {skori}; {cilta}; {linsi}; {fanmo}; {jorne}; {tolfa'o}

cmaci
x_1 saske x_2 noi se ki'irsi'u be lo namcu .a lo se klani .a lo tarmi
{saske}; {ki'irsi'u}; {namcu}; {klani}; {tarmi}; {mekso}

cmalu
-cma-
x_1 mleca lo cnano be x_2 bei x_3 be'o x_2 noi cimde x_1

cmavo
-ma'o-
x_1 cmima x_2 noi gerna klesi gi'e stura valsi x_3 .i x_1 na'e brivla je na'e cmevla valsi
{cmima}; {gerna}; {klesi}; {stura}; {valsi}; {brivla}; {cmevla}

cmene
-cme-
-me'e-
x_1 noi valsi ja vlapoi cu tcita x_2 pi'o x_3
{valsi}; {vlapoi}; {tcita}; {pi'o}; {cmevla}

cmila
-mi'a-
x_1 jarco lo ka gleki ja se pluka ja xanka kei fau lo nu sance livbai lo vacri lo fepri lo moklu
{jarco}; {gleki}; {pluka}; {xanka}; {sance}; {livbai}; {vacri}; {fepri}; {moklu}; {xajmi}; {ckasu}; {cisma}; {frumu}

cmima
-mim-
-cmi-
x_1 menre lo se gunma be x_2 noi girzu
{menre}; {gunma}; {girzu}; {pagbu}; {bende}; {cecmu}; {lanzu}; {klesi}; {jutsi}

cmoni
-cmo-
-co'i-
x_1 bacru x_2 noi na valsi ja jufra ja te gerna vau se ta'i lo nu jarco x_3
{krixa} .i {bacru} .i {cusku} .i {cortu}

cnano
-na'o-
su'o da poi ro de me x_3 gi'o pormoi di ke'a zo'u su'o de poi ge ro di zo'u lo pormoi be di bei da cu me'au x_2 lo pormoi be di bei ke'a gi ke'a da dunli lo ka pormei zo'u x_1 dilcu lo porsumji be de lo se pormei be de
srana fa zo {fadni}

cnebo
-neb-
-ne'o-
x_1 pagbu lo xadni be x_2 gi'e te jorne lo stedu lo cutne
{pagbu}; {xadni}; {jorne}; {stedu}; {cutne}

cnemu
-nem-
-ne'u-
x_1 gasnu lo nu x_2 zanfri x_4 kei mu'i lo nu x_2 zukte x_3 noi se zanru ja vrude ja xamgu
{gasnu}; {zanfri}; {mukti}; {zukte}; {zanru}; {vrude}; {zamgu}; {sfasa}

cnici
-nic-
x_1 jai se morna lo pluka ja dikni ja te ganzu fai x_2 .i x_1 to'e kalsa x_2
{morna}; {pluka}; {dikni}; {ganzu}; {kalsa}

cnino
-nin-
-ni'o-
lo nu x_1 ckaji x_3 cu pu zi co'a se sanji x_2 .i x_1 to'e slabu x_2 x_3

cnisa
-nis-
x_1 tilju je ranti je blagrusi jinme cmuxu'i gi'e se sinxa zo'oi Pb
{tilju}; {ranti}; {blagrusi}; {jinme}; {cmuxu'i}; {sinxa}

cnita
-nit-
-ni'a-
lo stuzi be x_1 cu zmadu je panra lo stuzi be x_2 lo ka dizlo x_3

condi
-con-
-cno-
-coi-
x_1 barda x_2 noi farna x_1 boi x_3 ku'o x_4

corci [experimental]
x_1 asna lo se pagbu be x_3 ku x_4 gi'e ve smusku x_2
srana fa zo {asna} je zo {smusku}

cortu
-cor-
-cro-
x_1 ganse lo nu x_2 noi pagbu ja diklo x_1 cu gasnu lo nu x_1 dunku ja to'e kufra
{ganse}; {pagbu}; {diklo}; {gasnu}; {dunku}; {kufra}; {xrani}; {bilma}

cpacu
-cpa-
x_1 co'a tolcau x_2 noi x_3 krasi ke'a
{tolcau}; {krasi}; {lebna}

cpana
x_1 sepcau zvati lo to na'o galraipau toi sefta be x_2
{sepcau}; {zvati}; {galraipau}; {sefta}; {vreta}; {zutse}; {sanli}; {punji}

cpare
-par-
x_1 muvdu fau lo nu lo xadni cu lamji ja jibni x_2 kei fe x_3 se pi'o x_4 noi tuple ja birka
{muvdu}; {xadni}; {lamji}; {jibni}; {pilno}; {tuple}; {birka}

cpedu
-cpe-
x_1 jungau x_3 lo du'u x_1 djica lo ka cpacu x_2 x_3
{jungau}; {djica}; {cpacu}

cpixa [experimental]
x_1 co'a ka'e se ganse lo'e zvati be ca'au .i x_1 to'e canci
smudu'i zo {tolcanci} .i zo {canci}

cradi
x_1 benji x_2 noi se bacru ja zgike ja sance ku'o fu x_3 fi x_4 noi cabra lo ka cpacu
{benji}; {bacru}; {zgike}; {sance}; {cabra}; {cpacu}; {tivni}

crane
-cra-
x_1 ralju lo mlana be x_2 .i x_1 mlana x_2 gi'e vasru lo flira be x_2 .i x_1 mlana x_2 lo zgana be x_2 .i x_1 to'e trixe x_2
{ralju}; {mlana}; {vasru}; {flira}; {zgana}; {trixe}

creka
-cek-
x_1 taxfu lo cutne .a lo cutne jo'u birka gi'e marji x_2
{taxfu}; {cutne}; {birka}; {marji}

cribe
-rib-
x_1 mabru x_2 noi jutsi la'o jutsi. Ursidae .jutsi
srana fa zo {mabru}

crida
-rid-
x_1 rarbancu ja ranmi remsmi
{rarbancu}; {ranmi}; {remsmi}

crino
-ri'o-
x_1 skari lo'e banro je vifne srasu .a lo'e gusni poi jbini lo'e blanu ku joi lo'e pelxu le ka boxna clani
{skari}; {srasu}; {blanu}; {pelxu}

crisa
-cis-
x_1 citsi lo ka glare kei x_2 tu'i x_3 gi'e se lidne lo vensa gi'e lidne lo critu
{citsi}; {glare}; {dunra}; {critu}; {vensa}

critu
x_1 citsi lo ka lekyze'a kei x_2 tu'i x_3 gi'e se lidne lo crisa gi'e lidne lo dunra
{citsi}; {lekyze'a}; {crisa}; {dunra}; {vensa}

ctaru
x_1 nu lo sefta be x_2 noi xamsi cu dikni zenba jo'u jdika lo ni galtu
{xamsi}; {sefta}; {dikni}; {zenba}; {jdika}; {galtu}

ctile
x_1 litki gi'e rarna gi'e viknu gi'e mixre lo drotabno gi'e se pruce fi lo livla gi'e se krasi x_2
{grasu} .i {livla} .i {viknu}

ctino
-ti'o-
x_1 manku se ja'e lo nu x_2 se ragve x_3 x_1 gi'e fanta lo nu x_3 te gusni x_1
{manku}; {ragve}; {fanta}; {gusni}

ctuca
-ctu-
x_1 troci lo ka gasnu lo nu x_2 cilre x_3 x_4 kei kei x_5
{troci}; {gasnu}; {cilre}

cukla
-cuk-
x_1 se cimde re da ije lo jimte be x_1 cu manfo lo ka ce'u sepli lo midju be x_1 makau

cukta
-cku-
x_1 se papri lo vasru be x_2 noi se finti x_3
{papri}; {vasru}; {finti}; {prosa}; {pemci}; {cfika}; {pixra}; {tcidu}

culno
-clu-
x_1 vasru x_2 ja'e lo nu x_1 na kakne lo ka vasru lo drata be x_2 .i x_1 to'e kunti x_2
{vasru}; {kakne}; {drata}; {kunti}; {tisna}; {mulno}; {setca}

cumki
-cum-
-cu'i-
x_1 ka'e fasnu .i x_1 su'o cu'o .i x_1 la'erlai li za'u no

cunmi
x_1 gurni ja spati x_2 noi jutsi la'o jutsi Setaria italica jutsi
{gurni}; {spati}; {jutsi}

cunso
-cun-
-cu'o-
x_1 se morna no da .i x_1 kalsa lo ka se stura ma kau
{morna}; {kalsa}; {stura}

cuntu
-cu'u-
x_1 se fuzme ja cinri x_2 gi'e jai se kanpe fai lo ka x_2 jundi ja kurji ce'u gi'a zukte lo srana be ce'u
{fuzme}; {cinri}; {kanpe}; {jundi}; {kurji}; {zukte}; {srana}

cupra
-pra-
x_1 gasnu ja se jalge lo nu x_2 zasti
{gasnu}; {jalge}; {zasti}; {zbasu}; {jbena}; {jukpa}; {gundi}

curmi
-cru-
x_1 gasnu no da poi ke'a fanta x_2
{fanta}; {e'ande}

cusku
-cus-
-sku-
x_1 benji x_2 noi valsi porsi ku'o x_3 fu x_4
{benji}; {valsi}; {porsi}; {tavla}; {casnu}

cutci
-cuc-
x_1 taxfu lo ka jamfu ku gi'e selpau lo sirji senta be lo jdari be'o poi ke'a ca lo nu x_1 vasru lo jamfu cu bitmu ri lo cnita be ri xoi bandu ri lo ka mu'a se xrani
srana fa zo {taxfu} .e zo {jamfu}

cutne
-cut-
x_1 pagbu lo xadni be x_2 gi'e tersei lo cnebo lo betfu gi'e vasru lo bongu se sruri kevna poi se zvati lo risna jo'u lo fepri jo'u lo drata
{pagbu}; {xadni}; {tersei}; {cnebo}; {betfu}; {vasru}; {bongu}; {sruri}; {kevna}; {zvati}; {risna}; {fepri}; {drata}

cuxna
-cux-
-cu'a-
x_1 jdice lo du'u x_2 traji lo ka se nelci ja se zanru x_1 gi'a mapti kei x_3
{jdice}; {traji}; {nelci}; {zanru}; {mapti}

dacru
-dac-
x_1 pagbu x_2 noi stura ku'o gi'e vasru x_3 .i ra'u x_1 fa'u x_2 tanxe fa'u nilce
{tanxe} .i {nilce}

dacti
-dai-
x_1 marji je se canlu je se ditcu
{marji}; {canlu}; {ditcu}

dajne [experimental]
x_1 capyju'i zukte x_2 tezu'e lonu rivbi x_3

dakli
x_1 toltinsa vautci x_2 gi'e marji x_3
{toltinsa}; {vautci}; {marji}

damba
-dab-
-da'a-
x_1 fapro x_2 x_3 fau lo nu x_1 gunta ja bandu x_2
{fapro}; {gunta}; {bandu}; {jamna}; {jivna}; {bradi}

damri
x_1 zgitci gi'e se pagbu x_2 noi te darxi x_1 te zu'e lo nu x_1 desku je se sance
{zgitci}; {pagbu}; {darxi}; {desku}; {sance}

danfu
-daf-
x_1 mapti x_2 noi preti ja nabmi ku'o lo ka fapro
{mapti}; {preti}; {nabmi}; {fapro}; {spuda}; {frati}; {ciksi}

danlu
-dal-
-da'u-
x_1 jmive gi'e sorselsle gi'e ka'e ganse gi'e ka'e zukte lo ka ce'u muvdu kei gi'e jutsi x_2
srana fa zo {sorselsle} .e zo {pavyselsle} .e zo {ganse} .e zo {jmive} .e zo {jutsi} .e zo {banfi} .e zo {cinki} .e zo {finpe} .e zo {jukni} .e zo {respa} .e zo {since} .e zo {mabru} .e zo {bakni}

danre
-da'e-
x_1 gasnu ja bapli lo nu x_2 tende x_3
{gasnu}; {bapli}; {tende}; {catke}; {lacpu}

dansu
x1 nalcadgau lo xadni fi'o rilti lo rilti be x_2
{nalcadgau}; {xadni}; {rilti}; {zgike}

daplu
-plu-
x_1 tumla gi'e mulno se sruri x_2 noi ke'a na'o litki ku'o su'o cimde

dapma
-dap-
x_1 gasnu ja djisku lo nu x_2 se dimna x_3 noi mabla
{gasnu}; {djisku}; {dimna}; {mabla}

darca [experimental]
lo nu x_1 muvdu ja klama x_2 fo x_3 cu mulbi'o .i x_1 mo'u muvdu ja klama x_2 fo x_3
{tolyli'a} {klamu'o}

dardi [experimental]
x_1 to'e cliva x_2 fi x_3
selsmudu'i zo {tolyli'a} .e zo {tsuku} .e zo {darca}

darlu
-dau-
x_1 sabji lo krinu be lo nu jinvi x_2 .e nai x_3
{sabji}; {krinu}; {jinvi}

darno
-dar-
-da'o-
x_1 sepli x_2 lo barda be x_3 .i x_1 to'e jibni x_2 x_3
{sepli}; {barda}; {jibni}

darxi
-dax-
-da'i-
x_1 gasnu lo nu x_3 noi pagbu x_1 cu janli x_4 noi pagbu x_2

dasni
-das-
x_1 pilno x_2 lo nu x_2 taxfu x_1 x_3
{pilno}; {taxfu}

daspo
-spo-
x_1 rinka lo nu x_2 spofu gi'a porpi gi'a binxo lo na ka'e se pilno kei ja'e lo nu x_2 na ka'e se cikre
srana zo {gasnu} e zo {spofu} e zo {porpi} e zo {binxo} e zo {pilno} e zo {jalge} e zo {cikre}

dasri
-sri-
x_1 clani je jarki je cinla je toltinsa marji x_2
{clani}; {cinla}; {toltinsa}; {marji}

datka
x_1 limna cipni x_2 noi jutsi la'o jutygunma Anas jutygunma ku'o gi'e se ja'urxe'a lo ganra
{limna}; {cipni}; {jutsi}; {ja'urxe'a}; {ganra}; {gunse}; {jipci}; {xruki}

datni
x_1 fatci gi'e srana x_2 gi'e se cpacu ta'i x_3
{fatci}; {srana}; {cpacu}

decti
-dec-
x_1 klani li gei ni'u re x_2
{klani}; {centi}; {dekto}; {femti}; {gigdo}; {gocti}; {gotro}; {gradu}; {kilto}; {megdo}; {mikri}; {milti}; {nanvi}; {petso}; {picti}; {terto}; {xatsi}; {xecto}; {xexso}; {zepti}; {zetro}

dekpu
x_1 klani x_2 lo ni canlu kei ma'i x_3
{klani}; {canlu}; {ma'i}

dekto
-dek-
x_1 klani li gei pa x_2
{klani}; {centi}; {decti}; {femti}; {gigdo}; {gocti}; {gotro}; {gradu}; {kilto}; {megdo}; {mikri}; {milti}; {nanvi}; {petso}; {picti}; {terto}; {xatsi}; {xecto}; {xexso}; {zepti}; {zetro}

delno
-del-
-de'o-
x_1 klani x_2 lo sornai rauci'e ni gusni carmi
{klani}; {gusni}; {carmi}

denpa
-dep-
-de'a-
x_1 cando co'u lo nu x_2 fasnu kei gi'e stali x_3 co'u lo ka co'a ja di'a ckaji ja zukte x_4
{cando}; {co'u}; {fasnu}; {stali}; {co'a}; {di'a}; {ckaji}; {zukte}; {de'a}

derxi
-dre-
x_1 gunma x_2 .i ro me x_2 cpana ja se cpana su'o me x_2 .i x_1 zvati x_3
{gunma} .i {cpana} .i {cmana}

desku
-des-
x_1 slilu bai x_2 .i x_1 rapli ke sutra ke muvdu je xruti bai x_2
{slilu}; {bapli}; {rapli}; {sutra}; {muvdu}; {xruti}

detri
-det-
x_1 noi nanca jo'u masti jo'u djedi sinxa cu judri x_2 noi fasnu kei x_3
{nanca}; {masti}; {djedi}; {sinxa}; {judri}; {fasnu}; {tcika}

dicra
-dir-
x_1 jai se jalge lo nu x_2 tolcfa kei fai x_3
{jalge}; {tolcfa}; {zunti}; {fanta}; {denpa}

diklo
-klo-
x_1 se stuzi x_2 noi pagbu x_3 gi'e se steci lo ka stuzi x_1 kei lo pagbu be x_3
{stuzi}; {pagbu}; {steci}

dikni
-dik-
lo nu x_1 ckaji x_2 cu rapli .i lo lamsi'u se krefu cu sepsi'u x_3 .i x_1 to'e vitci x_2

dilcu
x_1 te fatri x_3 boi x_2 .i x_1 nu'a fe'i x_2 boi x_3
{fatri}; {fe'i}

dilnu
-dil-
x_1 tema'e gapci x_2 gi'e vofli bu'u x_3 noi vacri ku'o gi'e galtu sela'u x_4

dimna
-dim-
ka'enai zukte fi lo su'u vo'a baze'e na lifri x_1 ku fa x_2 .i va'i x_2 na jitro lo bapli be x_1 pe ri'i vo'a

dinju
-dij-
-di'u-
x_1 rutni stura lo bitmu jo'u drudi jo'u vorme jo'u canko gi'e na'o te senta fi lo za'u loldi gi'e se pilno fi x_2
{rutni}; {stura}; {bitmu}; {drudi}; {vorme}; {canko}; {senta}; {loldi}; {pilno}; {zdani}; {zarci}; {briju}; {malsi}; {xotli}; {barja}; {gusta}; {sorcu}

dirce
-di'e-
x_1 benji x_2 zi'o zi'o zi'o .i x_1 gasnu lo nu x_2 cliva x_1
{benji}; {gasnu}; {cliva}

ditcu [experimental]
x_1 temci lo nu x_2 cfari ku lo nu x_2 tolcfa
srana fa zo {temci}

dizlo
-diz-
-dzi-
x_1 toltce lo ka gapru x_2 .i x_1 to'e galtu x_2
{toltce}; {gapru}; {galtu}

djacu
-jac-
-jau-
x_1 klina je pancau je vusycau litki gi'e gunma lo kijno jo'u lo cidro gi'e ralju lo se gunma be lo xamsi .e lo rirxe .e lo lalxu
{klina}; {pancau}; {vusycau}; {litki}; {gunma}; {kijno}; {cidro}; {xamsi}; {rirxe}; {lalxu}

djedi
-dje-
-dei-
x_1 se ditcu lo nu mo'e x_2 roi mulcarna fa lo plini no'u x_3 .i x_1 cacra li revo pi'i x_2 la terdi
srana fa zo {cabdei} .e zo {bavlamdei} .e zo {prulamdei} .e zo {donri} .e zo {nicte} .e zo {detri} .e zo {krefu} .e zo {masti} .e zo {nanca} .e zo {nicte} .e zo {tcika}

djica
-dji-
x_1 cinmo lo ka nitcu x_2 x_3 .i x_1 cinmo lo ka lo nu tolcau x_2 cu rinka x_3 noi ba se gleki ja se mansa x_1
{cinmo}; {nitcu}; {tolcau}; {rinka}; {gleki}; {mansa}

djine
-jin-
x_1 cukla clupa x_2
{cukla}; {clupa}

djuno
-jun-
-ju'o-
x_1 ba'o facki fi zi'o fe lo du'u x_3 zo'u me'au x_2 vau noi jetnu x_4

donri
-dor-
-do'i-
x_1 solri se gusni pagbu x_2 noi djedi ku'o gi'e temci lo solnuntolcanci lo solnuncanci gi'e se stuzi x_3 .i x_1 to'e nicte x_2 x_3
{solri}; {gusni}; {pagbu}; {djedi}; {temci}; {solnuntolcanci}; {solnuncanci}; {nicte}

dotco
-dot-
-do'o-
x_1 ckini lo kulnu ja bangu ja cecmu ja natmi pe lo bandu'e'u ja gugdedu'e x_2
{kulnu}; {bangu}; {cecmu}; {natmi}; {bandu'e'u}; {gugdedu'e}; {ropno}

drani
-dra-
x_1 mapti lo fatci ja jetnu x_2 .i x_1 to'e srera x_2
{mapti}; {fatci}; {jetnu}; {srera}

drata
-dat-
x_1 frica x_2 lo ka ce'u du makau ma'i x_3 i x_1 to'e mintu x_2 boi x_3
{frica}, {mintu}

drudi
-rud-
-dru-
x_1 gacri je gapru je pagbu x_2
{gacri}; {gapru}; {pagbu}; {loldi}

dugri
-dug-
x_2 tenfa x_3 boi x_1 .i x_1 nu'a de'o x_2 boi x_3
{tenfa}; {de'o}

dukse
-dus-
-du'e-
x_1 zmadu lo banzu x_2 ma'i x_3 .i x_1 zmadu lo mansa be x_3 bei x_2
{banzu}, {zmadu}; {du'e}

dukti
-dut-
x_1 bancu fi x_2 fe lo nutli be x_3 x_3
{bancu}; {nutli}; {to'e}; {ragve}; {fatne}

dunda
-dud-
-du'a-
x_1 noi tolcau x_2 cu gasnu lo nu x_3 co'a tolcau x_2

dunja
-duj-
x_1 noi litki cu binxo lo sligu
{litki}; {sligu}; {febvi}; {lunsa}; {runme}

dunku
-duk-
-du'u-
x_1 mutce lo ka xanka ja badri x_2
{mutce}; {xanka}; {badri}

dunli
-dun-
-du'i-
ro da zo'u x_1 .o x_2 da ckini x_3
selsmudukti fa zo {frica} .i srana fa zo {mintu} .e zo {ckini} .e zo {dubdu'i}

dunra
-dur-
x_1 citsi lo ka lenku kei x_2 tu'i x_3 gi'e se lidne lo critu gi'e lidne lo vensa
{citsi}; {lenku}; {crisa}; {critu}; {vensa}

dzena
-dze-
x_1 mutce lidne x_2 x_3 noi mu'a lo ka rorci .i lo rorlei be x_1 cu purci lo rorlei be lo rorci be x_2
{mutce}; {lidne}; {rorci}; {rorlei}; {purci}

facki
-fak-
-fa'i-
x_1 co'a djuno x_2 boi x_3 .i x_1 binxo lo djuno be x_2 bei x_3 .i cfari fa lo nu x_1 djuno x_2 boi x_3
{djuno} .i {binxo} .i {cfari}

fadni
-fad-
x_1 ckaji x_2 gi'e cmima x_3 noi se cmima so'i ckaji be x_2 .i x_1 to'e rirci x_2 x_3
{ckaji}; {cmima}; {rirci}

fagri
-fag-
x_1 nu x_2 jelca x_3 ja'e lo nu dirce lo gusni jo'u lo glare jo'u lo jelca gapci
{jelca}; {dirce}; {gusni}; {glare}; {gapci}; {sacki}

falnu
-fan-
x_1 bukpu ja balre tutci lo ka se danre x_2 noi brife ja flecu ku'o gi'e benji lo bapli x_3 noi marce ja matra
{bukpu}; {balre}; {tutci}; {danre}; {brife}; {flecu}; {benji}; {bapli}; {marce}; {matra}

famti
x_1 dunli x_2 lo ka makau lanzu ce'u x_3 kei gi'e lidne x_2 lo ka ce'u cmima lo xokaumoi rorlei

fancu
x_1 jai jalge fai lo ka du ma kau kei lo du'u x_2 du ma kau
{jalge}; {du}

fange
x_1 frica lo se tcaci be x_2 x_3
{frica}; {tcaci}; {cizra}; {rirci}; {fadni}

fanmo
-fam-
-fa'o-
x_1 pagbu ja se farvi x_2 gi'e balvi ja jersi ja se lidne ro drata pagbu be x_2 .i x_1 to'e krasi x_2
{pagbu}; {farvi}; {balvi}; {jersi}; {lidne}; {drata}; {krasi}; {cfari}; {mulno}; {traji}

fanri
x_1 dinju lo gundi be x_2 noi se zbasu fi x_3
{dinju}; {gundi}; {zbasu}; {molki}

fanta
x_1 bapli lo nu x_2 na fasnu
srana fa zo {bapli} .e zo {fasnu} .e zo {rinka} .e zo {zunti}

fanva
x_1 finti lo no'u x_5 poi'i bausmu ke'a x_3 fo x_1 fa lo bausmu be x_2 bei x_4 bei x_1 kei da
srana fa zo {bausmu}

fanza
-faz-
x_1 gasnu lo nu x_2 milxe lo ka fengu ja se raktu ja to'e se pluka
{gasnu}; {milxe}; {fengu}; {raktu}; {pluka}

fapro
-fap-
-pro-
x_1 dukti x_2 lo ka ce'u zukte ja ckaji ma kau se ra'a x_3 .i x_1 to'e kansa ja jivna ja damba ja bradi ja jamna x_2 x_3
{dukti}; {zukte}; {ckaji}; {kansa}; {jivna}; {damba}; {bradi}; {jamna}

farlu
-fal-
-fa'u-
x_1 muvdu x_2 x_3 noi galmau x_2 ku'o se ja'e lo nu lo terdi cu lacpu x_1
{muvdu}; {galmau}; {terdi}; {lacpu}

farna
-far-
-fa'a-
x_1 se crane ja se muvdu x_2 gi'e se sirji lo vasru ja se zvati be x_2 x_3
{crane}; {muvdu}; {sirji}; {vasru}

farvi
-fav-
x_1 cenba co'u lo nu x_1 du x_2 kei co'a lo nu x_1 du x_3 kei ca'o lo nu x_1 du x_4
{cenba}; {co'u}; {co'a}; {ca'o}

fasnu
-fau-
x_1 co'a je ca'o je co'u zasti .i x_1 ca'o zasti .i x_1 co'i zasti
{zasti}

fatci
-fac-
x_1 zasti lo na'e xanri
{datni}; {jitfa}; {sucta}; {xanri}; {jetnu}; {fasnu}; {zasti}; {cfika}; {saske}

fatne
-fat-
-fa'e-
x_1 dukti x_2 lo ka ce'u porsi ma kau
{dukti} .i {porsi}

fatri
-fai-
x_1 se menre ja gunma ja se spisa lo se me x_2 moi be x_3
{menre}; {gunma}; {spisa}; {moi}

febvi
-feb-
x_1 noi litki cu binxo lo gapci
{litki}; {gapci}; {dunja}; {lunsa}; {runme}

fegli [experimental]
to'e melbi fa x_1 boi x_2 boi x_3

femti
-fem-
x_1 klani li gei ni'u pa mu x_2
{klani}; {centi}; {decti}; {dekto}; {gigdo}; {gocti}; {gotro}; {gradu}; {kilto}; {megdo}; {mikri}; {milti}; {nanvi}; {petso}; {picti}; {terto}; {xatsi}; {xecto}; {xexso}; {zepti}; {zetro}

fendi
-fed-
x_1 gasnu lo nu x_2 noi pa mei ja gunma ja kansi'u ja jonsi'u cu binxo x_3 noi sepsi'u x_4
{gasnu}; {pa}; {mei}; {gunma}; {kansi'u}; {jonsi'u}; {binxo}; {sepsi'u}

fengu
-feg-
-fe'u-
x_1 cinmo fi x_2 fe lo ka mutce lo ka to'e se pluka ja se fanza ja dunku lo nu x_2 zukte ja ckaji x_3
{cinmo}; {mutce}; {pluka}; {fanza}; {dunku}; {zukte}; {ckaji}; {dunku}

fenki
-fek-
x_1 to'e racli x_2 .i x_1 kalsa lo ka zukte x_2 .i lo nu x_1 cinmo x_2 cu vlile
{racli}; {kalsa}; {zukte}; {cinmo}; {vlile}; {bebna}

fenra
-fer-
-fe'a-
x_1 tcejarki gi'e kevna x_2

fepni
-fep-
-fei-
x_1 klani x_2 lo ka lo xo kau jdini be x_3 ke vipsi gradu cu vamji ce'u
{klani}; {jdini}; {vipsi}; {gradu}; {vamji}; {rupnu}

ferti
-fre-
.i lo si'o ce'u goi x_1 ferti ce'u goi x_2 cu si'o ce'u goi x_1 kakne lo ka ce'u jai si'u farvi fai ce'uxire goi x_2 kei zo'e
.i .e'u do catlu zo'e pe zo {kakne} .e zo {cupra} .e zo {rirni} .e zo {farvi} .e zo {zbasu} .e zo {jbena}

festi
-fes-
x_1 na'e se djica ja na'e se nitcu te pruce fi x_2
{djica}; {nitcu}; {pruce}

filso
-fis-
x_1 ckini lo kulnu ja bangu ja cecmu ja natmi pe lo bangajupu ja gugdepusu x_2
{kulnu}; {bangu}; {cecmu}; {natmi}; {bangajupu}; {gugdepusu}; {xrabo}; {semto}; {xazdo}

finpe
-fip-
-fi'e-
x_1 lekselblu je jaurxa'u bogda'u x_2
{lekselblu}; {jaurxa'u}; {bogda'u}

finti
-fin-
-fi'i-
x_1 gasnu lo nu x_2 zasti gi'e tutci x_3 .i x_1 zbasu x_2 gi'e kanpe lo nu x_2 ba se pilno fi x_3
{gasnu}; {zasti}; {tutci}; {zbasu}; {kanpe}; {pilno}

fizbu [experimental]
x_1 ue'inmo x_2
.i {ue'inmo}

fizde [experimental]
x_1 ri'enai fu'inai denpa je fizbu x_2
.i srana zo {fizbu}

flalu
-fla-
x_1 javni lo nu x_2 se zukte ja se ckaji x_3 kei x_4
{javni}; {zukte}; {ckaji}; {catni}; {pulji}; {tinbe}; {zekri}

flecu
-fle-
x_1 marji x_2 noi litki ja gapci gi'e muvdu x_3 x_4 lo ru'i vasru be x_2
{marji}; {litki}; {gapci}; {muvdu}; {ru'i}; {vasru}

fliba
-fli-
x_1 na mulzu'e x_2 noi se troci x_1 .i x_1 to'e snada x_2
{mulzu'e}; {troci}; {snada}

flira
-fir-
x_1 crane pagbu lo stedu be x_2
{crane}; {pagbu}; {stedu}

fonxa
-fon-
x_1 cabra lo ka benji je te benji lo selba'u ja selci'a lo darno fu x_2 noi ciste ja se tcana
{cabra}; {benji}; {selba'u}; {selci'a}; {darno}; {ciste}; {tcana}

forca
-fro-
x_1 tutci x_2 noi ka ralte ja lafti ku'o gi'e se pagbu lo grana noi se jimca lo su'o re kinli
{tutci}; {ralte}; {lafti}; {pagbu}; {grana}; {jimca}; {kinli}

fraso
-fas-
x_1 ckini lo kulnu ja bangu ja cecmu ja natmi pe lo banfuru'a ja gugdefuru x_2
{kulnu}; {bangu}; {cecmu}; {natmi}; {banfuru'a}; {gugdefuru}; {ropno}

frati
-fra-
x_1 ckaji ja tarti x_2 se ja'e x_3
{ckaji}; {tarti}; {jalge}; {spuda}

fraxu
-fax-
x_1 jdice lo du'u x_1 na fengu x_2 lo ka ce'u pu zukte ja ckaji x_3 noi ke'a xlali x_1 ja noi ke'a ka ce'u xrani ja drigau ce'u
{zungi}; {zekri}; {xenru}

frica
-fic-
x_1 to'e dunli x_2 boi x_3
{dunli}, {drata}

friko
-fi'o-
x_1 ckini lo kulnu ja bangu ja cecmu ja natmi pe lo fi'ortu'a

frili
-fil-
lo nu x_1 se snada x_2 cu na se sarcu lo nu x_2 mutce lo ka troci ja gunka ja ta'irbi'o ja nenxaksu .i x_1 to'e nandu x_2
{snada}; {sarcu}; {mutce}; {troci}; {gunka}; {ta'irbi'o}; {nenxaksu}; {nandu}; {sampu}

funca
-fun-
-fu'a-
lo du'u x_1 fasnu ja se lifri cu cunso ri'i x_2
.i x_1 ka'e mabla ja zabna x_2

fuzme
-fuz-
-fu'e-
lo du'u x_1 noi prenu ku'o ralju jai se jalge gi'e .ei se te ckire ja tolckire vau x_2 ku se jinvi x_3

gacri
-gai-
x_1 pagbu je bartu je marbi x_2

galfi
-gaf-
-ga'i-
x_1 gasnu lo nu x_2 binxo x_3

galtu
-gal-
-ga'u-
x_1 mutce lo ka gapru x_2 .i x_1 to'e dizlo x_2
{mutce}; {gapru}; {dizlo}

ganlo
-ga'o-
lo nu pagre x_1 boi (to noi vorme toi) x_2 fa x_3 fo zi'o cu se zunti zi'o zi'o
ko catlu fe ji'a zo {kalri} .e zo {pagre} .e zo {canko} .e zo {vorme} .e zo {zunti}

ganra
-gan-
x_1 barda x_2 noi remoi cimde x_1 ku'o x_3

ganse
-gas-
-ga'e-
x_1 pilno x_3 lo ka ce'u viska ja tirna ja sumne ja sanji x_2
{viska} .i {tirna} .i {sumne} .i {sanji} .i {zgana} .i {jundi}

ganxo
-gax-
x_1 lo xadni be x_2 cu pagbu gi'e ve te se vikmi lo sligu
{zargu} .i {kalci} .i {mabla} .i {rinci}

ganzu
-gaz-
x_1 gasnu lo nu x_2 binxo x_3 noi cnici ja se javni x_4
{gasnu}; {binxo}; {cnici}; {javni}; {ciste}; {morna}; {stura}; {bilni}

gapci
-gac-
x_1 marji x_2 noi lo selci be ke'a cu prane lo ka ka'e muvdu .i x_1 frica lo litki .e lo sligu lo ka jitcau lo ka preja
{marji}; {prane}; {muvdu}; {selci}; {litki}; {sligu}; {frica}; {jitcau}; {preja}

gapru
-gap-
lo stuzi be x_1 cu zmadu je panra lo stuzi be x_2 lo ka galtu x_3

garna
-gar-
x_1 tutci lo ka sarji ja se rinju x_2 kei gi'e grana x_3
{tutci}; {sarji}; {rinju}; {grana}

gasnu
-gau-
lo nu x_1 zukte cu selja'e x_2

gento
-get-
-ge'o-
x_1 ckini lo kulnu ja bangu ja cecmu ja natmi pe lo gugde'aru x_2
{kulnu}; {bangu}; {cecmu}; {natmi}; {gugde'aru}; {ketco}; {xispo}; {spano}

genxu
-gex-
x_1 li'ismi marji x_2 gi'e se pagbu lo pa mutce be lo ka kruvi
{li'ismi}; {marji}; {pagbu}; {mutce}; {kruvi}

gerku
-ger-
-ge'u-
x_1 re'ucti mabru x_2 noi jutsi la'o jutsi. Canis familiaris .jutsi
srana fa zo {labno} .e zo {lorxu}

gerna
-gen-
-ge'a-
x_1 velcki ja velski ja javni lo nu lo jufra be fi x_2 noi bangu cu mo kau
{velcki}; {velski}; {javni}; {jufra}; {bangu}

gigdo
-gig-
-gi'o-
x_1 klani li gei so x_2
{klani}; {centi}; {decti}; {dekto}; {femti}; {gocti}; {gotro}; {gradu}; {kilto}; {megdo}; {mikri}; {milti}; {nanvi}; {petso}; {picti}; {terto}; {xatsi}; {xecto}; {xexso}; {zepti}; {zetro}

girzu
-gir-
-gri-
x_1 gunma lo se kampu be x_2
{gunma}; {kampu}; {cmima}; {klesi}

gismu
-gim-
-gi'u-
x_1 brivo x_2 lo jbobau gi'e pormei li mu gi'e poi'i naku lo karsna cu pormoi li pa ke'a kei gi'e se rafsi x_4
srana fa zo brivo .e zo rafsi

glare
-gla-
x_1 to'e lenku
{lenku}; {fagri}; {febvi}; {crisa}

gleki
-gek-
-gei-
x_1 cinmo lo ka mutce lo ka se pluka x_2 .i x_1 to'e badri x_2
{cinmo}; {mutce}; {pluka}; {badri}

gletu
-let-
-gle-
x_1 zukte lo ka cinse jorne x_2
{zukte}; {cinse}; {jorne}

glico
-gic-
-gli-
x_1 ckini lo kulnu ja bangu ja cecmu ja natmi pe lo bangenugu x_2
{kulnu}; {bangu}; {cecmu}; {natmi}; {bangenugu}; {brito}; {kadno}; {merko}; {nuzlo}; {skoto}; {sralo}

gocti
-goc-
x_1 klani li gei ni'u re vo x_2
{klani}; {centi}; {decti}; {dekto}; {femti}; {gigdo}; {gotro};{gradu}; {kilto}; {megdo}; {mikri}; {milti}; {nanvi}; {petso}; {picti}; {terto}; {xatsi}; {xecto}; {xexso}; {zepti}; {zetro}

gokti [experimental]
x_1 gocti x_2 x_3
zo "gokti" {smumi'u} zo "gocti"

gotro
-got-
x_1 klani li gei re vo x_2
{klani}; {centi}; {decti}; {dekto}; {femti}; {gigdo}; {gocti}; {gradu}; {kilto}; {megdo}; {mikri}; {milti}; {nanvi}; {petso}; {picti}; {terto}; {xatsi}; {xecto}; {xexso}; {zepti}; {zetro}

gradu
-rau-
x_1 klani li gei no x_2
{klani}; {centi}; {decti}; {dekto}; {femti}; {gigdo}; {gocti}; {gotro}; {kilto}; {megdo}; {mikri}; {milti}; {nanvi}; {petso}; {picti}; {terto}; {xatsi}; {xecto}; {xexso}; {zepti}; {zetro}

grake
-gra-
x_1 milti lo ka ki'ogra x_2
{milti}; {ki'ogra}

grana
-ga'a-
x_1 marji x_2 lo ka sirji je clani je jarki je cinla
{marji}; {sirji}; {clani}; {jarki}; {cinla}

greku
-rek-
x_1 tinsa stura gi'e sarji je pagbu x_2
{tinsa}; {stura}; {sarji}; {pagbu}

grusi
-rus-
x_1 jbini lo blabi jo'u lo xekri lo ka ce'u skari ma kau
{xekri}; {blabi}; {skari}; {jbini}

grute
-rut-
x_1 pagbu x_2 noi spati ku'o gi'e se farvi fi lo xrula .a lo ganti gi'e bevri lo tsiju
{pagbu}; {spati}; {farvi}; {xrula}; {ganti}; {bevri}; {tsiju}

gugde
-gug-
-gu'e-
x_1 ciste lo nu turni kei lu'i x_2 noi prenu ra'a x_3 noi tutra lu'u lo ka co'e

gumri [experimental]
x_1 mledi x_2 gi'e na'o se stani lo tordu gi'e na'o se galraipau lo balji ja santa

gunka
-gun-
-gu'a-
x_1 to'e surla x_2 te zu'e x_3
{surla}; {zukte}

gunma
-gum-
x_1 se cmima ro me x_2 me'u .e no na'e bo x_2
{cmima}

gunro
-gur-
-gu'o-
x_1 cpana x_2 gi'e muvdu ta'i lo ka carna x_3 kei tai mu'a tu'a lo bolci .a lo xislu
{cpana}; {muvdu}; {carna}; {bolci}; {xislu}

gunse
x_1 limna cipni x_2 noi jutsi la'o jutygunma Anser jutygunma .a la'o jutygunma Branta jutygunma ku'o gi'e na'o zmadu lo datka lo ni ce'u barda .e lo ni lo cnebo jo'u tuple be ce'u cu clani
{limna}; {cipni}; {jutsi}; {datka}; {jipci}; {xruki}

gunta
-gut-
x_1 gasnu lo nu x_2 lifri lo vlile kei te zu'e x_3
{gasnu}; {lifri}; {vlile}; {bradi}; {damba}; {darxi}; {jamna}; {jenca}; {jursa}

gurni
-gru-
x_1 cmalu je jdari tsiju x_2 noi cidja spati gi'e mu'a maxri ja zumri ja mavji ja rismi ja cunmi ja bavmi ja mraji ja sobde ja sorgu
{cmalu}; {jdari}; {tsiju}; {cidja}; {spati}; {maxri}; {zumri}; {mavji}; {rismi}; {cunmi}; {bavmi}; {mraji}; {sobde}; {sorgu}

gusni
-gus-
-gu'i-
x_1 nejni gi'e gasnu lo nu x_2 to'e manku ja ka'e se viska kei gi'e se krasi x_3
{nejni}; {gasnu}; {manku}; {viska}; {krasi}; {dirce}; {solri}; {carmi}; {ctino}

gusta
x_1 stuzi lo nu x_2 noi cidja cu se vecnu ja se sabji fi x_3 gi'e se citka x_3
{stuzi}; {cidja}; {vecnu}; {sabji}; {citka}; {barja}

gutci
-guc-
x_1 noi na'o tordu tersei cu klani x_2 lo ni clani kei ma'i x_3
{tordu}; {tersei}; {klani}; {clani}; {ma'i}; {minli}; {mitre}

guzme
-guz-
-zme-
x_1 grute x_2 noi jutsi la'o jutsi Cucurbitaceae jutsi

jabre
x_1 gasnu lo nu x_2 sutyjdika kei se pi'o x_3
{gasnu}; {sutyjdika}

jadni
-jad-
-ja'i-
x_1 te sumji x_2 lo mlemau be x_2
{sumji}; {mlemau}

jakne
x_1 marce fo lo jetce be x_2 fe x_3
{marce}; {jetce}

jalge
-jag-
-ja'e-
x_1 se rinka ja te pruce ja se cupra ja jersi x_2
{rinka}; {pruce}; {cupra}; {jersi}

jamfu
-jaf-
-jma-
x_1 pagbu lo xadni be x_2 gi'e fanmo lo tuple
{pagbu}; {xadni}; {fanmo}; {tuple}; {xance}

jamna
-jam-
x_1 cu ze'a fapro je damba x_2 x_3 .i x_1 to'e panpi x_2 ji'u x_3
{fapro}; {damba}; {panpi}; {bradi}; {jivna}; {jenmi}

janco
-jan-
x_1 pagbu x_2 gi'e te jorne lo jimca lo ralju pagbu be lo xadni
{pagbu}; {jorne}; {jimca}; {ralju}; {xadni}; {birjanco}; {tupyjanco}

janli
-jal-
x_1 binxo lo lamji be x_2

janta
-jat-
x_1 notci lo du'u x3 dejni x_4 boi x_2 kei x_4 boi x_3
{dejni}; {notci}; {dejnoi}

jarco
-ja'o-
x_1 gasnu ja curmi lo nu x_2 se sanji x_3 .i x_1 to'e mipri x_2 x_3
{gasnu}; {curmi}; {sanji}; {mipri}

jarki
-jak-
x_1 cmalu x_2 noi remoi cimde x_1 ku'o x_3

jaspu
-jap-
x_1 sinxa lo du'u x_2 ca'i x_3 zifre x_4
{sinxa}; {catni}; {zifre}; {pikta}

jatna
-ja'a-
x_1 catni ja vlipa lo ka jitro ja gidva ja minde x_2
{catni}; {vlipa}; {jitro}; {gidva}; {minde}

javni
-jva-
x_1 nibli lo du'u x_2 bi'ai fasnu kei lo se catni ja tcaci be x_3
{nibli}; {bi'ai}; {fasnu}; {catni}; {tcaci}; {flalu}

jbari
-jba-
x_1 cmalu je bidjycau je jisrycfu grute x_2
{cmalu}; {bidjycau}; {jisrycfu}; {grute}

jbena
-jbe-
x_1 cliva lo gutra be x_2 gi'e co'a bartu jmive
{cliva}; {gutra}; {bartu} {jmive}

jbera
-jer-
x_1 cpacu ja lebna x_2 boi x_3 gi'e nupre lo ka ce'u ba xrudu'a x_2 boi x_3 za x_4
srana fa zo {dejni} .e zo {janta} .e zo {zivle} .e zo {lebna} .e zo {dunda} .e zo {nupre} .e zo {xrudu'a}

jbini
-bin-
-bi'i-
ro da poi me x_2 zo'u su'o de poi me x_2 zo'u da x_1 de bancu x_3

jbobo [experimental]
x_1 lojbo x_2
.i ko pilno va'o lo nu do ji'a jinvi lo du'u zoi jy. loj jy. .a zo lojbo .a zo .lojban. tolmletce ni'o li'a ra'oi jbo rafsi zo jbobo

jdari
-jar-
x_1 na'e randa x_2 .i x_1 jai nandu x_2 fai lo ka ce'u randa ce'u .i x_1 to'e ratni x_2
{randa}; {nandu}; {ranti}; {tinsa}

jdice
-jdi-
x_1 ja'e lo nu x_1 jinvi x_2 x_3 cu mo'u pajni x_3
{jinvi}; {pajni}; {cuxna}; {kanji}

jdika
x_1 cenba x_2 boi x_3 ja'e lo nu lo fanmo cu mleca lo krasi x_2

jdima
-di'a-
x_1 tolrai lo ka x_3 nitcu lo ka renvi ja dunda kei lo ka cpacu ja ralte x_2
{tolrai}; {nitcu}; {renvi}; {dunda}; {cpacu}; {ralte}; {vamji}; {pleji}; {dirba}; {vajni}; {kargu}; {vecnu}; {canja}

jdini
-din-
-di'i-
x_1 sicni ja pelji ja vreji gi'e se cupra x_2 gi'e se pilno fi lo ka pleji gi'a merli fo lo ni ricfu
{sicni}; {pelji}; {vreji}; {cupra}; {pilno}; {pleji}; {merli}; {ricfu}; {rupnu}; {fepni}; {jdima}; {vecnu}; {canja}

jeftu
-jef-
x_1 djedi li 7 pi'i x_2
{djedi}; {masti}; {nanca}; {ditcu}

jegvo
-jeg-
-je'o-
x_1 xebro jo'u xriso jo'u muslo x_2
{xebro}; {xriso}; {muslo}

jelca
-jel-
x_1 noi livla cu xukmi te sumji x_2 noi vacri ku'o lo cupra be lo glare jo'u lo gapci jo'u lo gusni
{livla}; {xukmi}; {sumji}; {vacri}; {cupra}; {glare}; {gapci}; {gusni}; {fagri}; {sacki}; {sigja}

jendu
-jed-
x_1 garna gi'e tutci lo ka se carna x_2
{garna}; {tutci}; {carna}

jenmi
-jem-
-jei-
x_1 bilni gunma lo sonci gi'e selfu x_2 x_3
{bilni}; {gunma}; {sonci}; {selfu}

jersi
-je'i-
x_1 trixe x_2 gi'e dunli x_2 lo ka muvdu fa'a ma kau
{trixe}; {dunli}; {muvdu}; {farna}; {bavla'i}; {kavbu}; {kalte}; {lidne}; {rivbi}

jerxo
-jex-
x_1 ckini lo kulnu ja bangu ja cecmu ja natmi pe lo gugdeduzu x_2
{kulnu}; {bangu}; {cecmu}; {natmi}; {gugdeduzu}; {friko}; {xrabo}

jesni
-jes-
x_1 cinla je sirji li'ismi gi'e se jipno lo kinli gi'e marji x_2
{cinla}; {sirji}; {li'ismi}; {jipno}; {kinli}; {marji}

jetce
-je'e-
x_1 flecu x_2 fo x_3 gi'e se tolsakci x_3
{flecu}; {tolsakci}

jetnu
-jet-
-je'u-
x_1 mapti lo fatci lo ka ce'u ve skicu ce'u fo x_2 .i x_1 to'e jitfa x_2
{mapti} .i {fatci} .i {jitfa} .i {skicu}

jgalu
-ja'u-
x_1 jdari gi'e pagbu lo jipno be lo degji be x_2
srana fa zo {degji}

jgari
-jai-
x_1 gasnu lo nu x_4 noi pagbu x_2 cu rinju x_3 noi pagbu x_1

jgena
-jge-
x_1 gunma lo kucysi'u clupa be x_2
{gunma}; {kucysi'u}; {clupa}

jgira
-jgi-
x_1 cinmo lo ka se pluka ja gleki lo nu x_1 snada ja zukte ja ckaji x_2 .i x_1 to'e ckeji ja to'e zungi x_2
{cinmo}; {pluka}; {gleki}; {snada}; {zukte}; {ckaji}; {ckeji}; {zungi}

jibni
-jbi-
x_1 sepli x_2 lo cmalu be x_3 .i x_1 to'e darno x_2 x_3
{sepli}; {cmalu}; {darno}

jibri
-jib-
x_1 dikni ja tcaci se gunka x_2 lo ka jerna lo se pleji
{dikni}; {tcaci}; {gunka}; {jerna}; {pleji}; {briju}

jicfo [experimental]
x_1 se lidne x_2 fi x_3
zo {lidne} zo {selyli'e}

jicla
x_1 nalcadgau x_2 ja'e lo nu x_2 mixre ja runta ja glajdika
{nalcadgau}; {mixre}; {runta}; {glajdika}

jicmu
-cmu-
x_1 fai lo ka zasti ja fatci cu jai ralju ja pa moi lo krinu ja se jalge be lo nu x_2 zasti ja fatci
{zasti}; {fatci}; {ralju}; {krinu}; {jalge}; {krasi}; {zbepi}

jidge [experimental]
x_1 se gaurtcini fi x_2 va'o x_3

jijnu
-jij-
x_1 djuno x_2 x_3 fi'o na se jalge lo pruce fo lo nu pensi
{djuno}; {jalge}; {pensi}

jikca
-jik-
x_1 kansa x_2 lo ka simxu lo ka tarti lo ka pendo
{kansa}; {simxu}; {tarti}; {pendo}; {penmi}

jimpe
-jmi-
x_1 sanji lo smuni be x_2 noi datni x_3
{sanji}; {smuni}; {datni}

jimte
-jit-
x_1 pagbu ja sepcau x_2 gi'e se bancu no pagbu be x_2 lo pagbu be x_2 x_3
{pagbu}; {sepcau}; {bancu}; {traji}; {korbi}; {kuspe}

jinci
x_1 tutci lo ka katna x_2 kei gi'e se pagbu lo re balre noi ke'a jonsi'u ja'e lo nu lo kinli korbi be ke'a cu prosi'u
{tutci}; {katna}; {pagbu}; {balre}; {jonsi'u}; {kinli}; {korbi}; {prosi'u}

jinga
-jig-
-ji'a-
x_1 cpacu x_2 noi prali x_1 lo ka zmadu x_3 lo ni snada x_4
{cpacu}; {prali}; {zmadu}; {snada}; {jivna}; {jerna}

jinku
x_1 bandu x_2 lo nu x_2 bilma fi x_3 ta'i lo nu lo xadni bandu ciste cu frati lo nu cupra lo bandu lanbi kei lo nu setca x_1 lo xadni be x_2 ta'i x_4
{bandu}; {bilma}; {xadni}; {ciste}; {frati}; {cupra}; {lanbi}; {setca}

jinme
-jim-
x_1 marji x_2 gi'e fu'e su'a jdari gi'e gusminra gi'e fu'i se pagre lo dikca .e lo glanejni
.i mu'a jinme fa ro {cnisa} ja {margu} ja {nikle} ja {romge} ja {sodna} ja {tinci} ja {tirse} ja {tunka} ja {zinki} ja se {gasta} ja se {lastu} ja se {ransu}

jinru
-jir-
x_1 mulno lo ka se sruri x_2 noi litki .i x_1 cnita lo sefta be x_2 noi litki
{mulno}; {sruri}; {litki}; {cnita}; {sefta}

jinsa
-jis-
x_1 claxu x_2 noi dertu gi'a pulce gi'a drata ke na'e mapti marji
{claxu}; {dertu}; {pulce}; {drata}; {mapti}; {marji}

jinto
x_1 ve flecu x_2 gi'e se stuzi x_3
{flecu}; {stuzi}

jinvi
-jiv-
-ji'i-
x_1 krici x_2 x_3 ji'u x_4
{krici}; {jicmu}; {djuno}; {birti}; {senpi}; {jijnu}; {sruma}; {smadi}; {facki}; {cilre}; {jimpe}; {morji}; {jdice}; {xusra}

jinzi
-jiz-
lo nu x_1 se ckaji x_2 cu rarna gi'e na se gasnu .i x_1 se ckaji x_2 co'a lo nu x_2 zasti .i x_2 cu ro roi pu ckaji x_1
srana fa zo {lakne} .e zo {rarna} .e zo {stati} .e zo {tcaci} .e zo {kakne} .e zo {ckaji}

jipci
x_1 cange cipni x_2 noi jutsi la'o jutsi Gallus domesticus jutsi
{cange}; {cipni}; {jutsi}; {xruki}; {datka}; {gunse}

jipno
-jip-
-ji'o-
x_1 mokca gi'e pagbu x_2 noi se tarmi ku'o di'o x_3

jirna
x_1 jdari gi'e xadypau x_2 gi'e se jipno lo kinli gi'e se jinto fi lo pagbu be lo sedbo'u be x_2 ku poi gabru lo mebri be ri
srana fa zo {kinli}

jisra
x_1 litki gi'e pagbu ja se krasi x_2
{litki}; {pagbu}; {krasi}

jitfa
-jif-
x_1 na mapti lo fatci lo ka ce'u ve skicu ce'u fo x_2 .i x_1 to'e jetnu x_2
{mapti} .i {fatci} .i {jetnu} .i {skicu}

jitro
-tro-
x_1 vlipa lo ka gasnu lo nu x_2 zukte ja ckaji x_3 kei gi'a jdice lo du'u xu kau x_2 zukte ja ckaji x_3 kei gi'a jdice lo du'u ta'i ma kau x_2 zukte ja ckaji x_3
{vlipa}; {gasnu}; {zukte}; {ckaji}; {jdice}; {gidva}; {bapli}; {jatna}; {minde}; {sazri}; {turni}; {xlura}

jivbu
x_1 zbasu x_2 x_3 noi skori ja cilta ku'o ta'i lo nu x_1 gasnu lo nu x_3 kucysi'u
{zbasu}; {skori}; {cilta}; {gasnu}; {kucysi'u}; {nivji}

jivna
-jvi-
x_1 fapro x_2 x_3 gi'e troci lo ka jinga fi x_2 fo x_3 fe x_4
{fapro}; {troci}; {jinga}

jmaji
-jaj-
ge ro me x_1 cu klama x_2 boi su'o me x_3 gi ro me x_3 cu te klama x_2 boi su'o me x_1 vau ja'e lo nu x_1 zvati x_2
{klama} .i {penmi} .i {pensi'u}

jmina
-min-
x_1 dunda x_2 boi x_3 ja'e x_4 i x_1 gasnu lo nu x_3 zenba fi x_2 ja'e x_4

jmive
-miv-
-ji'e-
x_1 se tcini lo ka jbena gi'e banro gi'e ka'e rorci gi'e matybi'o lo vanbi ta'i lo nu nenri krasi cenba .i x_1 to'e morsi
{tcini}; {jbena}; {banro}; {rorci}; {matybi'o}; {vanbi}; {nenri}; {krasi}; {cenba}; {morsi}

jonse [experimental]
x_1 nerkla ja darca ja pencu ja cpacu ja jgari ja penmi ja tavla ja tcidu ja pilno ja me'au lo simsa x_2 tezu'e x_3

jordo
-jor-
-jo'o-
x_1 ckini lo kulnu ja bangu ja cecmu ja natmi pe lo gugdeju'o x_2
{kulnu}; {bangu}; {cecmu}; {natmi}; {gugdeju'o}; {xazdo}; {semto}; {xrabo}

jorne
-jon-
-jo'e-
x_3 korbi x_1 fi x_2 .i je x_1 jo'u x_2 rinju x_3 lo ka simxu lo ka zvadarze'a
srana fa zo {korbi} .e zo {snipa} .e zo {lasna} .e zo {rinju} .e zo {zvadarze'a}

jubme
-jub-
-jbu-
x_1 nilce gi'e marji x_2 gi'e se galraipau lo pinta plita poi se zbepi x_3
{nilce}; {marji}; {galraipau}; {pinta}; {plita}; {zbepi}

judri
x_1 sinxa lo du'u ma kau stuzi x_2 kei ma'i x_3
{sinxa}; {stuzi}; {manri}

jufra
-juf-
-ju'a-
x_1 porsi lo su'o pa valsi gi'e se smuni lo srana be x_2 gi'e gerna selci x_3 noi bangu
{porsi}; {valsi}; {smuni}; {srana}; {gerna}; {selci}; {bangu}

jukpa
-jup-
x_1 bregau x_2 lo ka se citka kei ta'i x_3
{bregau}; {citka}; {cidja}; {zbasu}

jundi
-jud-
-ju'i-
x_1 selfargau lo menli be vo'a x_2
{selfargau} .i {menli} .i {zgana}

jungo
-jug-
x_1 ckini lo kulnu ja bangu ja cecmu ja natmi pe lo banzuxe'o ja gugdecunu x_2
{kulnu}; {bangu}; {cecmu}; {natmi}; {banzuxe'o}; {gugdecunu}; {xazdo}

junla
-jul-
x_1 tutci lo ka merli lo temci kei gi'a jarco lo tcika .a lo detri
{tutci}; {merli}; {temci}; {jarco}; {tcika}; {detri}

junri
-jur-
x_1 zukte ja ckaji x_2 se kai lo ka vajni .i x_1 to'e xalbo x_2
{vajni}; {xalbo}

jutsi
-jut-
x_1 klesi x_2 noi klesi x_3 noi klesi x_4 li'o
{klesi}; {lanzu}

juxre
-jux-
x_1 zukte ja ckaji x_2 gi'e claxu lo ka certu ja stati x_2 gi'a melbi fi x_2
{zukte}; {ckaji}; {claxu}; {certu}; {stati}; {melbi}

jvinu
-vin-
-ji'u-
x_1 se krasi x_2 gi'e ka'e se viska bu'u x_3
{viska}; {sance}; {panci}; {vrusi}; {tengu}

kabri
x_1 cmalu je kalri vautci x_2 gi'e marji x_3 gi'e na'o tutci lo ka te pinxe
{cmalu}; {kalri}; {vautci}; {marji}; {pinxe}; {tutci}

kadno
x_1 ckini lo kulnu ja bangu ja cecmu ja natmi pe lo gugdecu'a x_2
{kulnu}; {bangu}; {cecmu}; {natmi}; {gugdecu'a}; {bemro}; {glico}; {fraso}

kagni
-kag-
x_1 ca'irselzau x_2 gi'e bende fo x_3
{kansa} .i {kamni} .i {banxa} .i {bende}

kajde
-jde-
x_1 rinka lo nu x_2 sanji lo nu x_3 ckape x_2
{rinka}; {sanji}; {ckape}

kajna
x_1 pinta tanbo gi'e se sarji x_2 noi mu'a bitmu gi'a se pagbu be x_1 nilce ku'o gi'e tutci x_3
{pinta}; {tanbo}; {sarji}; {bitmu}; {pagbu}; {nilce}; {tutci}

kakne
-ka'e-
lo nu x_1 zukte ja ckaji x_2 cu cumki x_3
{zukte}; {ckaji}; {cumki}

kakpa
x_1 pilno x_4 noi mu'a canpa ku'o lo nu vimcu x_2 boi x_3 noi sligu .i gau x_1 porpi x_2 fa x_3 se pi'o x_4
{katna} .i {plixa} .i {sraku} .i {canpa} .i {sraku}

kalri
-kar-
lo nu pagre x_1 boi (to noi vorme toi) x_2 fa x_3 fo zi'o cu nalselzu'i zi'o zi'o
ko catlu fe ji'a zo {ganlo} .e zo {pagre} .e zo {canko} .e zo {vorme} .e zo {nalselzu'i}

kalsa
-kas-
x_1 jai se morna lo cunso ja to'e te ganzu fai x_2 .i x_1 to'e cnici x_2
{morna}; {cunso}; {ganzu}; {cnici}

kampu
-kau-
ckaji x_1 fa ro me x_2 .i va'i roldza fa lo ka ce'u ckaji x_1 gi'e me x_2
srana fa zo {tolkau} .e zo {nartolkau} .e zo {narkau} .e zo {roldza}

kamro [experimental]
x_1 ckini lo kulnu ja bangu ja cecmu ja natmi pe lo bancujemu x_2
{kulnu}; {bangu}; {cecmu}; {natmi}; {bancujemu}; {ropno}; {brito}

kanba
x_1 rapmarxa mabru x_2 noi jutsi la'o jutygunma Capra jutygunma
{rapmarxa}; {mabru}; {jutsi}; {lanme}; {bakni}; {kumte}; {mirli}; {djirafa}

kancu
-kac-
x_1 merli x_2 boi x_3 lo ka xo kau da me ce'u ma'i x_4 .i x_1 merli x_2 ja'e lo nu x_1 djuno ja pajni lo du'u x_2 memkai x_3

kandi
-kad-
x_1 toltce x_2 fi'o ganse x_3; x_1 to'e carmi x_2 x_3
{toltce}; {ganse}; {carmi}

kanji
-kaj-
x_1 pilno fi lo ka facki x_2 kei fe x_3 noi datni ku'o ta'i x_4 noi logji x_3
{pilno}; {facki}; {datni}; {logji}; {kancu}

kanla
-kal-
x_1 rango x_2 lo ka se pilno x_2 lo ka viska
{rango}; {pilno}; {viska}

kanpe [experimental]
x_1 sruma ja jinvi lo du'u lo nu x_2 ba fasnu cu lakne gi'e la'erlai x_3
srana fa zo {pacna} .e zo {sruma} .e zo {lakne}

kanro
-ka'o-
x_1 se tcini lo ka lo xadni ja menli be ce'u cu tolpo'u gi'e vlipa .i x_1 na'e bilma
{tcini}; {xadni}; {menli}; {tolpo'u}; {vlipa}; {bilma}; {mikce}

kansa
-kan-
x_1 joi x_2 lifri x_3

kantu
-ka'u-
x_1 klani lo cmarai x_2
{klani}; {cmarai}; {selci}

kanxe
-kax-
x_1 du'u ge x_2 gi x_3 jetnu
{du'u}; {ge}; {vlina}; {natfe}

karbi
-kab-
x_1 lanli x_2 jo'u x_3 te zu'e lo nu x_1 facki lo du'u xu kau x_2 simsa x_3 boi x_4 .i x_1 cipyzu'e x_2 jo'u x_3 lo ka ce'u simsysi'u fa'u fricysi'u ma kau fa'u ma kau
srana fa zo {cipyzu'e} .e zo {klani} .e zo {mapti} .e zo {sarxe} .e zo {zmadu} .e zo {mleca} .e zo {dunli} .e zo {lanli} .e zo {merli} .e zo {simsa} .e zo {zgana}

karce
x_1 se matra je se sabnu marce x_2 fo x_3 gi'e na'o se xislu lo vo mei
{matra}; {sabnu}; {marce}; {xislu}

kargu
x_1 mutce lo ka ma kau ce'u jdima x_2
{mutce}; {jdima}

karli
x_1 sruri x_2 gi'e clupa x_3
{sruri}; {clupa}

katna
-ka'a-
x_1 noi balre ja se balre ja pilno be lo se balre cu fendi x_2 x_3
{balre}; {fendi}; {dakfu}; {jinci}

kavbu
-kav-
pinfu gau je fe x_1 fa x_2 fi x_3

kecti
-kec-
-ke'i-
x_1 sarxe ja xendo cinmo lo ka badri lo nu x_2 malfri ja malselfu'a x_3
{sarxe}; {xendo}; {cinmo}; {badri}; {malfri}; {malselfu'a}

kelci
-kel-
-kei-
x_1 se zdile ja xalbo lo ka zukte tu'a x_2
{zdile}; {xalbo}; {zukte}

kelvo
-ke'o-
x_1 klani x_2 lo sornai rauci'e ni glare
{klani}; {sornai}; {rauci'e}; {glare}; {jacke'o}

kenra
-ken-
x_1 te bilma fi x_2 fe lo xlali je gunta nu lo selci cu trocau lo ka banro
{bilma} .i {xlali} .i {gunta} .i {selci} .i {trocau} .i {banro}

kensa
-kes-
x_1 canlu zi'o gi'e sruri ja jibni ja ckini x_2 noi tarci gi'a plini gi'a ragve lo vacri be lo terdi
{canlu}; {sruri}; {jibni}; {ckini}; {tarci}; {plini}; {ragve}; {vacri}; {terdi}

kerfa
-kre-
x_1 cinla cilta lo lanbi gi'e se jinto fi lo pilka be x_2
{cinla}; {cilta}; {lanbi}; {jinto}; {pilka}; {sunla}

kevna
-kev-
-ke'a-
x_1 kunti pagbu be x_2
{kunti}; {pagbu}

kibro [experimental]
x_1 ckini lo kulnu ja cecmu ja tutci pe lo munje se tcana be lo skami x_2
{ckini}; {kulnu}; {cecmu}; {tutci}; {munje}; {tcana}; {skami}

kijno
-kij-
x_1 skacau je pancau gapci cmuxu'i gi'e ji'i fi'u mu si'e lo vacri be lo terdi gi'e se sinxa zo'oi O
{skacau}; {pancau}; {gapci}; {cmuxu'i}; {vacri}; {sinxa}

kilto
-ki'o-
x_1 klani li gei ci x_2
{klani}; {centi}; {decti}; {dekto}; {femti}; {gigdo}; {gocti}; {gotro}; {gradu}; {megdo}; {mikri}; {milti}; {nanvi}; {petso}; {picti}; {terto}; {xatsi}; {xecto}; {xexso}; {zepti}; {zetro}

kinfi [experimental]
ro da ro de zo'u da .e de me x_2 .i na ja ga nai da de gi de da me'au x_1
zo {kinra} .i zo {takni}

kinli
-kil-
x_1 se korbi ja kojna x_2 noi cinla gi'e ka'e katna ja pagre ja jai xrani

kinra [experimental]
ro me x_2 cu sefsi x_1
zo {sefsi} .i zo {kinfi} .i zo {takni}

kisto
-kis-
x_1 ckini lo kulnu ja bangu ja cecmu ja natmi pe lo gugdepuku x_2
{kulnu}; {bangu}; {cecmu}; {natmi}; {gugdepuku}; {xurdo}; {banpu'anu}; {xazdo}

klaku
-kak-
x_1 se cliva x_2 noi silna litki se cigla lo kanla ku'o se ja'e lo nu x_1 badri x_3 ja carmi lo ka cinmo x_3
{cliva}; {silna}; {litki}; {cigla}; {kanla}; {badri}; {carmi}; {cinmo}

klama
-kla-
lo ka klama cu ka ce'u goi x_1 zukte lo ka ce'u muvdu ce'u xi re goi x_2 ce'u xi re goi x_3 ce'u xi re goi x_4 fi'o marce ce'u xi re goi x_5
.i lo ka klama cu ka zukte kei joi ka muvdu .ibo ku'i srana lo marce .i ji'a lo klama cu litru .ibo si'a lo ve klama fa'u lo xe klama cu se litru fa'u te litru .i ro da poi cmima lo'i lo'u {cadzu} {bajra} {marce} {vofli} {litru} {muvdu} {cpare} {pluta} {bevri} {farlu} {limna} {vitke} {ka'a} le'u zo'u .e'u catlu zo'e ne da

klani
-lai-
x_1 se parbi x_2 noi namcu ku'o lo gradu be x_3
{parbi}, {namcu}, {gradu}

klesi
-kle-
-lei-
x_1 menre x_2 gi'e se kampu x_3 noi steci x_1 x_2 .i x_1 gunma lo ro cmima be x_2 poi ckaji x_3
{menre}; {kampu}; {steci}; {gunma}; {cmima}; {ckaji}; {jutsi}

klina
-kli-
lo nu x_2 pagre x_1 cu cumki gi'e na rinka lo nu x_2 preja .i x_1 ka'e se pagre x_2 noi ke'a gusni ja se cradi ja glaseldi'e ja dicmaksybo'a
srana fa zo {zunti} .e zo {pagre} .e zo {muvdu} .e zo {benji} .e zo {gusni}

kliru
x_1 marji x_2 noi ratni li so .a li paze .a li cimu .a li muci .a li bimu .i ra'u x_2 ratni li paze
{xukmi}

kloje [experimental]
ro da poi me x_1 zo'u lo me'au x_2 be da cu me x_1.
panra zo {klojere} fi lo ka na zi'evla

kluza
-luz-
x_1 na'e mutce lo ka mapti x_2 x_3 kei ja'e lo nu x_1 na'e danre x_2 gi'a ne'e rinju gi'a na jai nandu fai lo ka se muvgau .i x_1 to'e tagji x_2 x_3
{mutce}; {mapti}; {danre}; {rinju}; {nandu}; {muvgau}; {tagji}

kojna
-koj-
-ko'a-
x_1 pagbu x_2 gi'e jibni lo jipno be x_2 gi'e marji x_3 .i x_1 jbini lo linji ja seffta poi kucysi'u ku'o gi'e jibni lo se kucysi'u
{pagbu}; {jipno}; {jibni}; {marji}; {linji}; {sefta}; {kucysi'u}

kolme
-kol-
-ko'e-
x_1 xekri ja manbu'e ke jelka'e kunra x_2 noi ba'o jalge spati
{xekri}; {manbu'e}; {jelka'e}; {kunra}; {jalge}; {spati}

konju
-kon-
-ko'u-
x_1 se sefta lo gunma be lo linji be lo mokca jo'u lo plita kruli'i poi na se vasru my zi'e noi mu'a cukla ku'o gi'e marji x_2
{sefta}; {gunma}; {linji}; {mokca}; {plita}; {kruli'i}; {vasru}; {cukla}; {marji}

korbi
-kor-
-koi-
x_1 pagbu je fanmo x_2 gi'e jimte x_2 lo ka kuspe kei gi'e te sepli x_2 x_3
{pagbu}; {fanmo}; {jimte}; {kuspe}; {sepli}

korcu
-kro-
x_1 na'e sirji
{sirji}

kosta
-kos-
x_1 taxfu fi lo ka gacri ja bartu lo drata taxfu kei gi'e marji x_2
{taxfu} .i {gacri} .i {bartu} .i {marji}

krasi
-kra-
x_1 pagbu ja te farvi x_2 gi'e purci ja se jersi ja lidne ro drata pagbu be x_2 .i x_1 to'e fanmo x_2
{pagbu}; {farvi}; {purci}; {jersi}; {lidne}; {drata}; {fanmo}; {cfari}; {mulno}; {traji}

krati
-ka'i-
x_1 ckaji ja zukte x_3 noi nu'o se ckaji ja se zukte x_2
{ckaji}; {zukte}; {basti}; {jansu}; {vipsi}

krefu
-ref-
-ke'u-
x_3 kaidza lo ka ce'u nundumu x_2 gi'e fasnu gi'e purci x_1 noi nundumu x_2 gi'e fasnu .i va'i x_1 momkai x_3 lo ro nundumu be x_2 lo ka ce'u ce'u se tcika
srana fa zo {rapli}

krici
-kri-
x_1 pensi lo du'u x_2 noi srana x_3 cu jetnu kei gi'e na pensi lo du'u x_2 ka'e na jetnu
{pensi}; {srana}; {jetnu}; {jinvi}; {birti}; {djuno}; {senpi}; {lijda}

krili
x_1 sligu dacti gi'e se sefta lo plita gi'e marji x_2 noi se stura x_3
{sligu}; {dacti}; {sefta}; {plita}; {marji}; {stura}

krinu
-rin-
-ki'u-
x_1 jicmu ja velcki lo du'u x_2 jalge ma kau
{jicmu}; {velcki}; {jalge}; {rinka}; {nibli}; {mukti}; {zukte}; {bapli}

krixa
-kix-
-ki'a-
x_1 bacru x_2 noi cladu
{cladu}; {bacru}

kruji
-ruj-
x_1 xutla pesxu ja ke ranti sligu ja ke jdari litki x_2
{xutla} .i {pesxu} .i {ranti} .i {sligu} .i {jdari} .i {litki} .i {marji}

kubli
-kub-
x_1 se sefta xa kurfa noi ro ke'a cu sraji ro lamji sefta
{sefta}; {kurfa}; {sraji}; {lamji}

kucli
x_1 djica lo nu x_1 djuno lo du'u x_2 makau brije'u
srana fa zo {brije'u} .e zo {brije'uju'o} .e zo {brireisku}

kukte
-kuk-
lo nu x_1 ganse x_2 cu pluka x_1
{pencu}; {sanji}; {viska}; {sumne}; {tirna}; {zgana}; {vrusi}

kulnu
-klu-
x_1 gunma lo sidbo jo'u tcaci jo'u se larcu jo'u larcu pe x_2 noi natmi ja cecmu
{gunma}; {sidbo}; {tcaci}; {larcu}; {natmi}; {cecmu}

kumfa
-kum-
-ku'a-
x_1 pagbu x_2 noi dinju ja stura ku'o gi'e se sruri x_3 noi bitmu ja loldi ja drudi
{pagbu}; {dinju}; {stura}; {sruri}; {bitmu}; {loldi}; {drudi}

kumte
x_1 rapmarxa mabru x_2 noi jutsi la'o lanzu Camelidae lanzu
{rapmarxa}; {mabru}; {jutsi}; {lanme}; {bakni}; {kanba}; {mirli}; {djirafa}

kunra
-kun-
x_1 rarna je na'e jmive je sligu marji x_2
{rarna}; {jmive}; {sligu}; {marji}

kunti
-kut-
x_1 claxu lo ka ce'u vasru x_2 .i x_1 ka'e je nai ca'a vasru x_2 .i x_1 to'e culno x_2
{vasru}; {claxu}; {culno}

kurji
-kuj-
-ku'i-
x_1 stagau x_2 lo ka snura ja kanro ja kufra ja cnici ja tolpo'u ja drani ja zanseltcini
{stagau}; {snura}; {kanro}; {kufra}; {cnici}; {tolpo'u}; {zanseltcini}

kurki
x_1 se vrusi lo ka tolpu'a ja cpina x_2
{vrusi}; {tolpu'a}; {cpina}; {titla}; {slari}; {silnycpina}; {krumami}

kuspe
-kup-
-ku'e-
x_1 se canlu ja se ditcu x_2 .i x_2 ro mei lo na'e bancu be lo jimte be x_1
{canlu}; {ditcu}; {bancu}; {jimte}; {ranji}; {renvi}; {tcena}; {preja}

kusru
-kus-
x_1 to'e xendo x_2
{xendo} .i {palci}

lacpu
-lap-
-cpu-
x_1 danre x_2 lo ka muvdu fa'a x_1 .i x_1 to'e catke x_2
{danre}; {muvdu}; {fa'a}; {catke}

ladru
-lad-
x_1 blabi litki gi'e se cigla fi x_2 noi fetsi mabru ku'o gi'e cidja lo cifnu be x_2
{blabi}; {litki}; {cigla}; {fetsi}; {mabru}; {cidja}; {cifnu}

lakne
-la'e-
x_1 cumki x_2 .i je va'o x_2 lo du'u x_1 ja'a fasnu cu zmadu lo du'u x_1 na fasnu kei lo ni se kanpe gi'a simlu lo ka jetnu .i x_1 pi so'i cu'o x_2
{cumki}; {fasnu}; {zmadu}; {kanpe}; {simlu}; {jetnu}; {cu'o}

lakse
-lak-
x_1 sligu lo tabno gi'e ranti vau fi lo norgla gi'e runme lo kelvo be li ji'i 330 gi'e runta lo grasu gi'e se krasi x_2
.i sa'unai se cupra lo bifce .i ra'u te zbasu lo tergu'i peme'e zo {laktergu'i}

laldo [experimental]
x_1 clani lo ka ma kau temci lo nu ce'u jbena kei lo cabna .i x_1 to'e citno
{clani}; {temci}; {jbena}; {cabna}; {citno}

lalxu
-la'u-
x_1 canlu lo djacu gi'e se sruri x_2 noi tumla
{daplu} .i {djacu} .i {rirxe} .i {xamsi} .i {zbani}

lamji
-lam-
-la'i-
da de poi dubmau ja dubme'a da li pa zo'u ge x_1 da x_3 pormoi gi x_2 de x_3 pormoi
srana fa zo {pormoi} .e zo {lidne} .e zo {li'erla'i}

lanbi
x_1 jmive xumsle gi'e se gunma lo barda pagbu be lo jmive gi'e sarcu cidja lo danlu
{jmive}; {xumsle}; {gunma}; {barda}; {pagbu}; {sarcu}; {cidja}; {danlu}

lanka
x_1 vautci x_2 gi'e ba'o se jivbu fi x_3
{vautci}; {jivbu}

lanli
-lal-
x_1 zgana lo tcila be x_2 ta'i x_3
{zgana} .i {tcila}

lanme
-lan-
x_1 rapmarxa mabru x_2 noi jutsi la'o jutygunma Ovis jutygunma
{rapmarxa}; {mabru}; {jutsi}; {kanba}; {bakni}; {kumte}; {mirli}; {djirafa}

lante
x_1 tagji ganlo vautci x_2 gi'e marji x_3 gi'e na'o slanu

lanxe
-lax-
x_1 se danre x_2 noi prosi'u gi'e bapli no da
{danre}; {prosi'u}; {bapli}

lanzu
-laz-
x_1 gunma lo kansi'u be lo ka xabju je jmive be'o noi ke'a se menre x_2 je noi ke'a ckinysi'u x_3
srana fa zo {bende} .e zo {natmi} .e zo {cmima} .e zo {jutsi} .e zo {prenu} .e zo {mamta} .e zo {patfu} .e zo {rirni} .e zo {tunba} .e zo {klesi}

lasna
-la'a-
x_1 gasnu lo nu x_2 jorne x_3 kei se pi'o x_4
{gasnu}; {jorne}; {pilno}; {jongau}

lastu
x_1 jinme x_2 noi se ralju lo mixre be lo tunka jo'u lo zinki
{jinme}; {mixre}; {tunka}; {zinki}; {ransu}

latmo
-la'o-
x_1 ckini lo kulnu ja bangu ja cecmu ja natmi pe lo banlu'atu x_2
{kulnu}; {bangu}; {cecmu}; {natmi}; {banlu'atu}; {ropno}; {fraso}; {porto}; {spano}; {xispo}

latna
x_1 spati gi'e jutsi x_2 la'o jutsi Nelumbo jutsi gi'e jai sinxa x_3 boi x_4 noi se kulnu

lazni
x_1 se tcaci lo ka rivbi lo ka gunka ja tolsurla x_2
{tcaci}; {rivbi}; {gunka}; {tolsurla}; {surla}

lebna
-leb-
-le'a-
x_1 gasnu lo nu x_2 sisti lo nu x_2 zvati x_3 i x_1 gasnu lo nu ge x_1 co'a ponse x_2 gi x_3 co'u ponse x_2
{vimcu}, {cpacu}

lenga [experimental]
x_1 bangu gi'e ka'e se pilno x_2 noi prenu gi'e ckaji lo ka x_2 noi prenu ka'e tavla zu'ai fo ce'u

lenjo
-len-
-le'o-
x_1 klina x_2 noi mu'a gusni kei gi'e se sefta lo kruvi ja'e lo nu gasnu lo nu x_2 jmaji x_3 kei kei gi'e marji x_4
{klina}; {gusni}; {sefta}; {kruvi}; {gasnu}; {jmaji}; {marji}

lenku
-lek-
x_1 to'e glare
{glare}; {bisli}; {snime}; {dunja}; {dunra}

lerci
-lec-
x_1 cabna ja balvi lo fanmo be lo tcaci ja se kanpe temci .i x_1 to'e clira
{cabna}; {balvi}; {fanmo}; {tcaci}; {kanpe}; {temci}; {clira}

lerfu
-ler-
-le'u-
x_1 selci lo'e sinxa gi'e cmima x_2 gi'e sinxa x_3
{sinxa} {selci}; {abu}, {by}, {cy}, {dy}, {ebu}, {fy}, {gy}, {ibu}, {jy}, {ky}, {ly}, {my}, {ny}, {obu}, {py}, {ry}, {sy}, {ty}, {ubu}, {vy}, {xy}, {ybu}, {zy}, {y'y}; {ga'e}, {to'a}, {lo'a}, {ge'o}, {je'o}, {jo'o}, {ru'o}, {se'e}, {na'a}; {tau}, {zai}, {ce'a}, {lau}; {tei}, {foi}

libjo
-lib-
x_1 ckini lo kulnu ja bangu ja cecmu ja natmi pe lo gugdeluje x_2
{kulnu}; {bangu}; {cecmu}; {natmi}; {gugdeluje}; {friko}; {xrabo}

lidne
-li'e-
da de poi dubmau da zo'u ge x_1 pormoi da x_3 gi x_2 pormoi de x_3
srana fa zo {pormoi} .e zo {lamji} .e zo {li'erla'i}

lifri
-lif-
-fri-
x_1 pagbu je renvi x_2 noi fasnu
{pagbu} .i {renvi} .i {fasnu}

limna
-lim-
x_1 fulta x_2 gi'e sezu'e muvdu

lindi
-lid-
x_1 dikca bargu gi'e kuspe x_2 se bi'o x_3
{dikca}; {bargu}; {kuspe}

linji
-lij-
-li'i-
x_1 se cimde pa da gi'e se cmima x_2 noi mokca

lisri
-lis-
x_1 ve skicu x_2 noi porsi lo fasnu ku'o fo x_3 fi x_4
{skicu}; {porsi}; {fasnu}

liste
-ste-
x_1 vreji lo porsi be x_2 bei x_3 x_4
{vreji}; {porsi}

litki
-lik-
x_1 marji x_2 noi lo selci be ke'a cu zifre lo ka ce'u muvdu fo lo jbini be ce'u kei gi'e ku'i na sepsimyze'a .i x_1 na'e sligu je na'e gapci x_2
{marji}; {selci}; {zifre}; {muvdu}; {jbini}; {sepsimyze'a}; {sligu}; {gapci}

litru
-li'u-
x_1 pilno fe'e ca'o x_2 boi x_3 lo nu x_1 cenba lo ka ce'u zvati makau i x_1 klama zi'o zi'o x_2 boi x_3

livla
-lil-
x_1 sabji lo nejni x_2
{sabji}; {nejni}

logji
-loj-
x_1 javni lo du'u ma kau tadji lo nu pensi x_2
{pensi}; {tadji}; {javni}; {nibli}

loglo [experimental]
x_1 ckini lo kulnu ja bangu ja cecmu pe la .loglan. x2
{ckini}; {kulnu}; {bangu}; {cecmu}

lojbo
-lob-
-jbo-
x_1 ckini lo kulnu ja bangu ja cecmu pe la .lojban. x2
{ckini}; {kulnu}; {bangu}; {cecmu}

loldi
-lol-
-loi-
x_1 cnita je plita pagbu x_2 gi'e ka'e sarji ja se cpana .i x_1 to'e drudi x_2
{cnita}; {plita}; {pagbu}; {sarji}; {cpana}; {drudi}; {kumfa}; {bitmu}; {vorme}; {canko}

lorxu
-lor-
-lo'u-
x_1 re'ucti mabru x_2 noi jutsi la'o jutsi. Vulpes .jutsi
srana fa zo {gerku} .e zo {labno} .e zo {mabru} .e zo {re'ucti}

lubno
-lu'o-
x_1 ckini lo kulnu ja bangu ja cecmu ja natmi pe lo gugdelubu x_2
{kulnu}; {bangu}; {cecmu}; {natmi}; {gugdelubu}; {xazdo}; {semto}; {xrabo}

lujvo
-luv-
-jvo-
x_1 selbri za'upamei valsi x_2 gi'e se sumti x_3 gi'e se zbasu fi x_4 poi tanru
.i ko viska zo {stura} .e zo {cmavo} .e zo {gismu} .e zo {rafsi} .e zo {smuni} ji'a

lumci
-lum-
-lu'i-
x_1 gasnu lo nu x_2 jinsa x_3
{gasnu}; {jinsa}

lunbe
-lub-
x_1 dasni no da .i x_1 se gacri no da
srana fa zo {taxfu} .e zo {dasni} .e zo {bandu}

lunra
-lur-
x_1 mluni x_2 noi plini gi'e na'o terdi
{mluni}; {plini}; {terdi}; {solri}

lunsa
-lus-
x_1 noi gapci cu binxo lo litki
{gapci}; {litki}; {dunja}; {febvi}; {runme}

mabla
-mal-
x_1 xlali ja rigni ja fegli ja to'e pluka ja na'e mansa fi x_2 fe x_3 .i x_1 to'e zabna x_2 x_3
{xlali}; {rigni}; {fegli}; {pluka}; {mansa}; {zabna}

mabru
-mab-
x_1 bogda'u x_2 .i lo xadni be x_1 cu na'o se gacri lo kerfa .i x_1 ctigau lo cifnu lo ladru noi se cigla lo tatru
{bogda'u}; {danlu}; {tatru}; {cigla}; {ladru}

makcu
-ma'u-
x_1 mulno lo ka ba'o banro lo ckaji be x_2 gi'a farvi lo ka ckaji x_2

makfa
-maf-
x_1 zdile ja spaji ja se manci tcica x_2 gau x_3 .i x_1 noi na'e rarna cu se ganse ja se lifri x_2 gau x_3
{zdile}; {spaji}; {manci}; {tcica}; {rarna}; {ganse}; {lifri}; {gasnu}

mamta
-mam-
x_1 fetsi gi'e rirni x_2

manci
-mac-
x_1 cinmo lo ka sinma x_2 gi'e dusfri x_2 lo ka banli
{cinmo}; {sinma}; {dusfri}; {banli}; {u'e}

manfo
x_1 ckaji x_2 ije ro pagbu be x_1 cu dunli x_1 boi x_2 i x_1 to'e vrici x_2
{dunli}, {vrici}

manku
-man-
x_1 toltce ja claxu lo ka se gusni
{toltce}, {claxu}, {gusni}

manri
-mar-
x_1 ciste lo sidbo ja tcaci ja javni ja marde lo ka se pilno fi lo ka ganse ja pajni x_2
{ciste}; {sidbo}; {tcaci}; {javni}; {marde}; {pilno}; {ganse}; {pajni}; {greku}

mansa
x_1 mulno lo ka mapti lo se djica ja se denpa ja se nitcu ja se cpedu be x_2 bei x_3
{mulno}; {mapti}; {djica}; {denpa}; {nitcu}; {cpedu}

manti
x_1 xekri ja xunre ja bunre ja pelxu ke jiksi'u cinki x_2 noi jutsi la'o lanzu Formicidae lanzu
{jiksi'u}; {cinki}

mapti
-mat-
x_1 ckini x_2 x_3 ja'e lo drani ja mansa ja se djica
{ckini}; {drani}; {mansa}; {djica}; {sarxe}; {tugni}; {satci}; {tarmi}; {mintu}

marce
-ma'e-
x_1 tutci lo ka bevri x_2 fu x_3 gi'a te litru x_3 x_2 kei gi'e se muvgau x_4
{tutci}; {bevri}; {litru}; {muvgau}

marde
-mad-
x_1 manri lo du'u x_2 ma kau vrude .e lo du'u x_2 ma kau palci
{manri}; {vrude}; {palci}

marji
-maj-
-mai-
x_1 gunma x_2 noi dacti gi'e nai mucti .i x_1 sligu ja litki ja gapci x_2
{gunma}; {dacti}; {mucti}; {sligu}; {litki}; {gapci}

marna
x_1 spati x_2 noi jutsi la'o jutsi Cannabis sativa jutsi
{spati}; {jutsi}; {sigja}; {tanko}

marxa
-max-
x_1 gasnu lo nu x_2 binxo x_3 noi pesxu
{gasnu}; {binxo}; {pesxu}

masno
-sno-
lo nu x_1 mulbi'o x_2 cu se ditcu lo barda .i x_1 to'e sutra x_2
{mulbi'o}; {ditcu}; {barda}; {sutra}

masti
-ma'i-
x_1 se ditcu lo nu x_2 se rapli lo nu lo lunra cu mulno sruli'u lo terdi .i x_1 cu djedi li 30 pi'i x_2 gi'a jeftu li 4 pi'i x_2 gi'a nanca li x_2 fe'i 12
{ditcu}; {rapli}; {lunra}; {mulno}; {sruli'u}; {terdi}; {djedi}; {jeftu}; {nanca}

matli
x_1 marji ja cilta ja bukpu lo spati be la'o jutygunma Linum jutygunma
{spati}; {cilta}; {bukpu}

mavji
-mav-
x_1 gurni ja spati x_2 noi jutsi la'o jutsi Avena sativa jutsi
{gurni}; {spati}; {jutsi}

maxri
-xri-
x_1 gurni ja spati x_2 noi jutsi la'o jutygunma Triticum jutygunma
{gurni}; {spati}; {jutsi}; {nanba}

megdo
-meg-
x_1 klani li gei xa x_2
{klani}; {centi}; {decti}; {dekto}; {femti}; {gigdo}; {gocti}; {gotro}; {gradu}; {kilto}; {mikri}; {milti}; {nanvi}; {petso}; {picti}; {terto}; {xatsi}; {xecto}; {xexso}; {zepti}; {zetro}

mekso
-mek-
-me'o-
x_1 cmaci selsku gi'e jai se manri x_2 fai lo ka smuni ma kau
{cmaci}; {selsku}; {manri}; {smuni}

melbi
-mel-
-mle-
x_1 jai pluka x_2 fai x_3
{pluka}

meljo
-mej-
x_1 ckini lo kulnu ja bangu ja cecmu ja natmi pe lo gugdemuje x_2
{kulnu}; {bangu}; {cecmu}; {natmi}; {gugdemuje}; {baxso}; {polno}

menli
-men-
x_1 pagbu x_2 gi'e sanji ja pensi ja cinmo ja ganse ja jundi ja pajni ja jdice ja se xanri ja morji li'o
{pagbu}; {sanji}; {pensi}; {cinmo}; {ganse}; {jundi}; {pajni}; {jdice}; {xanri}; {morji}; {besna}

menre [experimental]
x_1 me x_2

mensi
-mes-
-me'i-
x_1 fetsi gi'e tunba x_2 boi x_3

mentu
-met-
-me'u-
x_1 klani x_2 lo ka lo xo kau boi fi'u xa no si'e be lo cacra cu ditcu ke'a
{klani}; {cacra}; {ditcu}; {snidu}

merko
-mer-
x_1 ckini lo kulnu ja bangu ja cecmu ja natmi pe lo gugde'usu x_2
{kulnu}; {bangu}; {cecmu}; {natmi}; {gugde'usu}; {bemro}; {glico}

merli
-mre-
x_1 pajni lo du'u x_2 klani x_3 boi x_4 fi'o se satci x_5
{pajni}, {klani}, {satci}

mexno
-mex-
x_1 ckini lo kulnu ja bangu ja cecmu ja natmi pe lo gugdemuxu x_2
{kulnu}; {bangu}; {cecmu}; {natmi}; {gugdemuxu}; {xispo}; {bemro}; {spano}

mifra
-mif-
x_1 boi x_2 sinxa ja krati gi'e zmadu lo ka jai nandu fai lo ka te jimpe .i x_3 tadji lo nu galfi ge x_1 boi x_2 gi x_2 boi x_1
{sinxa}; {krati}; {zmadu}; {nandu}; {jimpe}; {tadji}; {galfi}

mikce
-mic-
x_1 kurji x_2 te zu'e lo nu x_2 co'u bilma x_3 kei ta'i x_4
{kurji}; {bilma}; {kanro}; {spita}

mikri
-mik-
x_1 klani li gei ni'u xa x_2
{klani}; {centi}; {decti}; {dekto}; {femti}; {gigdo}; {gocti}; {gotro}; {gradu}; {kilto}; {megdo}; {milti}; {nanvi}; {petso}; {picti}; {terto}; {xatsi}; {xecto}; {xexso}; {zepti}; {zetro}

milti
-mil-
x_1 klani li gei ni'u ci x_2
{klani}; {centi}; {decti}; {dekto}; {femti}; {gigdo}; {gocti}; {gotro}; {gradu}; {kilto}; {megdo}; {mikri}; {nanvi}; {petso}; {picti}; {terto}; {xatsi}; {xecto}; {xexso}; {zepti}; {zetro}

milxe
-mli-
x_1 ge nai mutce x_2 gi nai mutce lo dukti be x_2

minde
-mid-
-mi'e-
x_1 jungau x_2 lo du'u x_2 bilga x_3 ca'i x_1
{jungau}; {bilga}; {catni}; {lacri}; {tinbe}; {jitro}; {gidva}; {jatna}; {turni}

minji
-mi'i-
x_1 cabra x_2 gi'e gunma lo ki'irsi'u pagbu poi ro ke'a cu tutci lo steci
{cabra}; {gunma}; {ki'irsi'u}; {pagbu}; {tutci}; {steci}

minli
x_1 noi na'o clani tersei cu klani x_2 lo ni clani kei ma'i x_3
{clani}; {tersei}; {klani}; {ma'i}; {gutci}; {mitre}

minra
-mir-
x_1 noi na'o sefta cu te benji x_2 gi'e xrube'i x_2 boi x_3 noi ganse x_4
{benji} .i {xrube'i} .i {ganse} .i {sefta}

mintu
-mit-
-mi'u-
x_1 dunli x_2 lo ka ce'u du makau ma'i x_3 i x_1 to'e drata x_2 boi x_3 i x_1 joi x_2 simxu lo ka ce'u ce'u basti x_3
{dunli}, {drata}

mipri
-mip-
x_1 fanta lo nu x_2 se djuno ja se sanji x_3 kei ta'i x_4 .i x_1 to'e jarco x_2 x_3 ta'i x_4
{fanta}; {djuno}; {sanji}; {jarco}

mirli
x_1 rapmarxa mabru x_2 noi jutsi la'o lanzu Cervidae lanzu
{rapmarxa}; {mabru}; {jutsi}; {lanme}; {kanba}; {bakni}; {kumte}; {djirafa}

misro
x_1 ckini lo kulnu ja bangu ja cecmu ja natmi pe lo bangaruzu ja gugde'egu x_2
{kulnu}; {bangu}; {cecmu}; {natmi}; {bangaruzu}; {gugde'egu}; {xrabo}; {friko}

mitre
-tre-
x_1 klani x_2 lo sornai rauci'e ni clani
{klani}; {sornai}; {rauci'e}; {clani}; {minli}; {gutci}

mlana
-mla-
x_1 bartu ja jimte sefta x_2 gi'e se farna x_3
{bartu}; {jimte}; {sefta}; {farna}

mlatu
-lat-
x_1 tolcilce ke re'ucti mabru x_2 noi jutsi la'o jutsi Felis domestica jutsi .i x_1 re'ucti mabru x_2 noi jutsi la'o lanzu Felidae lanzu
{tolcilce}; {re'ucti}; {mabru}; {cinfo}; {tirxu}

mleca
-mec-
-me'a-
lo se me'au x_3 be x_1 lo se me'au x_3 be x_2 cu dubme'a gi'e se sumji x_4
srana fa zo {dubme'a} .e zo {zmadu} .e zo {dunli} .e zo {frica}

mledi
-led-
x_1 pavyselsle spati x_2 gi'e se fusra je parji x_3
{pavyselsle}; {spati}; {fusra}; {parji}

mluni
-lun-
x_1 litru lo sruri be x_2 lo nu x_2 lacpu x_1
{litru}; {sruri}; {lacpu}; {lunra}

mokca
-moc-
x_1 se cimde no da gi'e pagbu ja cmima x_2 noi se cimde su'o da
{cimde}; {pagbu}; {cmima}; {jipno}; {jganu}; {linji}

molki
-mlo-
x_1 dinju jo'u cabra x_2 noi pruce
{dinju}; {cabra}; {pruce}

morji
-moj-
-mo'i-
x_1 pensi ja sanji x_2 noi datni x_3 lo nu cpacu lo menli sorcu
{pensi}; {sanji}; {datni}; {cpacu}; {menli}; {sorcu}

morko
-mor-
x_1 ckini lo kulnu ja bangu ja cecmu ja natmi pe lo gugdemu'a x_2
{kulnu}; {bangu}; {cecmu}; {natmi}; {gugdemu'a}; {friko}; {xrabo}

morna
-mon-
-mo'a-
x_1 stura x_2 noi tarmi
{stura}; {tarmi}

morsi
-mro-
x_1 ba'o jmive
srana fa zo {jmive}

mraji
x_1 gurni ja spati x_2 noi jutsi la'o jutsi Secale cereale jutsi
{gurni}; {spati}; {jutsi}

mrilu
-mri-
x_1 benji x_2 noi dacti ku'o x_3 x_4 x_5 noi bevri x_2 x_3 x_4
{benji}; {dacti}; {bevri}

mucti
-mut-
x_1 claxu lo ka ce'u marji .i x_1 to'e dacti
{claxu}; {marji}; {dacti}

mukti
-muk-
-mu'i-
lo nu x_1 se sanji x_3 cu te frati x_2 x_3 gi'a se jalge lo nu x_3 djica lo ka zukte x_2
{sanji}; {frati}; {zukte}; {xlura}; {rinka}; {jalge}; {krinu}; {djica}

mulno
-mul-
-mu'o-
x_1 jai claxu no pagbu fai x_2
{claxu}; {pagbu}; {fanmo}; {culno}; {prane}; {xadba}; {munje}

munje
-muj-
-mu'e-
x_1 gunma lo ro mei be lo srana be x_2
{gunma}; {srana}; {kuspe}

mupli
-mup-
x_1 noi cmima x_3 cu jarco x_2 noi kampu x_3
{mu'u}; {mu'a}

murse
x_1 selguskandi pagbu x_2 noi djedi ku'o gi'e jbini lo donri jo'u lo nicte gi'e ga purci lo solnuntolcanci gi balvi lo solnuncanci vau gi'e se stuzi x_3
{selguskandi}; {pagbu}; {djedi}; {jbini}; {donri}; {nicte}; {purci}; {solnuntolcanci}; {balvi}; {solnuncanci}; {stuzi}; {cerni}; {vanci}

murta
-mur-
-mu'a-
x_1 dandu gi'e gacri x_2 gi'e bukpu x_3
{dandu}; {gacri}; {bukpu}

mutce
-tce-
x_1 klani lo barda be fi x_3 be'o x_2
{toltce}, {milxe}; {so'i}

muvdu
-muv-
-mu'u-
x_1 cenba lo ka ce'u zvati makau kei fe'e co'u x_2 fe'e co'a x_3 fe'e ca'o x_4

nabmi
-nam-
x_1 zunti lo nu x_2 zukte x_3 .i lo nu x_2 tolcri lo danfu be x_1 cu sarcu x_3 .i x_1 to'e sidju x_2 x_3
{zunti}; {zukte}; {tolcri}; {danfu}; {sarcu}; {sidju}

nalci
-na'i-
x_1 xadypau x_2 gi'e tutci lo ka ce'u slilu lo ka muvdu lo gapru kei jo'u lo ka muvdu lo cnita kei ja'e lo nu x_2 vofli
srana fa zo {cipni} .e zo {rebla} .e zo {jimca} .e zo {pimlu} .e zo {vofli}

nalfi [experimental]
x_1 lo me'au x_2 be x_1 cu dunli x_3

namcu
-nac-
-na'u-
x_1 te kancu ja se klani
{kanju}, {klani}; {pa}, {re}, {ci}, {vo}, {mu}, {xa}, {se}, {bi}, {so}, {no}; {dau}, {fei}, {gai}, {jau}, {rei}, {vai}; {ro}, {so'a}, {so'e}, {so'i}, {so'o}, {so'u}; {su'o}, {su'e}, {za'u}, {me'i}, {da'a}; {rau}, {du'e}, {mo'a}, {no'o}; {ci'i}, {pai}, {te'o}; {ji'i}, {ma'u}, {ni'u}, {ce'i}; {ki'o}, {ka'o}, {fi'u}, {pi}, {ra'e}, {pi'e}; {tu'o}, {xo}

nanba
-nab-
x_1 cidja gi'e se jukpa fi lo nu glari'a lo pesxu be lo grupu'o be x_2 be'o jo'u lo ladru ja djacu jo'u to su'o roi ku toi lo fomymledi
{cidja}; {pesxu}; {grupu'o}; {fomymledi}

nanca
-na'a-
x_1 se ditcu lo nu mo'e x_2 mulno sruli'u lo se plini fa lo plini no'u x_3 .i x_1 djedi li 365.25 pi'i x_2 la terdi
srana fa zo {cabna'a} .e zo {bavlamna'a} .e zo {prulamna'a} .e zo {detri} .e zo {djedi} .e zo {jeftu} .e zo {masti}

nandu
-nad-
lo nu x_1 se snada x_2 cu se sarcu lo nu x_2 mutce lo ka troci ja gunka ja ta'irbi'o ja nenxaksu .i x_1 to'e frili x_2
{snada}; {sarcu}; {mutce}; {troci}; {gunka}; {ta'irbi'o}; {nenxaksu}; {frili}; {pluja}

nanla
x_1 citno gi'e nakni gi'e prenu
srana fa zo {citno} .e zo {ninmu} .e zo {prenu} .e zo {remna} .e zo {nixli} .e zo {verba} .e zo {makcu}

nanmu
-nau-
x_1 remna gi'e nakni
srana fa zo {ninmu} .e zo {remna}

nanvi
-nav-
x_1 klani li gei ni'u so x_2
{klani}; {centi}; {decti}; {dekto}; {femti}; {gigdo}; {gocti}; {gotro}; {gradu}; {kilto}; {megdo}; {mikri}; {milti}; {petso}; {picti}; {terto}; {xatsi}; {xecto}; {xexso}; {zepti}; {zetro}

narge
-nag-
x_1 grute x_2 gi'e se calku lo jdari
{grute}; {jdari}; {calku}

narju
-naj-
x_1 skari lo najnimre .a lo gusni poi jbini lo xunre jo'u lo pelxu lo ka boxna clani
{skari}; {najnimre}; {xunre}; {pelxu}

natfe
-naf-
-na'e-
x_1 du'u na ku x_2 jetnu
{du'u}; {na}; {jetnu}; {jitfa}; {kanxe}; {vlina}

natmi
-nat-
-nai-
x_1 barda cecmu x_2 noi sanji lo ka se gunma x_1 kei gi'e na'o se tutra da gi'e ga truse'i gi djica lo ka truse'i
{barda}; {cecmu}; {gunma}; {tutra}; {truse'i}

navni
x_1 se gunma lo pabimoi be lo klesi be lo dikni cartu be lo'i ratni gi'e me x_2 noi ratni li re .a pano .a pabi .a cixa .a muvo .a bixa
lo ratni be li papabi ji'a cu se gunma lo pabimoi be lo klesi be lo dikni cartu be lo'i {ratni} gi'e ku'i na navni to ko karbi zu'i zo {xukmi} .e zo {gapci} .e zo {tolfragapci} .e zo {solnavni} .e zo {ninynavni} .e zo {laznynavni} .e zo {mipnavni} .e zo {fangynavni} .e zo {dircynavni}. toi

naxle
-nax-
-xle-
x_1 clani skuro ja tubnu vorme x_2 x_3 gi'e kuspe x_4 .i x_1 na'o se pagre lo flecu be mu'a lo djacu bei x_2 bei x_3
{clani}; {skuro}; {tubnu}; {vorme}; {kuspe}; {pagre}; {flecu}; {djacu}

nazbi
-naz-
-zbi-
x_1 pagbu lo flira be x_2 gi'e vasru lo rango be x_2 bei lo ka sumne kei gi'e se pagre lo vacri ca lo nu vasxu .i lo nazbi be lo remna cu bongu punli lo midju be lo flira gi'e selfu fi ji'a lo nu stika ja jitro lo voksa
{pagbu}; {flira}; {vasru}; {rango}; {sumne}; {pagre}; {vacri}; {vasxu}; {remna}; {bongu}; {punli}; {midju}; {selfu}; {stika}; {jitro}; {voksa}

nejni
-nen-
x_1 ni x_2 kakne ja vlipa lo ka zukte ja gunka ja bapli ja tolcando
{kakne}; {vlipa}; {zukte}; {gunka}; {bapli}; {tolcando}; {livla}

nelci
-nel-
-nei-
x_1 se pluka ja se melbi ja se kukte x_2
{pluka} .i {melbi} .i {kukte}

nenri
-ner-
-ne'i-
ro pagbu be x_1 cu zvati x_2
selsmudukti zo {bartu} gi'e se srana zo {vasru} .e zo {pagbu} .e zo {zvati}

nibli
-nib-
-ni'i-
x_3 logji le du'u x_2 sarcu x_1 zi'o
{ni'i}; {sarcu}

nicte
-cte-
x_1 manku pagbu x_2 noi djedi ku'o gi'e temci lo solnuncanci lo solnuntolcanci gi'e se stuzi x_3 .i x_1 to'e donri x_2 x_3
{manku}; {pagbu}; {djedi}; {temci}; {solnuncanci}; {solnuntolcanci}; {stuzi}; {donri}

nilce
-ni'e-
x_1 dacti gi'e ka'e se muvgau gi'e vitno se vasru x_2 gi'e se pilno fi x_3
{dacti}; {muvgau}; {vasru}; {pilno}

nimre
x_1 tricu ja grute x_2 noi jutsi la'o jutygunma Citrus jutygunma
{tricu}; {grute}; {jutsi}

ninmu
-nim-
-ni'u-
x_1 remna gi'e fetsi
srana fa zo {fetsi} .e zo {remna}

nirna
-nir-
x_1 bakfu lo cinla cilta noi pagbu lo ciste be fi lo ka simbe'i lo bapli be lo nu ganse ja muvdu kei lo besna ja ke bogykamju skori jo'u lo drata pagbu be lo xadni be x_2
{bakfu}; {cinla}; {cilta}; {pagbu}; {ciste}; {simbe'i}; {bapli}; {ganse}; {muvdu}; {besna}; {bogykamju}; {skori}; {xadni}

nitcu
-tcu-
lo nu x_1 tolcau x_2 cu sarcu lo nu x_1 zukte ja lifri ja ckaji x_3
{tolcau}; {sarcu}; {zukte}; {lifri}; {ckaji}

nivji
-niv-
x_1 zbasu x_2 x_3 noi skori ja cilta ku'o ta'i lo nu x_1 gasnu lo nu x_3 se jgena je se morna
{zbasu}; {skori}; {cilta}; {gasnu}; {jgena}; {morna}: {jivbu}

nixli
-nix-
-xli-
x_1 citno gi'e fetsi gi'e prenu
srana fa zo {citno} .e zo {ninmu} .e zo {prenu} .e zo {remna} .e zo {nanla} .e zo {verba} .e zo {makcu}

nonka [experimental]
x_1 na'e se kansa da x_2
ti gismu gi'e smudu'i zo {nonseka} .i ra'oi nok tolcatni rafsi ti

notci
-not-
-noi-
x_1 srana x_2 gi'e se cusku x_3 te zu'e lo nu x_4 cpacu ja tcidu x_1
{srana}; {cusku}; {cpacu}; {tcidu}; {xatra}; {pinka}; {mrilu}; {nuzba}

nukni
-nuk-
x_1 skari lo mixre be lo zirpu jo'u lo xunre
{skari}, {mixre}, {zirpu}, {xunre}

nurma
-num-
x_1 na'e tcadu tumla x_2
{tcadu}; {tumla}

nutli
-nul-
-nu'i-
x_1 midju lo prosi'u ja dutsi'u be x_2 .i x_1 no'e ckaji x_2
{midju}; {prosi'u}; {dutsi'u}; {no'e}; {ckaji}

nuzba
-nuz-
x_1 datni x_2 fi x_3 gi'e cnino x_2 lo ka jetnu
srana fa zo {cnino} .e zo {datni}

nuzlo [experimental]
x_1 ckini lo kulnu ja bangu ja cecmu ja natmi pe lo gugdenuzu x_2
{kulnu}; {bangu}; {cecmu}; {natmi}; {gugdenuzu}; {polno}; {glico}

pacna
-pa'a-
x_1 djica x_2 gi'e sruma ja jinvi lo du'u lo nu x_2 ba fasnu cu cumki gi'e la'erlai x_3
srana fa zo {kanpe} .e zo {djica} .e zo {sruma} .e zo {lakne}

pagbu
-pag-
-pau-
x_1 menre lo se gunma be x_2
{menre}; {gunma}; {spisa}; {panlo}; {xadba}; {mulno}

pagre
-gre-
x_1 muvdu fo x_2 noi vorme ja tersei ja zunti fe x_3 fi x_4
{muvdu}; {vorme}; {tersei}; {zunti}

pajni
-pai-
x_1 pensi x_2 te zu'e lo nu jdice da x_2
{pensi}; {jdice}; {cuxna}; {manri}; {mansa}

palci
-pac-
x_1 mabla x_2 ma'i lo marde .i x_1 to'e vrude x_2
{mabla}; {marde}; {vrude}

palku
-pak-
x_1 taxfu lo plibu jo'u lo zargu jo'u lo tuple gi'e marji x_2 .i lo tuple pagbu cu sepsi'u
{taxfu}; {plibu}; {zargu}; {tuple}; {marji}; {pagbu}; {sepsi'u}; {skaci}

palne
x_1 plita vautci x_2 gi'e marji x_3
{plita}; {vautci}; {marji}

palta
x_1 pitmli vautci x_2 noi na'o cidja ku'o gi'e marji x_3
{pitmli}; {vautci}; {cidja}; {marji}

pambe
x_1 tutci lo ka setca x_2 x_3 gi'e cokcu x_2 x_4
{tutci}; {setca}; {cokcu}

panci
-pan-
x_1 se krasi x_2 gi'e se sumne x_3
{sumne}; {jvinu}; {sance}; {vrusi}; {tengu}

pandi
-pad-
x_1 pilno x_3 lo ka gasnu lo nu x_2 ckaji x_4
{pilno}; {gasnu}; {ckaji}

panje
x_1 ranti je ke'acfu marji x_2
{ranti}; {ke'acfu}; {marji}

panra
x_1 dunli x_2 x_3 noi menre lo ralju be lo se ckaji be x_1 jo'u x_2
{dunli}; {mintu}; {simsa}; {frica} (to lo panrysi'u cu dunsi'u su'o da gi'e ficysi'u su'o de .i ku'i vajrai fa lo nu lo ralju se ckaji cu te dunli .i lo te frica cu vipsi .i lo nu lo te frica cu ralju cu se mapti lo nu pilno zo {tolpanra} toi)

pante
-pat-
x_1 jungau x_3 lo du'u x_1 na'e zanru ja na'e se mansa ja se fanza x_2 kei ta'i x_4
srana fa zo {mansa} .e zo {zanru} .e zo {fanza} .e zo {xarnu} .e zo {jungau} .e zo {xusra}

panzi
-paz-
x_1 ba'o se rorci x_2
{rorci}; {bersa}; {tixnu}; {verba}

papri
x_1 sefta gi'e ka'e vasru lo vlapoi jo'u lo pixra jo'u lo prina gi'e menre lo se gunma be x_2 noi mu'a cukta
{sefta}; {vasru}; {vlapoi}; {pixra}; {prina}; {menre}; {gunma}; {cukta}; {ciska}; {tcidu}; {karni}; {xatra}; {vreji}; {pelji}; {boxfo}

parbi
-pab-
x_1 namcu barda te ckini x_2 boi x_3 .i x_1 nu'a pa'i x_2 boi x_3
{namcu} {barda} {ckini}; {pa'i}

parji [experimental]
x_1 xabju x_2 noi jmive ku'o gi'e cpacu lo cidja lo xadni be x_2
{xabju}; {jmive}; {cpacu}; {cidja}; {xadni}

patfu
-paf-
-pa'u-
x_1 nakni gi'e rirni x_2

patxu
-pax-
x_1 condi vautci x_2 gi'e marji x_3

pelji
-ple-
x_1 se boxfo lo cinla je mudri gi'e ka'e te ciska gi'e se zbasu fi x_2

pelxu
-pel-
x_1 skari lo'e makcu pelnimre .a lo'e solxrula .a lo'e gusni poi jbini lo'e crino ku joi lo'e narju le ka boxna clani
{skari}; {pelnimre}; {solxrula}; {crino}; {narju}

pemci
-pem-
x_1 larcu te bangu gi'e na'o tolcau lo rilti ja rimni gi'e srana x_2 gi'e se finti x_3 lo nu x_4 tirna ja tcidu .i x_1 na'e prosa x_2 x_3 x_4
{larcu}; {bangu}; {tolcau}; {rilti}; {rimni}; {srana}; {finti}; {tirna}; {tcidu}; {prosa}; {sanga}

pencu
-pec-
-pe'u-
x_1 gasnu lo nu x_3 noi pagbu x_1 cu lamji x_4 noi pagbu x_2

pendo
-ped-
-pe'o-
x_1 cinmo lo ka nelci ja prami ja sinma x_2 kei gi'e tarti lo ka xendo x_2 kei gi'e djica lo xamgu be x_2 .i x_1 to'e bradi x_2
{cinmo}; {nelci}; {prami}; {sinma}; {tarti}; {xendo}; {djica}; {xamgu}; {bradi}

penmi
-pen-
-pe'i-
x_1 jo'u x_2 jmaji x_3
{jmaji} .i {pensi'u}

pensi
-pes-
-pei-
x_1 ralte lo ka lo menli be ce'u cu jundi x_2
{ralte}; {menli}; {jundi}; {morji}; {sidbo}; {jinvi}

pesxu
-pex-
x1 ranti je xutla je randa sligu x_2
{ranti} .i {xutla} .i {randa} .i {sligu} .i {marji}

petso
-pet-
x_1 klani li gei pa mu x_2
{klani}; {centi}; {decti}; {dekto}; {femti}; {gigdo}; {gocti}; {gotro}; {gradu}; {kilto}; {megdo}; {mikri}; {milti}; {nanvi}; {picti}; {terto}; {xatsi}; {xecto}; {xexso}; {zepti}; {zetro}

picti
-pic-
x_1 klani li gei ni'u pa re x_2
{klani}; {centi}; {decti}; {dekto}; {femti}; {gigdo}; {gocti}; {gotro};{gradu}; {kilto}; {megdo}; {mikri}; {milti}; {nanvi}; {petso}; {terto}; {xatsi}; {xecto}; {xexso}; {zepti}; {zetro}

pijne
x_1 tutci lo ka ve lasna ja kevgau fi x_2 gi'e jesni x_3
{tutci}; {lasna}; {kevgau}; {jesni}

pikta
x_1 sinxa lo du'u x_2 zifre x_3
{sinxa}; {zifre}; {jaspu}

pilji
-pi'i-
x_1 jalge le nu le nu jmina x_2 cu rapli x_3 .i x_1 nu'a pi'i x_2 boi x_3
{jmina} {rapli}; {pi'i}

pilka
-pil-
-pi'a-
x_1 rango x_2 lo nu x_1 gacri x_2
{rango}, {gacri}, {skapi}, {calku}

pilno
-pli-
x_1 zukte lo ka gasnu lo nu x_2 tutci x_3 kei kei x_3
{zukte}; {gasnu}; {tutci}; {sazri}; {jitro}; {selfu}

pinca
x_1 festi litki gi'e ta'e kandi pelxu gi'e se vikmi lo xadni be x_2 fau lo nu x_1 pagre lo pincytu'u
srana fa zo {vikmi} .e zo {xasne} .e zo {kalci} .e zo {festi} .e zo {pincytu'u}

pindi
-pid-
x_1 toltce lo ka tolcau ja ponse x_2 .i x_1 to'e ricfu x_2
{toltce}; {tolcau}; {ponse}; {ricfu}

pinfu
-pif-
x_1 rinju gau x_2 boi x_3
{rinju}

pinji
x_1 rango x_2 lo ka va'o lo nu x_2 nakni cu rorci gi'e vikmi lo pinca va'o lo nu x_2 mabru
{rango}; {nakni}; {rorci}; {vikmi}; {pinca}; {mabru}; {cinse}; {gletu}; {vibna}; {vlagi}; {ganti}

pinka
-pik-
x_1 srana x_2 gi'e se cusku x_3 x_4
{srana}; {cusku}; {notci}

pinsi
-pis-
x_1 tutci lo ka ve ciska gi'e punji x_2 noi ba'apra marji kei gi'e marji x_3
{tutci}; {ciska}; {punji}; {ba'apra}; {marji}

pinta
-pin-
x_1 se vasru lo plita poi panra x_2 noi na'o mu'a sefta lo terdi
{vasru}; {plita}; {panra}; {sefta}; {terdi}; {sraji}

pinxe
-pix-
x_1 setca x_2 noi litki ku'o lo moklu be x_1 gi'e tunlo x_2
{setca}; {litki}; {moklu}; {tunlo}; {citka}; {taske}

pixra
-pir-
-xra-
x_1 krati x_2 lo ka se jvinu kei gi'e se finti x_3 gi'e marji x_4
{krati}; {jvinu}; {finti}; {marji}; {skina}; {prina}; {ciska}; {larcu}

plana
x_1 ganra je rotsu .i x_1 ricfu lo rectu ja grasu
{ganra}; {rotsu}; {ricfu}; {rectu}; {grasu}

platu
-pla-
x_1 pensi lo nu ta'i ma kau x_2 ba se zukte ja se ckaji x_3
{pensi}; {zukte}; {ckaji}

pleji
-lej-
-le'i-
x_1 canja x_2 noi jdini ku'o fo x_3 fi x_4

plini
x_1 barda se kensa gi'e mluni x_2 noi tarci
{barda}; {kensa}; {mluni}; {tarci}

plipe
-pip-
-pi'e-
x_1 klama x_2 boi x_3 lo galtu be la'u x_4 bei fe lo te catke be lo loldi bei vo'a x_5
{klama} .i {bajra} .i {stapa} .i {cpare} .i {lafti}

plise
x_1 cidja grute x_2 noi jutsi la'o jutsi Malus pumila jutsi
{cidja}; {grute}; {jutsi}

plita
-pit-
x_1 se cimde re da gi'e se cmima x_2 noi mokca

plixa
-lix-
x_1 gasnu lo nu x_2 se sraku x_3 .i x_1 pilno x_3 lo ka gasnu lo nu x_2 noi na'o dertu cu kluza gi'e se skuro gi'e bredi lo ka te sombo
{gasnu}; {sraku}; {pilno}; {dertu}; {kluza}; {skuro}; {bredi}; {sombo}; {kakpa}

pluja
-luj-
x_1 jai nandu fai x_2 .i x_1 tilcfu vrici x_2 .i x_1 to'e sampu x_2
{nandu}; {tilcfu}; {vrici}; {sampu}

pluka
-puk-
-pu'a-
x_1 se nelci ja melbi ja kukte ja se zanfri x_2 .i x_1 to'e rigni x_2
{nelci}; {melbi}; {kukte}; {zanfri}; {rigni}

polje
-plo-
x_1 gasnu lo nu x_2 se cinje x_3
{gasnu}; {cinje}

ponjo
-pon-
-po'o-
x_1 ckini lo kulnu ja bangu ja cecmu ja natmi pe lo banjupunu ja gugdejupu x_2
{kulnu}; {bangu}; {cecmu}; {natmi}; {banjupunu}; {gugdejupu}; {xazdo}

ponse
-pos-
-po'e-
x_1 se steci lo ka ce'u se krali lo ka ce'u jitro ja turni x_2 gi'a jdice lo du'u x_1 pilno x_2 ma kau kei kei x_3 .i lo ka lebna ja cnegau ja daspo x_2 fau lo nu x_1 na .e'ande cu zekri
srana fa zo {krali} .e zo {ralte} .e zo {steci} .e zo {srana} .e zo {tutra} .e zo {turni} .e zo {zivle}

porpi
-pop-
-po'i-
lo pagbu be x_1 ku no'u x_2 co'u simxu lo ka jorne

porsi
-por-
-poi-
x_1 gunma x_2 noi ro ke'a lidne ja se lidne su'o ke'a x_3
{gunma}; {lidne}; .i bu'u lo catni velski x2 jo'u x3 cu fatne .i ku'i ta'e ku ge lo gunma cu lamji lidne lo se gunma gi lo ckaji cu lamji lidne lo se ckaji .i se ki'u bo lo dei te porsi cu zmadu fi lo ka sarxe

porto
-pot-
x_1 ckini lo kulnu ja bangu ja cecmu ja natmi pe lo banpu'oru ja gugdeputu x_2
{kulnu}; {bangu}; {cecmu}; {natmi}; {banpu'oru}; {gugdeputu}; {ropno}; {brazo}

prali
-pal-
x_1 xamgu x_2 gi'e jalge x_3
{xamgu}; {jalge}

prami
-pam-
-pa'i-
x_1 cada nelci x_2 gi'e cinmo loka ce'u bilga lonu x_1 stodi loka ce'u sarji x_2 so'e de poi te raktu x_2
srana fa zo {cinmo} .e zo {xebni} .e zo {nelci} .e zo {djica} .e zo {sinma} .e zo {pluka} .e zo {kurji} .e zo {pendo} .e zo {speni}

prane
-pa'e-
x_1 jai claxu fai x_2 lo ka se cfila ma kau .i x_1 satci lo ka mapti lo ckaji be x_2
{claxu}; {cfila}; {satci}; {mapti}; {ckaji}

preja
-pej-
-pe'a-
x_1 zenba lo ka ce'u kuspe kei co'u lo ka ce'u kuspe x_2 kei co'a lo ka ce'u kuspe x_3
{kuspe} .i {zenba} .i {tolpe'a}

prenu
-pre-
x_1 remna gi'a sajyse'i gi'a ka'e pensi gi'a ka'e jikca
{remna}; {sajyse'i}; {pensi}; {jikca}

preti
-ret-
-rei-
x_1 vlapoi gi'e se cusku x_3 fi x_4 tezu'e lo nu ri x_1 da jungau ku gi'e selsmu lo srana be x_2 je nibli be lo du'u x_3 brireisku da x_4
srana fa zo {reisku} .e zo {brireisku}

prije
-pij-
x_1 zabna x_2 noi ka drani lo ka pajni lo du'u ma kau jetnu ja drani .i x_1 zukte ja tarti x_2 noi racli .i x_1 to'e bebna x_2
{zabna}; {drani}; {pajni}; {jetnu}; {zukte}; {tarti}; {racli}; {bebna}; {mencre}

pritu
x_1 zvati lo mlana be x_2 be'o poi se farna lo stuna va'o lo nu x_2 se farna lo berti .i x_1 to'e zunle x_2
{zvati}; {mlana}; {farna}; {stuna}; {berti}; {zunle}

proji [experimental]
x_1 finti x_2 .ije x_2 cu te bangu fi x_3 .ije x_2 cu sazri x_4 x_5

prosa
-ros-
-ro'a-
x_1 fadni lo ka te bangu kei se cau lo stura be lo rilti ja rimni gi'e srana x_2 gi'e se finti x_3 lo nu x_4 tirna ja tcidu .i x_1 na'e pemci x_2 x_3 x_4
{fadni}; {bangu}; {stura}; {rilti}; {rimni}; {finti}; {srana}; {finti}; {tirna}; {tcidu}; {pemci}; {cfika}; {lisri}; {cukta}

pruce
-ruc-
-ru'e-
x_1 fasnu gi'e se krasi x_2 gi'e se fanmo ja se jalge x_3 gi'e se midju x_4
{fasnu}; {krasi}; {fanmo}; {jalge}; {midju}; {farvi}

pulce
-puc-
-pu'e-
x_1 purmo gi'e se krasi x_2 gi'e cpana ja se vasru x_3
{purmo}; {krasi}; {cpana}; {vasru}

pulni
x_1 tutci x_2 noi benji ja farstika lo nu danre kei gi'e xislu gi'e se korbi lo se skuro noi bevri lo skori ku'o gi'e se jendu x_3
{tutci}; {benji}; {farstika}; {danre}; {xislu}; {korbi}; {skuro}; {bevri}; {skori}; {jendu}

punji
-puj-
-pu'i-
x_1 gasnu lo nu x_2 zvati ja cpana x_3

purci
-pur-
-pru-
x_1 lidne x_2 lo'e temci porsi .i x_1 se balvi x_2
{lidne}; {balvi}; {cabna}

purdi
-pud-
x_1 se kurji tumla gi'e se ponse x_2 gi'e cupra x_3 noi spati
{kurji}; {tumla}; {ponse}; {cupra}; {spati}

purmo
-pum-
-pu'o-
x_1 sligu marji x_2 gi'e kluza gunma lo cmalu kantu noi mu'a ba'o te zalvi
{sligu}; {marji}; {kluza}; {gunma}; {cmalu}; {kantu}; {zalvi}

puvza [experimental]
x_1 fasnu pu za x_2 .i x_1 fasnu ki x_3 pu za x_2
zo {pu} zo {za} zo {prujbi} zo {pruda'o} zo {bavza}

racli
x_1 sarxe lo se zanru be lo kanro menli kei x_2 .i lo nu x_1 ckaji ja zukte x_2 cu zabna lo ka se krinu ma kau
{sarxe}; {zanru}; {kanro}; {menli}; {ckaji}; {zukte}; {zabna}; {krinu}

ractu
x_1 spacti gi'e mabru x_2 noi jutsi la'o xy. Lagomorpha .xy
srana fa zo {mabru}

rafsi
-raf-
x_1 krati x_2 noi valsi ku'o lo ka pagbu lo lujvo
{krati}; {valsi}; {pagbu}; {lujvo}

ragve
-rav-
x_1 dukti x_3 le ka ce'u po'u makau mlana x_2 .i x_1 bancu x_2 boi x_3 le ka ce'u zvati makau
{bancu}; {dukti}; {tolragve}

rakso
x_1 ckini lo kulnu ja bangu ja cecmu ja natmi pe lo gugde'ike x_2
{kulnu}; {bangu}; {cecmu}; {natmi}; {gugde'ike}; {xazdo}; {semto}; {xrabo}

ralju
-ral-
x_1 traji fi x_2 fe lo ka vajni fi x_3
{traji}; {vajni}

ralte
-ra'e-
x_1 gasnu ja curmi lo nu x_2 stali lo ka ce'u me x_1 moi
{gasnu}; {curmi}; {stali}; {moi}

randa
-rad-
x_1 na'e fanta lo nu x_2 bapli tu'a x_1 .i x_1 na'e renvi x_2 .i x_1 co'u fapro x_2
{fanta}; {bapli}; {renvi}; {fapro}; {ranti}; {jdari}

ranmi
-ram-
x_1 lisri x_2 lo dzena be lo se kulnu be x_3
{lisri}; {dzena}; {kulnu}

ransu
x_1 jinme x_2 noi mixre lo tunka jo'u lo drata jinme noi mu'a lo tinci
{jinme}; {mixre}; {tunka}; {drata}; {tinci}; {lastu}

ranti
-ran-
x_1 kakne lo ka randa x_2 .i x_1 jai frili x_2 fai lo ka ce'u randa ce'u .i x_1 to'e jdari x_2
{kakne}; {randa}; {frili}; {jdari}

rapli
-rap-
x_2 kaidza lo ka ce'u nundumu x_1 gi'e fasnu
srana fa zo {krefu}

rarna
-rar-
lo nu x_1 zasti cu fasnu gi'e na se gasnu lo prenu .i va'i x_1 to'e rutni zi'o
{rutni} .i {jinzi} .i {nurma} .i {stati}

ratni
-rat-
x_1 kantu lo ka cmuxu'i kei gi'e klani x_2 lo ka vasru xo kau protoni kei gi'e se junta x_3
{kantu}; {cmuxu'i}; {klani}; {vasru}; {protoni}; {junta}

rebla
-reb-
x_1 xadypau je jimca x_2 gi'e na'o jorne lo trixe pagbu be x_2

rectu
-rec-
-re'u-
x_1 ranti pagbu x_2 noi remna ja danlu ku'o gi'e marji lo sluji jo'u grasu
{ranti}; {pagbu}; {remna}; {danlu}; {marji}; {sluji}; {grasu}

remna
-rem-
-re'a-
x_1 danlu la'o jutsi Homo sapiens jutsi
{danlu}; {prenu}; {nanmu}; {ninmu}

renro
-rer-
-re'o-
x_1 gasnu ja bapli lo nu x_2 cliva x_1 fa'a x_3 .i x_1 cecla x_2 fa'a x_3
{gasnu}; {bapli}; {cliva}; {cecla}; {danti}

renvi
-rev-
-re'i-
x_1 lifri je na'e randa x_2 .i x_2 na fanta lo nu x_1 stali lo ka jmive ja zasti
{lifri}; {randa}; {fanta}; {stali}; {jmive}; {zasti}

respa
-res-
x_1 lekselblu bogda'u x_2 noi jutsi la'o klesi Reptilia klesi
{lekselblu}; {bogda'u}; {jutsi}

ricfu
-rif-
-cfu-
x_1 mutce lo ka tolcau ja ponse x_2 .i x_1 to'e pindi x_2
{mutce}; {tolcau}; {ponse}; {pindi}

rigni
-rig-
x_1 to'e se nelci ja to'e melbi ja to'e kukte ja se malfri x_2 .i x_1 to'e pluka x_2
{nelci}; {melbi}; {kukte}; {malfri}; {pluka}

rijno
-rij-
x_1 blabi je ranti jinme cmuxu'i gi'e se pilno fi lo ka zbasu lo minra jo'u lo sicni jo'u lo jadni jo'u ctitci li'o kei gi'e se sinxa zo'oi Ag
{blabi}; {ranti}; {jinme}; {cmuxu'i}; {pilno}; {zbasu}; {minra}; {sicni}; {jadni}; {ctitci}; {sinxa}

rilti
-ril-
x_1 porsi ja vlapoi gi'e morna lo so'i sance x_2 noi zgike
lo rilti na bilga lo ka slilu .i {damri} .i {pemci} .i {tonga} .i {zgike} .i {slilu} .i {dikni} .i {sanga} .i {morna}

rinju
-ri'u-
x_1 jai se fanta x_2 fai x_3 .i x_2 gasnu lo nu x_1 na zifre x_3
{fanta}; {gasnu}; {zifre}; {pinfu}

rinka
-rik-
-ri'a-
lo nu x_1 fasnu na kakne lo ka na se jalge lo nu x_2 fasnu
{fasnu}; {kakne}; {jalge}; {gasnu}; {krinu}; {nibli}; {mukti}

rinsa
x_1 frati x_3 le nu x_2 tolcliva
{frati}, {tolcliva}, {coi}

rirci
x_1 ckaji x_2 gi'e cmima x_3 noi se cmima so'u ckaji be x_2 .i x_1 to'e fadni x_2 x_3
{ckaji}; {cmima}; {fadni}

rirni
-rir-
x_1 kurji x_2 ze'a lo nu x_2 banro lo makcu lo cifnu

rirxe
-ri'e-
x_1 flecu lo djacu tu'i x_2 noi tumla ku'o fo x_3 fi x_4
{flecu}; {djacu}; {tumla}; {xamsi}; {lalxu}

rismi
-ris-
x_1 gurni ja spati x_2 noi jutsi la'o jutsi Oryza sativa jutsi
{gurni}; {spati}; {jutsi}

ritli
-ri'i-
x_1 se zukte fi x_2 fe x_1 gi'e se tarmi lo tcaci ja se javni ja se flalu
{zukte}; {tarmi}; {tcaci}; {javni}; {flalu}

rivbi
-riv-
x_1 zukte x_3 lo nu naku x_1 ckaji x_2
srana fa zo {zukte}

rokci
-rok-
-ro'i-
x_1 jdari kunra marji x_2 gi'e se krasi x_3
{jdari}; {kunra}; {marji}; {krasi}

romge
-rog-
x_1 jinme x_2 gi'e sefta gi'e ba'o se spali gi'e mutce lo ka minra
{jinme}; {sefta}; {spali}; {mutce}; {minra}

ronsa [experimental]
na nitcu su'o nu x_1 jo'u x_2 cu ckaji x_3 kei naku ki'u ja va'o x_4
se srana zo {simsa} .e zo {nalra'a} .e lu {to'e} {nitcu} li'u

rorci
-ror-
x_1 kansa x_3 lo nu x_2 co'a panzi x_1 joi x_3

rotsu
-rot-
-tsu-
-ro'u-
x_1 barda x_2 noi cmarai cimde x_1 ku'o x_3

rozgu
-roz-
-zgu-
x_1 xrula x_2 noi jutsi la'o jutsi Rosa jutsi

ruble
-rub-
-ble-
x_1 ckaji x_2 gi'e ja'e bo na kakne lo ka cupra ja renvi lo carmi bapli .i x_1 to'e tsali x_2
{ckaji}; {kakne}; {cupra}; {renvi}; {carmi}; {bapli}; {tsali}; {kandi}; {ranti}; {randa}

rufsu
-ruf-
x_1 se tengu lo vitci .i x_1 to'e xutla
{vitci}; {tengu}; {xutla}

runme
-rum-
x_1 noi sligu cu binxo lo litki
{sligu}; {litki}; {dunja}; {febvi}; {lunsa}

rupnu
-rup-
-ru'u-
x_1 klani x_2 lo ka lo xo kau jdini be x_3 ke ralju gradu cu vamji ce'u
{klani}; {jdini}; {ralju}; {gradu}; {vamji}; {fepni}

rusko
-ruk-
-ru'o-
x_1 ckini lo kulnu ja bangu ja cecmu ja natmi pe lo banru'usu ja gugderu'u x_2
{kulnu}; {bangu}; {cecmu}; {natmi}; {banru'usu}; {gugderu'u}; {ropno}; {xazdo}; {slovo}; {softo}

rutni
-run-
x_1 se finti ja se zbasu ja se cupra lo remna .i x_1 to'e rarna
{finti}; {zbasu}; {cupra}; {rarna}

sacki
x_1 cmalu grana x_2 noi mudri ja jarple ja ke drata ke jelca marji ku'o gi'e se jipno lo xukmi noi cupra lo fagri lo nu mosra lo rufsu sefta
{cmalu}; {grana}; {mudri}; {jarple}; {jelca}; {marji}; {jipno}; {xukmi}; {cupra}; {fagri}; {mosra}; {rufsu}; {sefta}

saclu
x_1 porsi lo namcu lerfu gi'e sinxa x_2 noi namcu ku'o ma'i lo nu x_3 noi namcu cu jicmu
{porsi}; {namcu}; {lerfu}; {sinxa}; {jicmu}

sadjo
-djo-
x_1 ckini lo kulnu ja bangu ja cecmu ja natmi pe lo gugdesu'a x_2
{kulnu}; {bangu}; {cecmu}; {natmi}; {gugdesu'a}; {xazdo}; {semto}; {xrabo}

sakci
-sak-
x_1 cpacu x_2 noi litki ja gapci ku'o x_3 ta'i lo nu x_1 mleca x_3 lo ni danre x_2
{cpacu}; {litki}; {gapci}; {tadji}; {mleca}; {danre}

sakli
-sal-
x_1 muvdu fo x_2 noi xutla ku'o fau lo nu x_1 ru'i pencu x_2
{muvdu}; {xutla}; {ru'i}; {pencu}

salci
-sla-
x_1 jarco lo ka sinma x_2 kei ta'i lo nu zukte x_3
{jarco}; {sinma}; {zukte}

salpo
-sa'o-
x_1 jbini lo pinta be x_3 be'o jo'u lo sraji be x_3 .i je x_2 jganu lo terkruca be x_1 bei x_3 lo tersei be x_1 bei x_3
{jbini}; {pinta}; {sraji}; {jganu}; {terkruca}; {tersei}

samcu
x_1 genja je stagi x_2 noi mu'a jutsi la'o jutsi Manihot esculenta jutsi ja la'o jutsi Dioscorea jutsi

sampu
-sap-
x_1 jai frili fai x_2 .i x_1 na'e vrici x_2 .i x_1 to'e pluja x_2

sance
-sna-
x_1 se krasi x_2 gi'e ka'e se tirna
{tirna}; {jvinu}; {panci}; {vrusi}; {tengu}

sanga
-sag-
-sa'a-
x_1 bacru ja se sance x_2 fau lo nu lo voksa be x_1 cu zgike
{bacru}; {sance}; {voksa}; {zgike}

sanji
-saj-
x_1 lifri lo nu x_2 zasti
{lifri} .i {zasti}

sanli
-sa'i-
x_1 zasni lo ka lo xadni be ce'u cu sraji gi'e cpana x_2 gi'e se sarji x_3 noi tuple ja jimca ja zbepi ce'u
{zasni}; {xadni}; {sraji}; {cpana}; {sarji}; {tuple}; {jimca}; {zbepi}; {vreta}; {zutse}; {loldi}

sanmi
-sai-
x_1 gunma x_2 noi cidja gi'e bredi lo ka se citka
{gunma}; {cidja}; {bredi}; {citka}; {gusta}; {barja}; {stasu}; {salta}; {sanso}

santa
x_1 jai bandu x_2 x_3 gi'e marji x_4 gi'e se sarji x_5 x_3

sarcu
-sa'u-
lo nu x_1 narfau cu banzu lo nu x_2 narfau
srana fa zo {banzu} .e zo {bazysa'u} .e zo {nitcu}

sarji
-sra-
x_1 sidju x_2 lo ka renvi ja na'e randa ja fapro x_3
{sidju}; {renvi}; {randa}; {fapro}

sarxe
-sax-
x_1 ckini x_2 x_3 ja'e lo zabna ja pluka ja melbi ja to'e vlile
{ckini}; {zabna}; {pluka}; {melbi}; {vlile}; {mapti}; {lanxe}; {panpi}; {tugni}

saske
-ske-
x_1 te ganzu ja ciste ja stura lo datni be x_2 bei x_3
{ganzu}; {ciste}; {stura}; {datni}

satci
x_1 prane lo ka mapti x_2 lo ka ckaji
{prane}; {mapti}; {ckaji}

satre
-sa'e-
x_1 pencu x_2 boi x_3 lo kuspe noi x_3 muvdu fo ke'a

sefsi [experimental]
x_1 ckini x_1 boi x_2
ko karbi fi zo {sevzi} .e zo {simxu} .i .ei zo'oi se'i rafsi zo sefsi .i zo sevzi na nitcu lo fanmo rafsi .i {djuse'i} .i {spose'i} .i {lacyse'i} .i {trose'i} .i {truse'i} .i {sazyse'i} .i {lumse'i} .i {lebyse'i} .i {catryse'i} .i {sajyse'i}

sefta
-sfe-
x_1 pagbu x_2 gi'e jimte x_2 lo ka ma kau ce'u canlu kei gi'e korbi x_2 lo bartu be x_2
{pagbu}; {jimte}; {canlu}; {korbi}; {bartu}; {flira}; {crane}; {plita}

selci
-sle-
x_1 cmarai lo spisa be x_2 be'o poi ckaji be lo se ckaji be x_2
{cmarai}; {spisa}; {ckaji}

senci
-sec-
x_1 suksa je se snuti lo ka se sance livbai lo vacri ja se vasxu lo nazbi jo'u lo moklu
{suksa}; {snuti}; {sance}; {livbai}; {vacri}; {vasxu}; {nazbi}; {moklu}

senpi
-sen-
x_1 no'e krici x_2 .i x_1 na'e birti x_2
{krici}; {birti}; {iacu'i}

senta
-set-
x_1 marji x_2 gi'e pagbu x_3 gi'e rotsu tersei lo pagbu be x_3 lo ve vimcu
{marji}; {pagbu}; {rotsu}; {tersei}; {vimcu}

senva
-sev-
-sne-
x_1 se xanri x_2 fau lo nu x_1 sipna ja nalju'i
{xanri}; {sipna}; {nalju'i}

sepli
-sep-
-sei-
x_3 ni x_1 zvada'o x_2
srana fa zo {tersei} .e zo {temci} .e zo {zvada'o} .e zo {klani}

serti
-ser-
x_1 se pilno fi lo nu cpare x_2 kei gi'e stura x_3 noi se stapa gi'e sarji lo jumfa be lo cpare
{pilno}; {cpare}; {stura}; {stapa}: {sarji}; {jumfa}

setca
-se'a-
x_1 gasnu lo nu x_2 nenri x_3

sevzi
-sez-
-se'i-
x_1 noi prenu cu du x_2
{prenu}; {du}; {sefsi}

sfasa
-sfa-
x_1 gasnu lo nu x_2 malfri x_4 kei mu'i lo nu x_2 zukte x_3 noi zekri ja palci ja xlali
{gasnu}; {malfri}; {mukti}; {zukte}; {zekri}; {palci}; {xlali}; {cnemu}

sfofa
-sfo-
x_1 nilce fi lo ka se zutse za'u prenu .i x_1 clani stizu .i x_1 se rixpau lo ka'e se vreta be lo zutse
{nilce} .i {stizu} .i {zutse}

siclu
-sil-
x_1 se sance x_2 noi brato'a gi'a porsi lo brato'a ta'i mu'a lo nu livbai lo vacri lo moklu lo cmalu kalri noi jalge lo nu jbisimgau lo ctebi .a lo denci
{sance}; {brato'a}; {porsi}; {livbai}; {vacri}; {moklu}; {cmalu}; {kalri}; {jalge}; {jbisimgau}; {ctebi}; {denci}

sicpi [experimental]
x_1 litki x_2 gi'e ba'o lunsa lo vacri gi'e carvi fi lo varsenta
{bratu}, {snime}, {carvi}

sidbo
-sib-
-si'o-
x_1 noi mucti cu srana x_2 gi'e se pensi x_3
{mucti}; {srana}; {pensi}; {xanri}; {sucta}

sidju
-dju-
x_1 dunda ja sabji fi x_2 fe lo se nitcu be x_2 bei x_3 .i x_1 gasnu lo nu x_3 jdika lo ka nandu x_2 kei gi'a zenba lo ka frili x_2 .i x_1 to'e zunti lo nu x_2 ckaji ja zukte x_3
{dunda}; {sabji}; {nitcu}; {gasnu}; {jdika}; {nandu}; {zenba}; {frili}; {zunti}; {ckaji}; {zukte}

simlu
-mlu-
lo nu x_1 ckaji x_2 kei noi ka'e na fatci ja satci cu se ganse x_3
{ckaji}; {fatci}; {satci}; {ganse}; {simsa}; {jarco}

simsa
-smi-
x_1 toltce lo ka frica x_2 x_3
{toltce}; {frica}; {simlu}; {dunli}; {mintu}; {panra}

simxu
-sim-
-si'u-
ro da poi me x_1 cu ckini ro me x_1 poi na du da ku'o x_2 .i rau da poi me x_1 cu ckini rau me x_1 poi na du da ku'o x_2
{ckini} .i {sefsi}

since
x_1 re'ucti gi'e se tuple no da gi'e respa x_2 noi jutsi la'o xy. Serpentes .xy
srana fa zo {respa}

sinma
-si'a-
x_1 cinmo lo zabna x_2 .i x_1 jinvi lo du'u x_2 banli
{cinmo}; {zabna}; {jinvi}; {banli}; {salci}; {ckire}; {nelci}; {prami}; {censa}; {misno}

sinso
x_1 parbi ko'a noi x_2 jganu ko'e ke'a ku'o ko'i .i je ko'a sraji tersei lo pinta linji be ko'e lo te kruca be ko'a bei ko'o noi cukla gi'e se midju ko'e .i je ko'i tersei ko'e ko'o
{parbi}; {jganu}; {sraji}; {tersei}; {pinta}; {linji}; {kruca}; {cukla}; {midju}

sinxa
-sni-
x_1 noi dacti ja fasnu ja morna ja barna ja lerfu ja tcita cu se smuni x_2 x_3 gi'a krati x_2 lo ka se pilno x_3 lo ka benji lo sidbo
{dacti}; {fasnu}; {morna}; {barna}; {lerfu}; {tcita}; {smuni}; {krati}; {pilno}; {benji}; {sidbo}

sipna
-sip-
x_1 surla lo ka na'e zukte gi'e mulno ja nalmu'o lo ka na'e sanji .i x_1 to'e cikna
{surla}; {zukte}; {mulno}; {nalmu'o}; {sanji}; {cikna}

sirji
-sir-
x_1 toryrai lo linji be x_2 e x_3
{linji}

sirxo
-six-
x_1 ckini lo kulnu ja bangu ja cecmu ja natmi pe lo gugdesuje x_2
{kulnu}; {bangu}; {cecmu}; {natmi}; {gugdesuje}; {xazdo}; {semto}; {xrabo}

sisku
-sis-
x_1 zukte da lo nu x_1 facki lo du'u ma kau poi me x_3 cu ckaji x_2
srana fa zo {facki} .e zo {zvasisku} .e zo {mitysisku}

sisti
-sti-
x_1 co'u zukte ja ckaji x_2 .i lo nu x_1 zukte ja ckaji x_2 cu tolcfa
{zukte} .i {ckaji} .i {tolcfa}

sitna
-sit-
x_1 refsku lo se cusku be x_2 fi'o datni x_3
{refsku}; {cusku}; {datni}

sivni
-siv-
x_1 srana x_2 noi prenu ku'o .e no drata be x_2 .i x_1 to'e gubni lo drata be x_2
{srana}; {prenu}; {drata}; {gubni}

skami
-sam-
x_1 minji x_2 noi ka'e te platu gi'e ka cpacu lo datni gi'e cmaci ja logji kanji gi'e jarco lo se kanji
{minji}; {platu}; {cpacu}; {datni}; {cmaci}; {logji}; {kanji}; {jarco}

skapi
-kap-
x_1 marji lo pilka be x_2 noi danlu
{marji}, {pilka}, {danlu}

skari
-ska-
x_1 ckaji x_2 se ja'e lo nu x_2 minra lo mo kau gusni be x_2
{ckaji}; {minra}; {gusni}; {blanu}; {bunre}; {cicna}; {crino}; {grusi}; {narju}; {nukni}; {pelxu}; {xunre}; {zirpu}; {xekri}; {blabi}; {carmi}; {kandi}

skicu
-ski-
x_1 jungau fo x_2 fe x_3 fi lo du'u x_2 ckaji x_4
{jungau}; {ckaji}

skina
-kin-
x_1 jvinu je sance vreji x_2 gi'e se finti x_3 lo nu x_4 zgana
{jvinu}; {sance}; {vreji}; {finti}; {zgana}

skuna [experimental]
x_1 boi x_2 boi x_3 boi x_4 cusku
panra zo {cusku} lo ka claxu lo me zo cy. sance noi so'i da jinvi lo du'u ke'a jai cafnydu'e fai tu'a lo bangu mu'u lu {cu} {cusku} li'u .i lo rafsi be zo skuna cu mintu lo me zo {cusku} moi .i za'a za'a dai lo se skicu valsi cu pu co'a cafne banzu fi lo nu jmina fi jyvysy .i ja'o kukte ko

skuro
-ku'o-
x_1 clani je jarki kevna lo sefta be x_2
{clani}; {jarki}; {kevna}; {sefta}

slabu
-sau-
lo nu x_1 ckaji x_3 cu pu zu co'a se sanji x_2 .i x_1 to'e cnino x_2 x_3
{ckaji}; {sanji}; {cnino}

slari
-sar-
x_1 se vrusi lo ka slami fi'o ganse x_2
{vrusi}; {slami}; {ganse}; {kurki}; {titla}; {silnycpina}; {krumami}

slasi
-las-
x_1 rutni je tabno marji x_2 gi'e kakne lo ka ranti je se tamgau gi'e ba bo jarbi'o

sligu
-lig-
x_1 jdari je tamvi'o marji x_2 .i x_1 na'e litki je na'e gapci x_2
{jdari}; {tamvi'o}; {marji}; {litki}; {gapci}

slilu
-sli-
x_1 dikni lo ka ckaji x_3 noi rapli la'u x_2 noi ni cafne
{dikni}; {ckaji}; {rapli}; {cafne}

smadi
x_1 jinvi x_2 x_3 lo na'e banzu
{jinvi}; {banzu}

smaji
-sma-
x_1 seltinynalka'e lo'e zvati be x_2 ma'i x_3 .i x_1 se sance no da
{seltinynalka'e}, {sance}

smani
x_1 mabru x_2 noi jutsi la'o lazgunma Primates lazgunma ku'o gi'e na'o na'e remna
{mabru}; {jutsi}; {remna}

smuni
-mun-
-smu-
x_1 se sinxa x_2 x_3 .i x_1 noi na'e bangu cu se krati x_2 noi se cusku ku'o lo ka te jimpe fi x_3
{sinxa}; {bangu}; {krati}; {cusku}; {jimpe}

smusu [experimental]
x_1 zukte x_4 lo nu x_3 djuno lo du'u x_1 xusra x_2
smudu'i zo {smusku} .i stidi lo nu ra'oi -sus- co'a rafsi zo smusu

snada
-sad-
x_1 mulzu'e x_2 noi se troci x_1 .i x_1 to'e fliba x_2
{mulzu'e}; {troci}; {fliba}

snanu
-nan-
x_1 pritu x_2 lo solnuntolcanci noi stuna .i x_1 to'e berti x_2
{pritu} .i {berti} .i {stuna} .i {stici} .i {farna} .i {solnuntolcanci}

snidu
-nid-
x_1 klani x_2 lo ka lo xo kau boi fi'u xa no si'e be lo mentu cu ditcu ke'a .i x_1 klani x_2 lo sornai rauci'e ni ditcu
{klani}; {mentu}; {ditcu}; {sornai}; {rauci'e}

snime
-si'e-
x_1 ranti bisli lo djacu gi'e ba'o ja ca'o carvi
{ranti}; {bisli}; {djacu}; {carvi}; {bratu}

snura
-nur-
-nu'a-
x_1 se marbi ja se bandu fi x_2 ja'e lo nu na lakne fa lo nu x_1 ba se xrani x_2 .i x_1 ka'e je nai ca'a se ckape x_2
{marbi}; {bandu}; {xrani}; {ckape}

snuti
-nut-
x_1 to'e se zukte x_2 zi'o zi'o
{zukte}; {cunso}

sobde
-sob-
-so'e-
x_1 dembi ja spati x_2 noi jutsi la'o jutsi Glycine max jutsi
{dembi}; {spati}; {jutsi}

socni [experimental]
ro da poi cmima x_2 zo'u ro de poi cmima x_2 zo'u ro di poi cmima x_2 zo'u li vei mo'e da na'u x_1 mo'e de ve'o na'u x_1 mo'e di cu du li mo'e da na'u x_1 vei mo'e de na'u x_1 mo'e di ve'o

sodna
x_1 jilka je jinme cmuxu'i
{jilka}; {jinme}; {cmuxu'i}

sodva
-sod-
x_1 tabrelkijno ricfu selpinxe gi'e se vrusi x_2
{tabrelkijno}, {ricfu}; {selpinxe}; {vrusi}

softo
-sof-
x_1 ckini lo kulnu ja bangu ja cecmu ja natmi pe la rusko balgu'e .a la'o ry. Советский Союз .ry .a la'o ry. Содружество Независимых Государств .ry. x_2
{rusko} .i {vukro} .i {slovo}

solji
-slo-
x_1 se vamji je pelxu je ranti jinme cmuxu'i gi'e se sinxa zo'oi Au
{vamji}; {pelxu}; {ranti}; {jinme}; {cmuxu'i}; {sinxa}

solri
-sol-
x_1 tarci gi'e se plini x_2 noi na'o terdi
{tarci}; {plini}; {terdi}

sombo
-som-
-so'o-
x_1 punji x_2 noi tsiju ku'o x_3 noi tumla ja dertu ku'o te zu'e lo nu x_2 banro
{punji}; {tsiju}; {tumla}; {dertu}; {banro}

sonci
-son-
-soi-
x_1 cmima x_2 noi jenmi
{jenmi} .i {cmima}

sorcu
-soc-
-sro-
x_1 gunma x_2 noi denpa lo ka se pilno kei lo ka se vasru ja zvati x_3
{gunma}; {denpa}; {pilno}; {vasru}; {zvati}

sorgu
-sog-
x_1 gurni ja spati x_2 noi jutsi la'o jutsi Sorghum bicolor jutsi
{gurni}; {spati}; {jutsi}

sorta [experimental]
x_1 milxe ja simlu x_2 va'o x_3
{malglikslu} {u'ivla} .i srana fa zo {milxe} je zo {simlu}

spaji
-paj-
x_1 fasnu gi'e na se kanpe x_2
srana fa zo {kanpe} .e zo {suksa} .e zo {bredi} .e zo {jenca} .e zo {manci} .e zo {ue}

spali
x_1 gasnu lo nu x_2 xutla je carmi kei ta'i lo nu x_1 punji je mosra x_3 x_2
{gasnu}; {xutla}; {carmi}; {punji}; {mosra}

spano
-san-
x_1 ckini lo kulnu ja bangu ja cecmu ja natmi pe lo bansupu'a ja gugde'esu x_2
{kulnu}; {bangu}; {cecmu}; {natmi}; {bansupu'a}; {ropno}; {xispo}; {mexno}; {gento}

spati
-spa-
x_1 jmive gi'e cmima x_2 noi jutsi la'o jutsi Plantae jutsi

speni
-spe-
x_1 jorne x_2 lo ka se lanzu kei se ja'e x_3 noi tcaci ja flalu
{jorne}; {lanzu}; {tcaci}; {flalu}

spero [experimental]
x_1 ckini lo kulnu ja bangu ja cecmu pe la'o bau Esperanto bau x2
{ckini}; {kulnu}; {bangu}; {cecmu}

spisa
-spi-
x_1 pagbu x_2 gi'e simsa lo drata pagbu be x_2
{pagbu}; {simsa}; {drata}

spita
x_1 dinju ja stuzi lo nu mikce x_2 boi x_3
srana fa zo {bilma} .e zo {xrani} .e zo {mrobi'o}

spofu
-pof-
-po'u-
x_1 na ka'e akti x_2

spoja
-poj-
-po'a-
x_1 vlile je cladu suksa lo ka porpi x_2
{vlile}; {cladu}; {suksa}; {porpi}; {cecla}; {jakne}; {jbama}

spuda
-spu-
x_1 frati fi x_2 fe lo ka zukte x_3
{frati}; {zukte}

sputu
-put-
-pu'u-
x_1 livgau x_2 noi na'o litki se cigla lo moklu
{livgau}; {litki}; {cigla}; {moklu}

sraji
-raj-
x_1 se vasru lo plita poi salpo lo radno be li pai fi'u re x_2 noi na'o mu'a sefta lo terdi
{vasru}; {plita}; {salpo}; {radno}; {sefta}; {terdi}; {pinta}

sralo
x_1 ckini lo kulnu ja bangu ja cecmu ja natmi pe lo gugde'a'u x_2
{kulnu}; {bangu}; {cecmu}; {natmi}; {gugde'a'u}; {polno}; {glico}

srana
-ra'a-
x_1 sruri ja jibni x_2 lo ka se pensi .i x_1 datni ja sidbo ja lisri ja velski ja velcki ja nuzba ja notci ja pixra ja skina ja draci ja cfika ja prosa ja pemci li'o x_2 .i x_1 se djuno ja se krici ja se jinvi ja se jijnu ja se sruma ja se smadi ja se facki ja se jimpe ja se cilre li'o fi x_2
{sruri}; {jibni}; {pensi}; {datni}; {sidbo}; {lisri}; {velski}; {velcki}; {nuzba}; {notci}; {pixra}; {skina}; {draci}; {cfika}; {prosa}; {pemci}; {djuno};{krici}; {jinvi}; {jijnu}; {sruma}; {smadi}; {facki}; {jimpe}; {cilre}

srera
-sre-
x_1 na'e drani lo ka zukte ja ckaji x_2
{drani}; {zukte}; {ckaji}

srito
x_1 ckini lo kulnu ja bangu ja cecmu ja natmi pe lo bansu'anu x_2
{kulnu}; {bangu}; {cecmu}; {natmi}; {bansu'anu}; {xazdo}; {xindo}

sruma
-ru'a-
x_1 pensi se cau lo jicmu lo du'u x_2 noi srana x_3 cu jetnu kei te zu'e lo mu'a ka lanli lo du'u x_2 nibli ma kau
{pensi}; {jicmu}; {srana}; {jetnu}; {lanli}; {nibli}

sruri
-rur-
-sru-
x_1 vi'a se nenri x_2 fi'o plita x_3
{karli} .i {senta} .i {snuji} .i {vanbi} .i se {nenri} .i se {jbini} .i {bartu} .i {djine}

stace
-sac-
x_1 na jifsku fi x_2 gi'e na zukte fi lo tcica be x_2 bei lo ka ce'u jinvi ja krici lo jitfa x_3 noi ke'a jetnu .i x_1 to'e mipri fi x_2 fe x_3
srana fa zo {tcica} .e zo {jetnu} .e zo {jitfa} .e zo {mipri}

stagi
x_1 cidja gi'e me x_2 noi pagbu x_3 noi spati
{cidja} .i {grute} .i {kobli} .i {narge} .i {sluni} .i {spati} .i {sunga} .i {tamca}

staku
-tak-
x_1 ne fi'e x_2 marji x_3 noi su'o ke'a kliti gi'e se jargau sepi'o mu'a lo tokni ku'o x_4

stali
-sta-
x_1 boi x_2 zvati gi'enai cliva

stani
x_1 ralju sarji pagbu x_2 noi spati
{ralju}; {sarji}; {pagbu}; {spati}

stapa
-tap-
x_1 gasnu lo nu x_2 noi sefta cu se cpana x_3 noi jamfu x_1
{gasnu}; {sefta}; {cpana}; {jamfu}; {cadzu}; {bajra}; {dansu}

stati
x_1 se jinzi lo ka certu x_2
{jinzi}; {certu}

steci
-tec-
-te'i-
ge x_2 me x_3 gi ge ro me x_2 ckaji x_1 gi no da poi me x_3 gi'e na me x_2 cu ckaji x_1

stedu
-sed-
x_1 pagbu lo xadni be x_2 gi'e jorne lo cutne lo cnebo gi'e vasru lo besna jo'u lo kanla jo'u lo kerlo jo'u lo nazbi jo'u lo moklu
{pagbu}; {xadni}; {jorne}; {cutne}; {cnebo}; {vasru}; {besna}; {kanla}; {kerlo}; {nazbi}; {moklu}

stela
-tel-
x_1 cabra lo ka stogau x_2 noi vorme ja gacri ja dacru ja vautci li'o ku'o lo ka ganlo kei ma'i x_3
{cabra}; {stogau}; {vorme}; {gacri}; {dacru}; {vautci}; {ganlo}; {ckiku}

stici
-sic-
x_1 zunle x_2 lo berti .i x_1 farna lo solnuncanci x_2 .i x_1 to'e stuna x_2
{zunle} .i {berti} .i {snanu} .i {stuna} .i {farna} .i {solnuncanci}

stidi
-sid-
-ti'i-
x_1 friti x_2 noi sidbo lo ka zukte ma kau ku'o x_3
{friti}; {sidbo}; {zukte}; {tcica}; {xlura}

stika
-tik-
x_1 gasnu lo nu x_2 cenba fi x_3

stima [experimental]
x_1 tolcfa
smudu'i zo {tolcfa} .e zo {fausti} .e zo {famfau} .e ma kau

stizu
-tiz-
x_1 tutci lo ka zutse ce'u i x_1 ka'e pagbu lo nilce

stodi
-sto-
x_1 na'e cenba x_2
{vitno} .i {zasni} .i {cenba} .i {zenba} .i {jdika} .i {binxo} .i {galfi} .i {stika}

stuna
-sun-
x_1 pritu x_2 lo berti .i x_1 farna lo solnuntolcanci x_2 .i x_1 to'e stici x_2
{pritu} .i {berti} .i {snanu} .i {stici} .i {farna} .i {solnuntolcanci}

stura
-tur-
-su'a-
x_1 gunma x_2 gi'e morna ja te ganzu ja te zbasu x_2
{gunma}; {morna}; {ganzu}; {zbasu}; {ciste}; {greku}

stuzi
-tuz-
-stu-
x_1 vitno lo ka x_2 zvati ce'u

sucta
-suc-
x_1 krati x_2 lo ka se pensi kei gi'e ckaji lo ralju be lo se ckaji be x_2 be'o be'o .u lo tcila be x_2
{krati}; {pensi}; {ckaji}; {ralju}; {tcila}

sudga
-sud-
x_1 claxu x_2 noi litki .i x_1 to'e cilmo x_2
{claxu}; {litki}; {cilmo}

sufti
-sfu-
x_1 bongu calku lo jamfu be x_2 noi mu'a xirma ja xasli ja bakni ja lanme ja kanba ja mirli ja kumte ja djirafa
{bongu}; {calku}; {jamfu}; {xirma}; {xasli}; {bakni}; {lanme}; {kanba}; {mirli}; {kumte}; {djirafa}

sumji
-suj-
x_1 ve jmina x_2 boi x_3 zi'o .i x_1 nu'a su'i x_2 boi x_3
{jmina}; {su'i}

sumne
x_1 ganse x_2 lo'e nazbi be x_1
{nazbi} {ganse}

sumti
-sum-
-su'i-
x_1 lo terbrisni be x_2 cu cmima gi'e me x_3 moi
i x_1 e x_2 sinxa i x_3 namcu gi'a jarco lo ka se cuntu lo bridi i srana zo {terbrisni} e zo {selbrisni} e zo {brisni} e zo {terbri} e zo {selbri} e zo {bridi}

surla
-sur-
x_1 zukte ja ckaji x_2 ja'e lo nu na'e tatpi .i x_1 to'e dunku x_2
{zukte}; {ckaji}; {tatpi}; {dunku}; {cando}

sutra
-sut-
lo nu x_1 mulbi'o x_2 cu se ditcu lo cmalu .i x_1 to'e masno x_2
{mulbi'o}; {ditcu}; {cmalu}; {masno}

tabno
-tab-
x_1 marji lo ratni be li 6

tabra
x_1 lastu ke brife zgitci
{lastu}; {brife}; {zgitci}

tadji
x_1 ve pruce fi x_2
{pruce}

tadni
-tad-
x_1 pilno lo menli be x_1 lo nu x_1 cilre fi x_2
{pilno}; {menli}; {cilre}

tagji
-tag-
x_1 mutce lo ka mapti x_2 x_3 kei ja'e lo nu x_1 danre x_2 gi'a rinju gi'a na jai frili fai lo ka se muvgau .i x_1 to'e kluza x_2 x_3
{mutce}; {mapti}; {danre}; {rinju}; {frili}; {muvgau}; {kluza}

takni [experimental]
ro da ro de ro di zo'u da .e de .e di me x_2 .i na ja ga nai ge da de gi de di, gi da di me'au x_1
zo {kinra} .i zo {kinfi}

talsa
-tal-
x_1 jungau x_2 lo du'u vo'a djica lo nu vo'e jarco lo ka snada x_3
{jinga} .i {damba} .i {darlu} .i {jivna} .i {nandu}

tamji
-taj-
x_1 rotsu je nermla degji be x_2
{rotsu}; {nermla}; {degji}

tamne
x_1 dunli x_2 lo ka makau lanzu ce'u x_3 kei e lo ka ce'u cmima lo mokau rorlei i x_1 no'e tunba x_2

tanbo
-ta'o-
x_1 clani je plita je kurfa marji x_2
{clani}; {plita}; {kurfa}; {marji}

tance
-tac-
x_1 loldi lo moklu be x_2 gi'e rango x_2 lo nu citka .e lo nu vusyga'e .e lo nu bacru
{loldi}; {moklu}; {rango}; {citka}; {vusyga'e}; {bacru}

tanjo
x_1 parbi lo rajyjudri be ko'a lo pinjudri be ko'a noi se vasru lo cukla poi se midju lo se jganu be x_2 bei lo tersei be ko'a bei lo pinta manri
{parbi}; {rajyjudri}; {pinjudri}; {vasru}; {cukla}; {midju}; {jganu}; {tersei}; {pinta}; {manri}

tanru
-tau-
x_1 gunma x_2 ce'o x_3 vu'o noi ro lo re ke'a se smuni lo selbri ku'o gi'e se smuni lo selbri poi jalge lo nu x_2 stika x_3
{gunma}; {smuni}; {selbri}; {jalge}; {stika}

tansi
-tas-
x_1 caxno vautci x_2 gi'e marji x_3
{caxno}; {vautci}; {marji}

tanxe
-tax-
-ta'e-
x_1 vautci x_2 gi'e marji x_3 gi'e na'o kurfa gi'e na'o se gacri
{vautci}; {marji}; {kurfa}; {gacri}

tarci
-tar-
x_1 se kensa gi'e te gusni gi'e se steci x_2
{kensa} .i {gusni} .i {steci}

tarmi
-tam-
-tai-
x_1 sucta lo morna be lo jvinu be x_2
{sucta}; {morna}; {jvinu}

tarti
-tra-
x_1 zukte x_2 noi tcaci ja tadji
{zukte}; {tcaci}; {tadji}

taske
x_1 djica ja nitcu x_2 noi litki ku'o lo ka pinxe x_2
{djica}; {nitcu}; {litki}; {pinxe}; {xagji}

tatpi
-ta'i-
x_1 claxu lo nejni .a lo ka tsali kei ja'e lo ka zukte ja gunka ja tarti x_2
{claxu}; {nejni}; {tsali}; {zukte}; {gunka}; {tarti}

tatru
-tat-
x_1 xadypau x_2 gi'e punli gi'e ranti gi'e se pagbu lo cigla be lo ladru
{ladru} .i {mabru}

tavla
-tav-
-ta'a-
x_1 cusku fi x_2 fe lo srana be x_3
{cusku}; {srana}; {casnu}; {bacru}

taxfu
-taf-
-ta'u-
x_1 zilfi'i lo ka su'o da pilno ce'u lo ka ce'u gacri su'o de poi ke'a da xadypau gi'e ckini x_2
srana fa zo {gacri} .e zo {dasni} .e zo {bukpu}

tcaci
-cac-
x_1 se tarti x_2 gi'e cafne ja dikni
{tarti}; {cafne}; {dikni}

tcadu
-tca-
x_1 tumla x_2 gi'e te denmi lo ka se xabju kei x_2 .i x_1 to'e nurma x_2
{tumla}; {denmi}; {xabju}; {nurma}; {jarbu};

tcana
x_1 se jonsi'u lo pagbu be x_2 noi ciste be fi mu'a lo ka te marce ja xe bevri ja ve cusku
{jonsi'u}; {pagbu}; {ciste}; {marce}; {bevri}; {cusku}

tcati
x_1 litki gi'e se jukpa fi lo ka gasnu lo nu lo pezli be x_2 cu jinru lo djacu
{litki}; {jukpa}; {gasnu}; {pezli}; {jinru}; {djacu}; {ckafi}

tcena
-ten-
x_1 pruni gi'e preja x_2 noi trati ku'o x_3 noi to'e trati
{pruni}; {preja}; {trati}

tcica
-tic-
x_1 gasnu ja se jalge lo nu x_2 zukte ja ckaji x_3 noi se srera ja na'e se djica x_2
{gasnu}; {jalge}; {zukte}; {ckaji}; {srera}; {djica}; {xlura}; {stidi}; {kajde}; {stace}

tcidu
-tid-
x_1 zgana x_2 noi te bangu ja sinxa gi'e zvati x_2 ku'o te zu'e lo ka jimpe lo du'u ma kau smuni x_2
{zgana}; {bangu}; {sinxa}; {zvati}; {jimpe}; {smuni}; {ciska}; {cukta}; {karni}

tcika
x_1 noi cacra jo'u mentu jo'u snidu sinxa cu judri x_2 noi fasnu kei x_3
{cacra}; {mentu}; {snidu}; {sinxa}; {judri}; {fasnu}; {detri}

tcila
-til-
x_1 cmalu pagbu x_2
{cmalu}; {pagbu}

tcima
-tim-
-ti'a-
x_1 brife ja glare ja lenku ja dilnu ja bumru ja carvi ja bratu ja snime ja cilmo ja lindi ja danre tcini lo vacri be x_2
{brife}; {glare}; {lenku}; {dilnu}; {bumru}; {carvi}; {bratu}; {snime}; {cilmo}; {lindi}; {danre}; {tcini}; {vacri}

tcini
x_1 se ckaji x_2 se ja'e lo vanbi be x_1 .i x_1 to'e jinzi x_2
{ckaji}; {vanbi}; {jinzi}

tcipi [experimental]
x_1 goi ko'a jdari je frili bo porpi cidja je na'o cupra lo sance lo nu x_2 citka ko'a

tcita
x_1 sinxa lo nu x_2 se datni x_3 kei gi'e na'o jorne x_2
{sinxa}; {datni}; {jorne}

temci
-tem-
-tei-
x_1 ni x_2 cabda'o x_3
srana fa zo {cabda'o} .e zo {klani}

tende [experimental]
x_1 zukte ja ckaji x_2 va'o lo nu no da fanta lo nu x_1 zukte ja ckaji x_2
{zukte}; {ckaji}; {fanta}

tenfa
-tef-
x_1 jalge le nu le nu pilji x_2 cu rapli x_3 .i x_1 nu'a te'a x_2 boi x_3
{pilji} {rapli}; {te'a}

tengu
-teg-
-te'u-
x_1 se krasi x_2 gi'e ka'e se pencu
{pencu}; {jvinu}; {sance}; {panci}; {vrusi}

terdi
-ted-
x_1 plini gi'e zdani x_2 .i x_1 ci moi lo plini be lo solri lo ni darno lo solri kei gi'e zdani lo remna
{plini}; {zdani}; {solri}; {remna}

terpa
-tep-
-te'a-
x_1 cinmo lo ka mutce lo ka dunku ja xanka x_2 noi fatci ja xanri ckape
{cinmo}; {mutce}; {dunku}; {xanka}; {fatci}; {xanri}; {ckape}

terto
-tet-
x_1 klani li gei pa re x_2
{klani}; {centi}; {decti}; {dekto}; {femti}; {gigdo}; {gocti}; {gotro}; {gradu}; {kilto}; {megdo}; {mikri}; {milti}; {nanvi}; {petso}; {picti}; {xatsi}; {xecto}; {xexso}; {zepti}; {zetro}

tigni
-tig-
x_1 zukte x_2 lo nu x_3 zgana x_2
{zukte}; {zgana}; {jarco}

tikpa
-tip-
x_1 darxi x_2 fo x_3 fi x_4 noi jamfu x_1

timne [experimental]
x_1 mencre .i x_1 to'e bebna
selsmudu'i zo {mencre}

tinci
x_1 ranti jinme cmuxu'i gi'e runme va'o lo glare milxe gi'e simsa lo rijno lo ka skari je gusycai gi'e se sinxa zo'oi Sn
{ranti}; {jinme}; {cmuxu'i}; {runme}; {glare}; {milxe}; {simsa}; {rijno}; {skari}; {gusycai}; {sinxa}

tirna
-tin-
x_1 ganse x_2 lo'e kerlo be x_1 boi x_3
{kerlo} {ganse}

tirxu
x_1 bramlatu x_2 noi jutsi la'o jutsi Panthera tigris jutsi gi'e se krasi xadzo gi'e burpelxu gi'e se sriba'a lo xekri
{bramlatu}; {burpelxu}; {sriba'a}; {xekri}; {mlatu}; {cinfo}

tisna
-tis-
x_1 binxo lo culno be x_2 .i x_1 clubi'o x_2
{culno} .i {binxo} .i {clubi'o}

titla
-tit-
x_1 se vrusi lo ka simsa lo sakta fi'o ganse x_2
{vrusi}; {simsa}; {sakta}; {ganse}; {kurki}; {slari}; {silnycpina}; {krumami}

tivni
-tiv-
x_1 benji x_2 noi skina ja se tigni ku'o fu x_3 fi x_4 noi cabra lo ka cpacu
{benji}; {skina}; {tigni}; {cabra}; {cpacu}; {cradi}

tixnu
-tix-
-ti'u-
x_1 fetsi gi'e se rirni x_2

toknu
-tok-
x_1 tutci lo ka vasru je glagau je jukpa x_2
{tutci}; {vasru}; {glagau}; {jukpa}

tordu
-tor-
-to'u-
x_1 cmalu x_2 noi brarai cimde x_1 ku'o x_3

traji
-rai-
ge x_1 me x_3 gi'e ckini da x_2 gi no x_3 zmadu x_1 fi x_2
srana fa zo {dubrai} .e zo {tolrai}

trene
-ren-
-re'e-
x_1 porsi x_2 noi carce ku'o gi'e se garna x_3 gi'e marce fo x_4
{porsi}; {carce}; {garna}; {marce}

tricu
-ric-
x_1 spati x_2 gi'e se stani lo ralju je mudri gi'e se jimca lo galtu be lo loldi
{spati}; {stani}; {ralju}; {mudri}; {jimca}; {galtu}; {loldi}; {cindu}; {ckunu}; {palma}

trina
-tri-
lo nu x_1 ckaji x_3 cu danre x_2 fa'a x_1 gi'a rinka lo nu x_2 muvdu x_1 gi'a djica lo ka jbize'a x_1
{ckaji}; {danre}; {rinka}; {muvdu}; {djica}; {jbize'a}

troci
-toc-
-toi-
x_1 zukte x_3 lo nu x_1 ckaji x_2 noi na'e frili x_1
srana fa zo {zukte} .e zo {snada} .e zo {fliba}

tsali
-tsa-
x_1 ckaji x_2 gi'e ja'e bo kakne lo ka cupra ja renvi lo carmi bapli .i x_1 to'e ruble x_2
{ckaji}; {kakne}; {cupra}; {renvi}; {carmi}; {bapli}; {ruble}

tsani
-tan-
x_1 galtu pagbu lo varxamsi
srana fa zo {varxamsi} .e zo {vacri}

tsapi
x_1 se jmina fi lo cidja te zu'e lo ka gasnu lo nu cy se vrusi x_2
{jmina}; {cidja}; {gasnu}; {vrusi}

tsina
-sin-
x_1 galtu loldi gi'e se stuzi x_2 gi'e sarji x_3 gi'e marji x_4
{galtu}; {loldi}; {stuzi}; {sarji}; {marji}

tsuku [experimental]
x_1 tolyli'a x_2 x_3
ko catlu fe ji'a zo {cliva} fa'u zo {klama} fa'u zo {tolyli'a}

tugni
-tug-
-tu'i-
x_1 dunli x_2 lo ka ce'u jinvi ce'u x_3 da
srana fa zo {jinvi} .e zo {dunli}

tunba
-tub-
x_1 dunli x_2 boi x_3 noi ka makau rirni ce'u kei gi'a ka ce'u panzi makau kei gi'a simsa

tunka
-tuk-
x_1 ranti jinme cmuxu'i gi'e xunre bunre gi'e se pilno fi lo ka se dikca .e lo ka pagbu lo lastu .a lo ransu kei gi'e se sinxa zo'oi Cu
{ranti}; {jinme}; {cmuxu'i}; {xunre}; {bunre}; {pilno}; {dikca}; {lastu}; {ransu}; {sinxa}

tunlo
-tul-
-tu'o-
x_1 gasnu lo nu x_2 pagre lo galxe be x_1 lo stomaxu be x_1
{gasnu}; {pagre}; {galxe}; {stomaxu}

tunta
-tun-
lo jipno be x_1 cu danre x_2

tuple
-tup-
-tu'e-
x_1 pagbu lo xadni be x_2 gi'e sarji je muvgau x_2
{pagbu}; {xadni}; {sarji}; {muvgau}

turko [experimental]
x_1 ckini lo kulnu ja bangu ja cecmu ja natmi pe lo bantu'uru ja gugdeturu x_2
{kulnu}; {bangu}; {cecmu}; {natmi}; {bantu'uru}; {gugdeturu}; {xazdo}; {ropno}

turni
-tru-
x1 catni je jitro x_2
{catni}; {jitro}

tutci
-tci-
x_1 rutni gi'e ba'o se finti fi lo ka se pilno fi x_2
{rutni}; {finti}; {pilno}; {cabra}; {minji}

vacri
-var-
x_1 gapci bu'u x_2 .i x_1 mixre lo trano jo'u lo kijno jo'u lo drata gapci pi so'u si'e gi'e sruri x_2 noi terdi
{gapci}; {mixre}; {trano}; {kijno}; {drata}; {gapci}; {sruri}; {terdi}

vajni
-vaj-
-vai-
x_1 mutce lo ka x_2 nitcu lo nu x_2 jundi lo nu ce'u ckaji x_3
{mutce}; {nitcu}; {jundi}; {ckaji}; {cuntu}

valsi
-val-
-vla-
x_1 selba'u bo snapoi ja lerpoi gi'e se smuni x_2 gi'e selci x_3 noi bangu
{selba'u}; {snapoi}; {lerpoi}; {smuni}; {selci}; {bangu}

vamji
-vam-
-va'i-
x_1 traji lo ka x_3 bredi lo ka renvi ja dunda kei te zu'e lo nu cpacu ja ralte x_2
{traji}; {bredi}; {renvi}; {dunda}; {cpacu}; {ralte}; {jdima}; {pleji}; {dirba}; {vajni}; {kargu}

vamtu
-vat-
x_1 livgau x_2 lo stomaxu lo moklu
{livgau}; {stomaxu}; {moklu}

vanbi
-vab-
x_1 sruri je se jalge lo nu ma kau tcini x_2
{sruri}; {jalge}; {tcini}

vanci
-vac-
x_1 pagbu x_2 noi djedi ku'o gi'e kuspe lo fanmo be lo donri be'o jo'u lo tolfa'o be lo nicte kei gi'e se stuzi x_3 .i x_1 temci lo nu co'u gunka kei lo nu co'a sipna
{pagbu}; {djedi}; {kuspe}; {fanmo}; {donri}; {tolfa'o}; {nicte}; {stuzi}; {temci}; {gunka}; {sipna}

vanju
-van-
x_1 jisra x_2 gi'e xalka fi lo nu x_2 fusra .i ra'u x_2 vanjba
{barja} .i {birje} .i {xalka} .i {jikru} .i {fusra}

vasru
-vas-
-vau-
x_1 se nenri x_2 .a lo pagbu be x_2
{nenri}; {pagbu}; {vautci}

vasxu
-vax-
-va'u-
x_1 cpagau lo fepri x_2 noi vacri ku'u gi'e vimcu x_2 boi fy
{vacri}; {cpagau}; {vimcu}; {fepri}

vecnu
-ven-
-ve'u-
x_1 canja x_2 fo x_3 fi x_4 noi jdini

venfu
-vef-
x_1 zukte fi lo ka sfasa x_2 fi x_3 noi xrani x_1 kei fe x_4
{zukte}; {sfasa}; {xrani}

vensa
-ves-
x_1 citsi lo ka glaze'a kei x_2 tu'i x_3 gi'e se lidne lo dunra gi'e lidne lo crisa
{citsi}; {glaze'a}; {crisa}; {critu}; {dunra}

verba
-ver-
-ve'a-
x_1 na'e mulba'o je na'e makcu prenu
{mulba'o}; {makcu}; {prenu}; {cifnu}

vibna
-vib-
x_1 pluta terjo'e lo vlagi be x_2 lo gutra be x_2
{pluta}; {terjo'e}; {vlagi}; {gutra}

vidru
-vir-
x_1 mutce cmalu (to nanvi lo mitre be li 20 ji'i 300 toi) no'e jmive gi'e ckaji x_2 gi'e parji x_3 noi selci lo jmive
{mutce}; {cmalu}; {nanvi}; {mitre}; {no'e}; {jmive}; {ckaji}; {parji}; {selci}

vifne
-vif-
x_1 cnino lo ka se cpacu kei gi'e na ba'o fusra
{cnino}; {cpacu}; {fusra}

vikmi
-vim-
-vi'i-
ze'o x_1 noi xadni ku'o x_2 noi festi cu muvdu lo bartu be lo xadni x_3 boi x_4
.i zo {cigla} .i zo {kalci} .i zo {pinca} .i zo {xasne}

viknu
-vik-
x_1 denmi ja snipa ja tilju litki
{denmi}; {snipa}; {tilju}; {litki}

vimcu
-vic-
-vi'u-
x_1 lebna x_2 boi x_3 ja'e x_4 i x_1 gasnu lo nu x_3 jdika fi x_2 ja'e x_4

vinpa [experimental]
x_1 se finti fi lo ka sinxa x_2 fi x_3 .i je x_2 srana lo se lifri be x_3 bei ca lo nu x_3 ganse x_1
srana fa zo {sinxa} je zo {finti} je zo {ganse} .i so'i je nai ro vinpa cu te ciska

virnu
-vri-
x_1 na jai se fanta lo ka terpa kei fai lo ka zukte x_2 noi nandu ja jursa ja ckape ja crori'a
{fanta}; {terpa}; {zukte}; {nandu}; {jursa}; {ckape}; {crori'a}

viska
-vis-
-vi'a-
x_1 ganse x_2 lo'e kanla be x_1 boi x_3
{kanla} {ganse}

vitci
-vit-
lo nu x_1 ckaji x_2 cu cunso rapli .i x_1 to'e dikni x_2
{ckaji}; {cunso}; {rapli}; {dikni}

vitke
-vi'e-
x_1 klama lo zdani ja se zvati be x_2 gi'e zasni lo ka kansa x_2 x_3
{klam}; {zdani}; {zvati}; {zasni}; {kansa}

vitno
-vi'o-
x_1 ze'e stodi x_2
{stodi} .i {zasni} .i {cenba}

vlagi
-lag-
x_1 bartu pagbu lo rorci rango be x_2 noi fetsi
{bartu}; {pagbu}; {rorci}; {rango}; {fetsi}

vlile
-vil-
x_1 nu na'e jitro je tsali je jursa bapli
{jitro}; {tsali}; {jursa}; {bapli}

vlina
x_1 du'u ga x_2 gi x_3 jetnu
{du'u}; {ga}; {jetnu}; {kanxe}; {natfe}

vlipa
-vli-
x_1 kakne lo ka zukte ja akti x_2 .i x_1 kakne x_2 noi ka gasnu
{kakne}; {zukte}; {akti}; {tsali}; {ruble}; {gasnu}

vofli
-vol-
-voi-
x_1 litru lo vacri x_2
{litru}; {vacri}; {cipni}; {nalci}; {vinji}; {sfubu}

voksa
-vok-
-vo'a-
x_1 sance x_2 gi'e se cupra sepi'o lo'e fepri be x_2 noi kamjyterbo'u
{sance}; {fepri}; {bacru}; {krixa}; {cmoni}

vorme
-vor-
-vro-
x_1 te sepli x_2 x_3 gi'e ka'e se pagre .i x_1 to'e bitmu x_2 x_3
{sepli}; {pagre}; {canko}; {ganlo}; {kalri}; {bitmu}

vreji
-rej-
-vei-
x_1 sorcu lo marji sinxa be x_2 x_3
{sorcu}; {marji}; {sinxa}

vreta
-vre-
x_1 zasni lo ka lo xadni be ce'u cu pinta gi'e cpana x_2
{zasni}; {xadni}; {pinta}; {cpana}; {sanli}; {zutse}; {ckana}

vrici
x_1 ckaji x_2 ije lo pagbu be x_1 cu simxu lo ka ce'u ce'u frica x_2 i x_1 to'e manfo x_2
{frica}, {manfo}

vrude
-vud-
-vu'e-
x_1 zabna x_2 ma'i lo marde .i x_1 to'e palci x_2
{zabna}; {marde}; {palci}

vrusi
-vus-
-vu'i-
x_1 se krasi x_2 gi'e ka'e se ganse fi lo'e moklu
{titla}; {slari}; {kurki}; {jvinu}; {sance}; {panci}; {tengu}

vujnu [experimental]
nu'a vu'u .i x_1 se sumji x_2 x_3 x_4 li'o .i pe'a zi'o vimcu x_3 jo'u x_4 li'o x_2 x_1

vukro
-vur-
-vu'o-
x_1 ckini lo kulnu ja bangu ja cecmu ja natmi pe lo bangukuru ja gugde'u'a x_2
{kulnu}; {bangu}; {cecmu}; {natmi}; {bangukuru}; {gugde'u'a}; {slovo}; {ropno}; {softo}

xabju
-xa'u-
x_1 stodi ja jai cafne lo ka zvati x_2 .i x_1 se zdani x_2
{stodi}; {cafne}; {zvati}; {zdani}

xadni
-xad-
x_1 stura lo se marji be x_2
{stura}; {marji}

xagji
x_1 djica ja nitcu x_2 noi cidja ku'o lo ka citka x_2
{djica}; {nitcu}; {cidja}; {citka}; {taske}

xagri
x_1 tubnu zgitci gi'e se pagbu x_2 noi cmalu je toltinsa spisa lo stani .a lo jinme gi'e jorne lo moklu be x_1 gi'e slilu gau lo flecu be lo vacri gi'e sligau lo vacri poi nenri lo tubnu

xajmi
-xam-
x_1 jai se jalge lo nu x_2 cmila ja se zdile kei fai x_3
{jalge}; {cmila}; {zdile}; {bebna}; {fenki}; {cizra}; {cinri}, {spaji}

xaksu
-xak-
x_1 pilno je daspo x_2 .i x_1 pilno x_2 co'u lo nu lo no si'e be x_2 cu stali
{pilno}; {daspo}; {stali}

xalbo
x_1 zukte ja ckaji x_2 se cau lo ka vajni .i x_1 to'e junri x_2
{vajni}; {junri}

xalka
-xal-
x_1 skacau je klina je febysutra je jelka'e litki gi'e se krasi x_2 gi'e se vrusi lo cpina gi'e jicmu lo jikru gi'e kakne lo ka kansa lo djacu lo ka se mixre
{jikru}; {birje}; {vanju}

xalni
x_1 suksa je carmi lo ka terpa x_2
{suksa}; {carmi}; {terpa}

xamgu
-xag-
-xau-
x_1 gasnu ja rinka ja cupra lo prali be x_2 .i x_1 gasnu lo nu x_2 zenba lo ka zabna .i x_1 to'e xlali x_2
{gasnu}; {rinka}; {cupra}; {prali}; {zenba}; {zabna}; {xlali}

xamsi
-xas-
x_1 se stuzi x_2 gi'e barda marji x_2 noi litki gi'e na'o silna djacu
{stuzi}; {barda}; {marji}; {litki}; {silna}; {djacu}; {lalxu}; {rirxe}; {ctaru}; {daplu}; {tumla}; {zbani}; {vacri}

xance
-xan-
-xa'e-
x_1 jgari pagbu lo xadni be x_2 gi'e fanmo lo birka gi'e se pagbu lo degji jo'u lo tamji
{jgari}; {pagbu}; {xadni}; {fanmo}; {birka}; {degji}; {tamji}; {jamfu}

xanka
x_1 to'e kufra lo ka terpa ja kanpe x_2 noi fange ja nandu ja ckape ja raktu ja nabmi ja malfu'a x_1
{kufra}; {terpa}; {kanpe}; {fange}; {nandu}; {ckape}; {raktu}; {nabmi}; {malfu'a}

xanri
-xar-
x_1 zasti lo na'e fatci noi ke'a se pensi x_2 .i x_1 sidbo ja se pensi ja se senva x_2
lo xanri ka'e fatci; {zasti}; {fatci}; {menli}; {pensi}; {sidbo}; {senva}

xarci
-xac-
-xa'i-
x_1 tutci lo nu x_3 gunta ja badyse'i x_2
{tutci}; {gunta}; {badyse'i}

xarnu
x_1 na bredi lo ka cenba ja sisti x_2
{bredi}; {cenba}; {sisti}

xasne
x_1 silna jausmi se vikmi x_2 x_3 noi pilka cigla
{silna}; {jausmi}; {vikmi}; {pilka}; {cigla}

xatra
-xa'a-
x_1 se ciska notci fo x_2 fi x_3 fe x_4
{ciska}; {notci}

xatsi
-xat-
x_1 klani li gei ni'u pa bi x_2
{klani}; {centi}; {decti}; {dekto}; {femti}; {gigdo}; {gocti}; {gotro};{gradu}; {kilto}; {megdo}; {mikri}; {milti}; {nanvi}; {petso}; {picti}; {terto}; {xecto}; {xexso}; {zepti}; {zetro}

xebni
-xen-
-xei-
x_1 to'e prami x_2
{prami}; {nelci}; {rigni}

xebro
-xeb-
-bro-
x_1 ckini lo kulnu ja bangu ja cecmu ja natmi pe lo banxe'ebu ja gugde'ilu x_2
{kulnu}; {bangu}; {cecmu}; {natmi}; {banxe'ebu}; {gugde'ilu}; {semto}; {xazdo}

xecto
-xet-
-cto-
x_1 klani li gei re x_2
{klani}; {centi}; {decti}; {dekto}; {femti}; {gigdo}; {gocti}; {gotro}; {gradu}; {kilto}; {megdo}; {mikri}; {milti}; {nanvi}; {petso}; {picti}; {terto}; {xatsi}; {xexso}; {zepti}; {zetro}

xedja
-xej-
-xe'a-
x_1 pagbu lo flira be x_2 gi'e gacri lo bongu poi greku lo moklu
{pagbu}; {flira}; {gacri}; {bongu}; {greku}; {moklu}

xekri
-xek-
-xe'i-
x_1 skari lo'e kolme .a lo'e na'e gusni
{skari}; {kolme}

xekto [experimental]
x_1 xecto x_2 x_3
zo "xekto" {smumi'u} zo "{xecto}" .i ra'oi "-xet-" rafsi ti

xelso
-xes-
x_1 ckini lo kulnu ja bangu ja cecmu ja natmi pe lo baurgurucu ja bangelulu ja gugdeguru x_2
{kulnu}; {bangu}; {cecmu}; {natmi}; {baurgurucu}; {bangelulu}; {gugdeguru}; {ropno}

xendo
-xed-
-xe'o-
lo nu x_1 tarti x_3 cu xamgu ja sidju x_2 .i x_1 jarco ta'i x_3 lo ka ce'u se vajni ja se cinri x_2 kei .e lo ka djica lo xamgu be x_2 .i x_1 to'e kusru x_2
srana fa zo {xamgu} .e zo {cinmo} .e zo {kecti} .e zo {pendo} .e zo {kusru}

xenru
-xer-
-xe'u-
x_1 djica lo ka na ckaji ja zukte x_2 noi x_1 ke'a ja'a ckaji ja zukte
{djica}; {ckaji}; {zukte}; {zungi}; {u'u}

xexso
-xex-
x_1 klani li gei pa bi x_2
{klani}; {centi}; {decti}; {dekto}; {femti}; {gigdo}; {gocti}; {gotro}; {gradu}; {kilto}; {megdo}; {mikri}; {milti}; {nanvi}; {petso}; {picti}; {terto}; {xatsi}; {xecto}; {zepti}; {zetro}

xindo
-xin-
x_1 ckini lo kulnu ja bangu ja cecmu ja natmi pe lo banxe'inu ja gugde'inu x_2
{kulnu}; {bangu}; {cecmu}; {natmi}; {banxe'inu}; {gugde'inu};{xazdo}; {xurdo}; {srito}

xinmo
-xim-
x_1 litki gi'e to'e klina gi'e skari x_2 noi carmi vau gi'e ka'e se vasru x_3 noi ve ciska
{penbi}

xirma
-xir-
-xi'a-
x_1 barda je spacti gi'e mabru x_2 noi jutsi la'o jutsi. Equus ferus .jutsi ku'o gi'e se sufti gi'e se degji vo da
srana fa zo {mabru} .e zo {sufti}

xislu
-xil-
-xi'u-
x_1 cukla tutci lo ka gunro ja carna kei gi'e pagbu x_2 noi marce ja cabra
{cukla}; {tutci}; {gunro}; {carna}; {pagbu}; {marce}; {cabra}

xlali
-xla-
x_1 gasnu ja rinka ja cupra lo to'e prali be x_2 .i x_1 xrani ja crogau x_2 .i x_1 gasnu lo nu x_2 zenba lo ka mabla .i x_1 to'e xamgu x_2
{gasnu}; {rinka}; {cupra}; {prali}; {xrani}; {crogau}; {zenba}; {mabla}; {xamgu}

xlura
-xlu-
x_1 jai se jalge lo nu x_2 tende ja djica ja .aidji x_3 kei fai x_4
{jalge}; {tende}; {djica}; {aidji}; {trina}; {mukti}; {jitro}; {minde}; {stidi}; {kajde}

xorbo [experimental]
x_1 ckini lo kulnu ja bangu ja cecmu pe la .xorban. x_2
{kulnu}; {bangu}; {cecmu}; {lojbo}

xotli
-xol-
-xoi-
x_1 dinju lo ka zasni se xabju lo litru gi'e se stuzi x_2 gi'e se sazri x_3
{dinju}; {zasni}; {xabju}; {litru}; {stuzi}; {sazri}

xrabo
-rab-
x_1 ckini lo kulnu ja bangu ja cecmu ja natmi pe lo bangaru'a x_2
{kulnu}; {bangu}; {cecmu}; {natmi}; {bangaru'a}; {xazdo}; {friko}; {semto}; {sadjo}; {lubno}; {rakso}; {sirxo}; {filso}; {misro}

xrani
-xai-
x_1 gasnu lo nu x_2 spofu x_3 gi'a jdika lo ka tolpo'u x_3
{gasnu}; {spofu}; {jdika}; {tolpo'u}; {daspo}; {cortu}; {porpi}

xruba
-xub-
x_1 gurni ja spati x_2 noi jutsi la'o jutsi Polygonaceae jutsi
{spati}

xruki
-xuk-
x_1 barda cipni x_2 noi jutsi la'o lanzu Meleagrididae lanzu
{barda}; {cipni}; {jutsi}; {jipci}; {datka}; {gunse}

xruti
-xru-
x_1 di'a ckaji x_2 noi ke'a basti x_3 noi x_1 co'u ckaji ke'a
ko catlu zo {xrukla} je zo {zvaxru} je zo {kaicne}

xunre
-xun-
-xu'e-
x_1 skari lo'e ciblu .a lo'e gusni poi traji le ka boxna clani kei le zmadu lei ka'e se viska be lo'e remna
{skari}; {ciblu}

xurdo
-xur-
-xu'o-
x_1 ckini lo kulnu ja bangu ja cecmu ja natmi pe lo bangurudu x_2
{kulnu}; {bangu}; {cecmu}; {natmi}; {bangurudu}; {xazdo}; {kisto}; {xindo}

xusra
-xus-
-xu'a-
x_1 jungau da lo du'u x_1 jinvi ja birti x_2
srana fa zo {jinvi} .e zo {birti}

xutla
-xul-
x_1 se tengu lo manfo .i x_1 to'e rufsu
{manfo}; {tengu}; {rufsu}

zabna
-zan-
-za'a-
x_1 xamgu ja trina ja melbi ja pluka ja mansa fi x_2 fe x_3 .i x_1 to'e mabla x_2 x_3
{xamgu}; {trina}; {melbi}; {pluka}; {mansa}; {mabla}

zajba
-zaj-
x_1 certu ja stati x_2 gi'e tigni ja tarti x_2
{certu}; {stati}; {tigni}; {tarti}

zalvi
-zal-
x_1 marxa ja jai galfi x_2 boi x_3 noi purmo
{daspo} .i {purmo} .i {marxa} .i {pulce} .i {canre} .i {molki}

zandi [experimental]
x_1 toljinsa ri'a lonu x_2 zvati le sefta be x_1 keiku fi'o te karbi x_3

zanru
-zar-
-zau-
x_1 jinvi lo zabna x_2
{jinvi}; {zabna}

zarci
-zac-
-zai-
x_1 dinju ja stuzi lo nu x_2 se vecnu ja se canja x_3
{dinju}; {stuzi}; {vecnu}; {canja}

zargu
-zag-
-za'u-
x_1 trixe pagbu lo xadni be x_2 gi'e sruri lo ganxo
{trixe}; {pagbu}; {xadni}; {sruri}; {ganxo}

zasni
-zas-
x_1 ze'i stodi x_2 .i x_1 to'e vitno x_2
{stodi} .i {vitno} ,i {cenba}

zasti
-zat-
-za'i-
lo nu su'o da zo'u da me x_1 ku se manri x_2 boi x_3
{manri}, {me}, {da}

zbabu
-bab-
x_1 marji x_3 gi'e se krasi x_2 noi na'o grasu jo'u jilka ku'o gi'e se pilno fi lo ka ve lumci
{marji}; {krasi}; {grasu}; {jilka}; {pilno}; {lumci}

zbasu
-zba-
x_1 gasnu lo nu x_2 co'a zasti kei ta'i lo nu kansimgau x_3 lo ka pagbu ja se marji x_2
{gasnu}; {zasti}; {kansimgau}; {pagbu}; {marji}; {cupra}; {finti}; {gundi}; {rutni}; {larcu}

zbepi
-zbe-
x_1 se cpana je sarji x_2 gi'e marji x_3
{cpana}; {sarji}; {marji}

zdani
-zda-
x_1 se xabju x_2 gi'e marbi ja kufygau x_2
{xabju}; {marbi}; {kufygau}; {dinju}; {ginka}

zdile
-zdi-
lo nu x_1 ckaji x_3 cu ralte lo ka pluka je se jundi x_2
{ckaji}; {ralte}; {pluka}; {jundi}; {cinri}; {xajmi}; {kelci}

zenba
-zen-
-ze'a-
x_1 cenba x_2 boi x_3 ja'e lo nu lo fanmo cu zmadu lo krasi x_2

zepti
-zep-
x_1 klani li gei ni'u re pa x_2
{klani}; {centi}; {decti}; {dekto}; {femti}; {gigdo}; {gocti}; {gotro};{gradu}; {kilto}; {megdo}; {mikri}; {milti}; {nanvi}; {petso}; {picti}; {terto}; {xatsi}; {xecto}; {xexso}; {zetro}

zetro
-zet-
x_1 klani li gei re pa x_2
{klani}; {centi}; {decti}; {dekto}; {femti}; {gigdo}; {gocti}; {gotro}; {gradu}; {kilto}; {megdo}; {mikri}; {milti}; {nanvi}; {petso}; {picti}; {terto}; {xatsi}; {xecto}; {xexso}; {zepti}

zgana
-zga-
x_1 jundi x_2 gi'e ganse x_2 boi x_3
{jundi} .i {ganse} .i {lanli}

zgike
-zgi-
-gi'e-
x_1 se rilti sance x_2 gi'e gunma lo tonga gi'e se stura lo pluka je saxsi'u
{rilti}; {sance}; {gunma}; {tonga}; {stura}; {pluka}; {saxsi'u}

zifre
-zif-
-zi'e-
no da se rinju x_1 x_2 .i x_1 na bilga lo ka na zukte ja ckaji x_2
{rinju}; {bilga}; {curmi}; {kakne}

zirpu
-zir-
-zi'u-
x_1 skari lo mixre be lo blanu jo'u lo xunre
{skari}; {blanu}; {xunre}

zmadu
-zma-
-mau-
lo se me'au x_3 be x_1 lo se me'au x_3 be x_2 cu dubmau gi'e sumji x_4
srana fa zo {dubmau} .e zo {mleca} .e zo {dunli} .e zo {frica}

zmiku
-zmi-
x_1 sefsi lo ka ce'u sazri ce'u x_2
{sazri}; {sefsi}; {sazyse'i}

zukte
-zuk-
-zu'e-
x_1 gasnu lo nu x_1 ckaji x_2 kei mu'i lo nu x_1 kanpe lo nu lo nu x_1 ckaji x_2 cu se jalge x_3

zulna [experimental]
x_1 zunle x_2 fi x_3
smudu'i zo {zunle} gi'e sarxe zo {zu'a} lo ka pagbu ce'u fa mo'oi kau karsna .i srana fa zo {pritu} je zo {mlana} je zo {crane} je zo {trixe} je zo {farna}

zumri
-zmu-
x_1 gurni ja spati x_2 noi jutsi la'o jutsi Zea mays jutsi
{gurni}; {spati}; {jutsi}

zungi
-zug-
x_1 cinmo lo ka fuzme lo nu x_1 zukte ja ckaji x_2 noi x_1 jinvi lo du'u ke'a zekri ja palci ja xlali .i x_1 to'e jgira x_2
{cinmo}; {fuzme}; {zukte}; {ckaji}; {jinvi}; {zekri}; {palci}; {xlali}; {jgira}

zunle
-zul-
x_1 zvati lo mlana be x_2 be'o poi se farna lo stici va'o lo nu x_2 se farna lo berti .i x_1 to'e pritu x_2
{zvati}; {mlana}; {farna}; {stici}; {berti}; {pritu}

zunti
-zun-
-zu'i-
x_1 jai se jalge lo nu x_2 fliba lo ka drani ja mulno ja zabna lo ka fasnu kei kei fai x_3
{jalge}; {fliba}; {drani}; {mulno}; {zabna}; {fasnu}; {dicra}; {fanta}; {fanza}; {raktu}

zutse
-zut-
-tse-
x_1 zasni lo ka lo zargu be ce'u cu cpana x_2 gi'e sarji lo xadni be ce'u
{zasni}; {zargu}; {cpana}; {sarji}; {xadni}; {sanli}; {vreta}; {stizu}; {sfofa}

zvati
-zva-
x_1 dunli x_2 le ka ce'u fasnu bu'u makau
{bu'u}

zviki [experimental]
x_1 finti fo x_4 fe x_2 noi ke'a kosmu x_3 gi'e cnino jenai pu se kanpe lo poi'i finti ja pilno x_3